|
استفسار عن رحله اندونوسيا السلام عليكم ورحمه الله وبركاته مساء الخير جميعا تم حجز سفر لجاكرتا يوم 24 من الشهر الجاري طبعا لي ولزوجتي وثلاث اطفال اعمارهم اقل من 9 سنوات طبعا اول سفره للعايله خارج المملكه لايوجد برناج معين لقله خبرتي لكن قررت يوم اليوصول الساعه 11 صباحا بتقيت جاكرتا احجز فندق للراحه ليوم واحد وحجزت فندق ديسكفري وبعدها ناوي اروح الجبل بونشاك .طبعا الجبل راح اشوف افضل فله من ناحيه الموقع والنظافه مع العلم انه تم حجز السايق ب 450 الف والشغاله 150 الف سوالي هل فيه برنامج معين العوده 4 مارس وهل الجبل امان للعايلات واين افضل اماكن تسوق في جاكرتا ودمتم بود وتقبلوا نحياتي اخوكم ابو فيصل |
رد: استفسار عن رحله اندونوسيا حياك الله يالغالي مكان استفسارك الصحيح هو استفسارات اندونيسيا ساقوم بنقل استفسارك ليساعدك الاخوة بالرد |
رد: استفسار عن رحله اندونوسيا وعليكم السلام ورحمة الله وبركاته حياك الله اخوي ابو فيصل الجبل بإذن الله آمان ولا فيه خوف وبعتبار انكم عائلة الافضل السكن في فيلا خاصة تجنباً للإزعاج وصولكم للجبل بيكون يوم ٢٦ الخميس على اعتبار ان وصولكم بيكون يوم ٢٥ وبتجلسون يوم في جاكرتا للراحة ... اول يوم اللي هو الخميس يكون وصولكم واختيار الفيلا المناسبة وشراء بعض الاغراض الضرورية واذا فيه وقت ممكن تتجهون لمزارع الشاي ( المصنع يقفل الساعة ٤ العصر ) يوم ٢٧ بيكون جمعة التوجه الى حديقة الزهور + بحيرة فينيسيا + حديقة شيبوداس ( خذ معك القهوة والشاي وفرشة للجلوس ) يوم ٢٨ السبت والجبل زحمة فممكن تهربون من الزحمة وتتجه ن الى مدينة بوقور القريبة من الجبل ( امشوا بدري حتى تتجنبون الزحمة ) ١ يوم الاحد اجازة وزحمة فممكن ترتاحون بالفيلا وتقضونها بين الشوي والتمتع بالاجواء ٢ يوم الاثنين حديقة السفاري وبتاخذ اغلب اليوم ( تفتح الساعة ٩ الصباح والشخص البالغ ب ٣٠٠ الف روبية ) ٣ يوم الثلاثاء الشلالات السبعة + حديقة ماتهاري ( للأطفال ) ٤ يوم الاربعاء التوجه الى جاكرتا اماكن التسوق المشهورة في جاكرتا سوق منقادوا وسوق شمباكا ماس ( شوي زحمة وحر ) سوق الاتريوم ( اسعاره متوسطة ) احب اوضح لك ان رحلتكم عدد ايامها ٧ ايام فقط من تاريخ وصولكم لجاكرتا (٢٥) الى المغادرة (٤) تعتبر قليلة جداً واذا حنت حجزت التذاكر ولا تقدر تمدد الايام فالافضل انك تتجه الى الجبل مباسرة عند وصولكم حتى ما يضيع عليك يوم |
رد: استفسار عن رحله اندونوسيا كما ذكر مشرفنا طارق الايام قليلة اذا فيه امكانية تزويد عدد الايام يكون افضل |
رد: استفسار عن رحله اندونوسيا يعطيكم العافيه للتصحيح الرحله اقلاع يوم 22 والوصول يوم 23 اخوي طارق اخوي نديم الصبر اشكركم اخوي طارق نايات اشكرك على النقل |
رد: استفسار عن رحله اندونوسيا هل باندوق ينفع اطلع لها وهل تستاهل الطلعه |
رد: استفسار عن رحله اندونوسيا باندونق جميلة ولكن عدد ايامكم ما يسمح بزيارتها وبتضيعون ايام بالتنقال من مكان لمكان حتى لو كان وصولكم يوم ٢٣ بيكون المجموع ٩ ايام وتعتبر قليلة ... نفس التوزيع اللي عطيته لك بالاعلى هو الانسب مع مراعاة يومي السبت والاحد في الجبل لانها بتكون اجازة وزحمة |
رد: استفسار عن رحله اندونوسيا يعطيهم العافية مشرفينا الأعزاء بس الأيام قليلة جداً وخاصة لبلد مثل إندونيسيا أنصحكـ بأن تقوم بزيادة عدد الأيام لتستمع أكثر والأمان ولله الحمد موجود |
| الساعة الآن 11:19 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO