|
ترتيب جدول مفصل من الخبراء الساده خبراء وزوار هذا المنتدى العظيم ارجوا مساعدتي في ترتيب رحلتي علما انها شبابيه لعدد 3 شباب الذهاب 12/7 الرياض جاكرتا والاياب 27/7 بانكوك الرياض . صحيح ان الوقت بدري بس ترتب وتحجز بدري بدري يفرق معاك في الاسعار علما انها اول زياره لاندونيسيا . العام الماضي كانت لي زياره لماليزيا انا والعائله . والشباب في المنتدى ماقصر معاي بكل شي لدرجة اني طبعة البرنامج ومشيت عليه بالضبط وما اقدر اكفائهم الا بالدعاء لهم التقسيم جاكرتا وضواحيها(بونتشاك وباندونق) 7 ليالي بالي 4 ليالي بانكوك 3 ليالي اذ فيه تعديل افضل من كذا لاتحرمونا منه نبي اسماء فنادق ومطاعم ومزارات واماكن تمشيه وفلات علما ان الميزانيه للسكن لليوم الواحد من 250 الى 400 ريال وومكن تزيد اذا شي يستاهل واذا اقل من 250 بيكون احسن واحسن الغرض من الرحله الاستجمام والطبيعه نبي نملاء عيونا من اللون الاخضر والانهار و والشالات والفاري وطبعا الاكتف الي موجوده وافضلها |
حياك الله اخي الكريم ما يقصرون اعضاء منتدى المسافرين العرب فيهم الخير والبركه اول شي اقتراح عليك انك تكتفي ببلد واحد ياندونيسيا يا تايلند اختر واحد هذا الخيار الافضل لان التنقل يضيع وقت الواحد وبعدين من الظلم الاكتفاء 3 ايام فقط في يايلند لذلك افضل انكم تخصصون له زيارة اخرى الجدول والفنادق وكل الامور الاخرى لا تشيل همها امرها بسيط راح نرتبها لك بالتفصيل بس لازم نتقف على تقسيم الجدول او شي الشي الاخر انتم مسافرين في ذروة موسم السياحه لذلك الحجوزات من بدري مطلوبة لان الاسعار تترتفع بسرعة كذلك توجد مشكلة في بونشاك وهي الزحام الشديد في الصيف لكن بما انكم شباب اقترح عليك استأجر دبابات بدل السيارة وهذا الخيار يخضع للوضع هناك في تلك الفترة لانه في بعض الاحيان يكون الوضع جيد ومافيه زحام لذلك السيارة اريح وافضل من الدباب الان المطلوب منك هو ان تقرر هل تكفي بزيارة اندونيسيا وتحذف تايلند او العكس اتمنى لكم التوفيق |
اخوي الردادي مشكور على سرعه تجاوبك اخوي وادري ان بانكوك وتايلند يبيلها سفره لحالها لكن الجدول بيبقى زي ماهو لان عندي شغله في تايلند ومن هنا الى وقت السفر اذا احد خلصها لي من الشباب هناك كنسلنا تايلند واضفنا الايام الى اندونيسيا انا منتظر اقتراحاتكم لكي اقوم بعمليات الحجز اولا باول ولكم شكري |
منتظر ردودكم ياشباب:7: |
بالي جزيره كبيره والتنقل فيها متعب بسبب الزحام !! اقترح / تقسم الاربع الايام .. يومين في مدينة ابود في الشمال عند الطبيعه ومدرجات الارز والشلالات والبحيرات وممارسة لعبة التجديف في النهر ويومين للشواطئ والالعاب البحريه والاسواق في منطقة كوتا |
اعتذر اشد الاعتذار اخوي عاشق الجمال نسيت موضوعك يوم الوصول ويوم المغادرة لا تحسب ضمن برنامج الرحلة الان رايح يكون جدولك من 13 الى 18 في بونشاك ومن 18 الى 23 في بالي 27 بانكوك بونشاك ليوم الاول : حديقة تامان سفاري يوم كامل ولا يفوتك عرض الكابوي اليوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وعدت شلالات احد الشلالات رهيب بس يحتاج جهد حتى تصله يستحق العنوة و الشلالات السبعة (شلمبير) منطقة جميلة جداً وسهل الوصول لها فيها جلسات حلوه اليوم الرابع: تروح منطقة قريبة من الجبل اسمها بوقور اليوم الخامس : مزرعة شيموري Cimory Resto ثم بحيرة الليدو اليوم السادس : مغادرة الى بالي عبر مطار جاكرتا بالي يوم الوصول : اذا كان وقت وصولك مبكراً قبل العصر بعد تسجيل الدخول في الفندق تروحي شاطئ الغروب (شاطئ جيمباران) وهناك توجد مطاعم بحرية على امتداد الشاطئ جميله جداً اليوم الاول : مدرجات الارز في سيدمن ومعها في نفس الاتجاه التجديف (الرفتنج) في نهر تلاقا و ايضاً معها في نفس الاتجاه مزارع القهوة جداً رائعة ( الرافتنج افضل شي في نهر تلاقا ) اليوم الثاني : بحيرة براتان الطريق لها سياحة في حد ذاتها يمكن ايجار لنش في البحيرة كذلك زيارة مزرعة الفراولة في الطريق كذلك يوجد شلال في نفس الاتجاه اسمة جت جت ويمكن زيارة مدرجات الارز تقالالانق اليوم الثالث : رحلة بالغواصة ( غواصة بالي) و ايضاً معها رحلة سفاري بالدبابات ذات الدفع الرباعي اليوم الرابع : سفاري الفيلة ومعها ايضاً الالعاب المائية في كوتا ووتر بوم اليوم الخامس : مغادرة الى بانكوك هذا جدول مقترح ويمكن نتناقش حوله و نحذف ونضيف على حسب رغبتكم اكرر اعتذاري استاذي الكريم على نسيان الموضوع |
مشكوراخوي مافي داعي للاعتذار الناس مشغال ترتيبك كويس بس انا باخذلي يومين الاوله في جاكرتا لان عندي شغله فيها هل اشيل يوم من بونتشاك وحطه للباندونق ولا ما تستاهل اما بخصوص بالي اتوقع القسمه جدا ممتازه السؤالين المهمه لو فيه اسماء فنادق نظيفه وموقعها زين واسعارهم كويسه ياليت تذكرونها السؤال الثاني كم يكفي مزانيه تقريبا لليوم الواحد للشخص الواحد على الجدول المقترح غير اسعار الفنادق ولكم كل الود :e32a: |
طيب راح يصير الترتيب كذا 2 جاكرتا 4 بونشاك 4 بالي 3 بانكوك طبعاً ترتيبناً السابق اخذف اليوم الرابع والخامس من الجبل واكتفي بالثلاث ايام الاولى باندونق حلوة بس يبغى لها اقل شي يومين وقتك ضيق ما يسمح لذلك خليها الى رحله قادمة بأذن الله الفنادق في جاكرتا كثيرة مره وتحصل السعر اللي تبغى حسب ميزانيتك كذلك توجد شقق فندية بأسعار معقوله بونشاك فيه فندقين هما بسيونا علم وهو الافضل ثم سيروني 3 بفية الفنادق عادية جداً وانا افضل بما انكم شباب استجار فله راح تنبسطوا فيها اكثر من الفنادق ويفضل انكم تستاجروا فله خاصة وايتعدوا عن المجمعات مثل كوتا بنقا ومجمع شكروا والقلف بالي اسكنوا في شارع كارتيكا في منطقة كوتا منطقة حيه وممتعه وكل شي حولك فيه فندق نظيف وجميل اسمة بينتانج كوتا بالي الميزانيه تختلف من شخص الى اخر كذلك من يوم الى اخر ومتوسط سعر الصرف للشخص الواحد في نهاية الرحلة 200 الى 250 ريال واحيانا اقل اي سؤال في خدمتك |
مشكوراخوي الردادي على جهودك جاكرتا افضل موقع ممكن استاجر وين وبالنسبه للجبل قريت كثير مواضيع عن الفلل يقولون المعروض يختلف عن الواقع فاذا حولك شي مجرب وموقعه بطل لاتحرمنا ولك الشكر |
اخواني الاعضاء سؤال جوهري هل ممكن استبدل بونتشاك ب ابود في بالي من ناحية الخضره والشلالات والانهار ولا بونتشاك غير لان اشوف كثير ناس تشتكي من بونتشاك والوضع فيها ياليت تفيدونا |
| الساعة الآن 06:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO