|
رحلتي الاسبوع الجاي و لحد الان مارتبت شي فزعتكم السلام عليكم .. بالعادة لاخططنا ع سفرة نرتب لها من شهور بس هالسفره جات بدون سابق انذار والله متحسره انه مايمديني اشوف و اقراء تقاريركم لاني احب الاطلاع بس الوقت ضيق جدا و حابه مساعدتكم ف ترتيب جدولي راح يكون المدة 14 يوم و المسافرين انا و زوجي حابه ازور بالي و جاكرتا و بونشاك وباندونق ايش تنصحوني فيه و كم عدد الايام لكل مدينه و الفنادق المميزه واللي اسعارها مناسبه و السواقين كيف احصل عليهم .. والله يجزاكم خير الجزاء |
مافيه ولا رد معقوله |
وعليكم السلام ورحمة الله وبركاته هلا مليون اختي أم لمى لاتستغربي مشرف المغرب جاي لبوابة إندونيسيا [emoji23] كلنا في هذا المنتدى العريق مكملين لبعض ولله الحمد من سابق رحلاتي لبلاد العمة المدة جدا رائعة 14 يوم احذفي منها الذهاب والعودة يبقى 12 يوم كافية بعطيك جدول مبدئي وان شاء الله يعجبك أهم شيء موعد وصولكم لا يكون وقت اجازة عندهم عشان تتفادى الزحام 1 يوم الجلوس في جاكرتا للراحة وثاني يوم التوجه إلى بونشاك والجلوس فيها 5 أيام أو بعد جلوسكم في جاكرتا يوم التوجه إلى بالي والجلوس فيها يومين إلى 3 أيام ومن ثم العودة إلى جاكرتا والذهاب إلى بونشاك ومن ثم التوجه إلى باندونق والجلوس فيها يومين وبعدها العودة إلى جاكرتا والجلوس يوم للذهاب إلى المولات وغيره وبالنسبة لارقام السائقين أن شاء الله يوافونك فيها أحد الأخوان مع الفنادق وياليت تتطلعي على تقارير الأعضاء واذا عندك اي استفسار أخر جاهزين في الخدمة تحياتي ،، أرسلت من SM-G900F بإستخدام تاباتلك |
ليله جاكرتا ثم الجبل ٤ ايام باندونق يومين بالي ثلاث ايام جاكرتا يومين |
اقتباس:
نعم هذا هو الواقع نحن مكملين ونعمل مع بعض كفريق واحد ولهدف مشترك و هو توفير المعلومة لمن يبحث عنها بدون اي مقابل هذي سياسة منتدى المسافرون العرب في المنتدى القديم والجديد كل الشكر والتقدير لمشرفنا القدير Haksa77 لتشريفة قسم اندونيسيا |
اختي ام لمي ياليت تحددي تاريخ وصولك ومغادرتك حتى نترتب لك جدول على عدد ايامك الفعلي ملاحظة بسيطه يوم الوصول والمغادرة ما نحسبها في الجدول السياحي كذلك لو تطلعي على هذا الموضوع في الرابط ادناه راح تستفيدي كثير وفيه جدول شبه جاهز مع بعض التعديلات البسيطه http://www.arabtrvl.com/vb/t16110-2.html بالتوفيق |
الله يجزاكم عني خير الجزاء .. المدة بدون يوم الوصول و المغادرة ١٣يوم لكن مو المفروض احسب يوم الوصول لانه راح يكون الظهر ؟؟ يومالوصول راح يكون ١٨ اغسطس الساعه ثلاث ظهرا جاكرتا يوم المغادرة راح يكون ١ سبتمبر الساعه الواحدة و خمسه و اربعين دقيقه الحين ابغى جدول مرتب لعدد الايام لكل مدينه و اي موقع احجز عن طريقه مدينه بالي ؟؟ |
|
|
بسم الله وعلى بركة الله .. راح اكمل لأخواني المشرفين :5: انا عندي وجهة نظر اخرى .. وراح تكون رحلتك فيها اريح من ناحية التنقلات والسفر الداخلي افضل جدول من وجهة نظري: يوم 18 اغسطس (الخميس): الوصول الى جاكرتا ومن وجهة نظري هذا الفندق ممتاز Booking.com: ظپظ†ط¯ظ‚ ط´ظٹط¨ظˆطھط±ط§ ط¬ط§ظƒط§ط±طھط§ - ط¬ط§ظƒط±طھط§, ط¥ظ†ط¯ظˆظ†ظٹط³ظٹط§ وانا سكنت فيه وعن تجربة .. وفيه مول ملاصق تقدرون تقضون يومكم فيه بدون الخروج الى اي مكان يوم 19 اغسطس (الجمعة): التوجه الى بالي <طيران داخلي> والبقاء في بالي 3 ايام .. هذا الفندق الي سكنت فيه .. وكان ممتاز ورايق وقريب جدا من البحر في حدود 300 الى 400 متر Booking.com: ظپظ†ط¯ظ‚ ظƒظˆطھط§ ط¢ظٹظ†ط¬ظ„ - ظ„ظˆظƒط´ظˆط±ظٹط² ظ„ظٹظپظٹظ†ط¬ - ظƒظˆطھط§ ط¨ط§ظ„ظٹ, ط¥ظ†ط¯ظˆظ†ظٹط³ظٹط§ يوم 22 اغسطس (الاثنين) :العوده من بالي الى باندونق <طيران داخلي> البقاء في باندونق يومين .. كافيه والفندق هذا من افضل فنادق باندونق .. من ناحية تقييم ومن ناحية تجربة .. وموقعه اكثر من رائع بجانب شارع الجنز واسواق المشاه Booking.com: ظپظ†ط¯ظ‚ ط³ظ†ط³ط§ ط¨ط§ظ†ط¯ظˆظ†ظ‚ - ط¨ط§ظ†ط¯ظˆظ†ط؛, ط¥ظ†ط¯ظˆظ†ظٹط³ظٹط§ يوم 24 اغسطس (الاربعاء): التوجه من باندونق الى بونشاك والبقاء في بونشاك 6 ايام يوم 30 اغسطس (الثلاثاء): التوجه الى جاكرتا البقاء في جاكرتا يومين يوم للتمشيه فيها ويوم للتسوق مثلا في هذه اليومين ارشح لك هذا الفندقBooking.com: ظپظ†ط§ط¯ظ‚ ظ…ظٹط±ظƒظˆط± ظƒظˆظ†ظپظٹظ†ط´ظ† ط³ظ†طھط± ط£ظ†ظƒظˆظ„ - ط¬ط§ظƒط±طھط§, ط¥ظ†ط¯ظˆظ†ظٹط³ظٹط§ ممتاز وداخل منطقة انشول الترفيهية في هذا الجدول: * راعيت فيه ايام الاجازات الاسبوعية عندهم وماخليت تنقلكم في هذه الايام * حاولت اعطي كل منطقه حقها من الايام حسب مدة رحلتكم * حاولت اقلل عليكم تنقلات الطيران وغيره قد ما اقدر (بحيث خليت نزولكم من بالي على باندونق مباشرة) ان شاء الله يكون الجدول مناسب لكم .. |
الله يجزاك خير اخونا علي الحربي بس لو لاحظت الفنادق بتكون غاليه علينا انا ميزانيتي كلها ع بعضها عشرة الاف ريال ف جالسه اختار فنادق نوعا ما جيده و سعرها اقل من ميتين عشان تكفي الفلوس باقي المصاريف �� |
طيب الميزانية تشمل التذاكر الداخلية ؟؟ |
ايوه |
حجزتوا ولا باقي ؟؟ لان 10 الاف قليله من وجهة نظري في حال كانت تشمل التذاكر الداخلية لو تخلوها على جاكرتا وباندونق وبونشاك افضل ويصير تاخذوا في جاكرتا شقق فندقية .. في شقق طيبة وسعرها طيب وفي بونشاك تاخذوا فله لا تنسوا ان رحلتكم 13 يوم والسواق ياخذ تقريبا مابين 550 الى 600 الف يومياً يعني في حدود 170 ريال ولو حسبنا مبدئيا السواق لـ 10 ايام .. راح تكون حسبته 1700 ريال غير السكن والمصروف اليومي انا ما اقصد اني اصعب الامور .. لكن نتكلم شوي بمنطقية عشان مايحصل لكم ضيق مالي هناك وتتورطون |
الا بأكنسل باندونق و الحجز الداخلي للحين بس قبل شوي اطلعت ع اسعارها طلع بحدود الخمس مية من جاكرتا الى بالي يعني يمكن يكلفنا الف ريال . مارحت اندونيسيا الا عشان بالي خاطري فيها |
طيب في حال انكم تبون بالي لازم تنسقين قبل ماتحجزين وتحسبين الحسبه مضبوط وبعدها تأكدون حجوزاتكم شوفي الحجز على خطوط اير اسيا وخطوط ليون وشوفوا الارخص احسبوا حسبة السواق 1700 ريال تقريبا + السواق ياخذ في حدود 500 الف روبية في حالة التنقل من منطقة لاخرى غير حسبته اليومية من جاكرتا الى بونشاك حدود 500 الف ، وكذلك في عودتكم الى جاكرتا واحسبوا حسبه 400 ريال سعودي كمصروف يومي × عدد الايام + مصروف بسيط للتكاسي في تنقلكم في جاكرتا واذا منتوا ناوين على تسوق خلوا جدولكم بهذه الطريقة الوصول جاكرتا .. والراحه ثاني يوم التوجه الى بالي والبقاء فيها 4 ايام والعوده الى جاكرتا .. والتوجه مباشرة الى الجبل (خليت لكم بالي 4 ايام عشان رجعتكم ماتكون يوم الاثنين الاجازة الاسبوعية) لانه راح يكون الطريق زحمة في اتجاهكم للجبل بونشاك.. والقرار لكم البقاء في الجبل الى يوم 31 اغسطس .. والتوجه الى جاكرتا البقاء في جاكرتا يوم واحد يكفيها لمنطقة انشول وثاني يوم العودة |
انا ابدا مو من النوع اللي احب اتسوق لاسافرت احب استغل السفره بالمزارات لان ماكثر عندنا بالسعوديه الا المولات يعني ممكن اروح لمول هناك للكوفي او عشان مطاعم وصولنا راح يكون الساعه ثلاث العصر كيف استغل اليوم مايروح علي ؟؟ |
بس مو معقوله اجلس في بونشاك تسع ايام تقريبا ع حسب جدولك احس مره كثير |
في اماكن كثير في جاكرتا تقدروا تروحوها احسبوا حسابكم على ماتوصلوا وتستلموا شنطكم وتروحوا السكن تعملوا تسجيل دخول بيكون على نهاية العصر .. هذه بعض الاماكن الي تقدروا تروحوها: زيارة الجزر القريبه من جاكرتا زيارة حديقة الفواكه مكر ساري متاحف جاكرتا برج موناس التمشي في المولات والمولات كثيره جدا مدينة الالعاب عالم الثلج المدينة المائيه اماكن الترفيه في سارينا من تنس وبيلياردوا وكافي نت السينما بانواعها الغربي والاندونيسيي |
راح يكون تواجدكم في بونشاك 8 ايام .. واليوم التاسع من الصباح التوجه الى جاكرتا و8 ايام اذا كان الجو حلو في بونشاك ممتازة جدا .. وماتعتبر كثيرة |
الله يجزاك الجنه ع تعاونك معنا .. طيب ممكن اقترح اقتراح ثاني للجدول راح نسافر لبالي يوم الجمعه و راح يكون الوصول اول الصباح حصلت حجز الساعه سبع بس لحد الان ماحجزته ف بيكون من الجمعه الى يوم الثلاثاء ف بالي عدد الايام خمس ايام ثم يوم الاربعاء التوجه الى جاكرتا ثم الى بونشاك باعتبار ان الاربعاء يوم ضايع بونشاك راح نجلس فيها من يوم الخميس الى يوم الاثنين عدد الايام خمسة الثلاثاء التوجه الى جاكرتا و المكوث فيها الى يوم الخميس يوم العودة للوطن |
ماسويت الا الواجب .. واحنا متواجدين في هذا المنتدى نفيد ونستفيد جدولك ممتاز بعد انا اقترحت اني اقلل ايام بالي عشان حسبة السكن لان بونشاك ارخص من بالي في السكن لكن اذا شايفه ان توزيعك ممتاز اعتمديه |
طيب الفنادق تعبت حيل حيل وانا ادور لاني مو عارفه المناطق الزينه واسماءها مره ادخل بوكينق مره اقودا مره هوتيل اي ار مره تريب ادفيسور و مره تريفقو كل هذا عشان اقرا التعليقات و التصنيفات ف تشتت اكثر :2: |
طيب الفنادق تعبت حيل حيل وانا ادور لاني مو عارفه المناطق الزينه واسماءها مره ادخل بوكينق مره اقودا مره هوتيل اي ار مره تريب ادفيسور و مره تريفقو كل هذا عشان اقرا التعليقات و التصنيفات ف تشتت اكثر :2: |
ابغى تعطوني رايكم ف هذا الفندق في بونشاك Booking.com: ظ…ظ†طھط¬ط¹ ط¨ط§ظ„ط§ط³ - ط¨ظˆظ†طھظ’ط´ط§ظƒ, ط¥ظ†ط¯ظˆظ†ظٹط³ظٹط§ |
و عطوني رايكم بالنسبه للفندق اللي حطيت رابط حقه ف الصفحه الاولى لمدينه جاكرتا |
|
بالله عليكم رشحوا لي سكن ف بالي Booking.com: ظ…ظ†طھط¬ط¹ط§طھ ط±ط§ظ…ط§ط¯ط§ ط¥ظ†ظƒظˆط± ط¨ط§ظ„ظٹ ط³ظٹظ…ظٹظ†ظٹط§ظƒ - ط³ظ…ظٹظ†ظٹط§ظƒ, ط¥ظ†ط¯ظˆظ†ظٹط³ظٹط§ |
او شوفوا هذا جناح مع حديقه و سعرها ١٢١ ريال Booking.com: ط´ظ‚ظ‚ ظپظ†ط¯ظ‚ظٹط© ط¨ط§ظ†ط¯ط§ظˆط§ ط£ظˆظ„ ط³ظˆظٹطھ ظ‡ظˆطھظٹظ„ - ط³ظ…ظٹظ†ظٹط§ظƒ, ط¥ظ†ط¯ظˆظ†ظٹط³ظٹط§ |
بليز ردوا علي :31: |
بالنسبه لبالي .. انا حطيت لك فندق الي سكنت فيه .. وارخص من الفله الي انتي حطيتيها . باقي الفنادق ماجربتها والله .. لكن تقدري تقري تقاييم الناس عنها في بوكينق واذا في احد من الاعضاء سكن فيها يفيدك ان شاء الله |
ماشاءالله بدعواا مشرفينا وهذا الاستفسار بيصير مرجع للمسافرين اول مره لاندونيسيا يعطيكم العافيه جميعا |
| الساعة الآن 03:38 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO