|
مساعده في سفره بدون مكتب السلام عليكم اول مره اسافر برا الخليج وعزمت على اندونيسيا بالي.بونشاك (تعرفت على هذي المدن من متابعاتي لتقارير الأعضاء مااعرف اذا في غيرها يناسب العوائل) اتمنى تساعدوني في فنادق وأماكن وأرقام سواقين احنا خمسه اثنين بالغين وثلاث اطفال ابي تخطيط لميزانية اقتصاديه هل منتصف يوليو وأغسطس مناسب؟ |
وعليكم السلام الله يحييك ما يقصرون المشرفين الجو تقريباً راح يكون 30 درجة في جاكرتا اما الجبل بالتأكيد أبرد يعي في العشرينات عندك باندونق أيضاً تستاهل الزيارة |
وعليكم السلام مناسبه هي لكن بالصيف الأسعار للفلل بالجبل غاليه |
اندونيسيا جميلة في كل الشهور ابتعد عن جاكرتا قد ما تقدر زحمة وحر خصص لها اخر يومين منها تاخذ لفه وتتسوق وبعده على المطار خطط واحجز ورتب امورك من الآن ليست غالية مقارنة بالدول الأخرى الاماكن والمدن السياحية قريبة من بعضها السائق يوديك اي مكان اهم نقطة اذا تحب تخلي فلوسك بالبنك وتسحب من هناك لازم قبل تسافر تكلم البنك يفعلون بطاقة الصراف بدولة اندونيسيا وتحدد التاريخ عشان تقدر تسحب من هناك منتجع كوتا بونقا في بونشاك لاتسكن فيه ابد رح اي مكان اسكن فيه خذ من هنا شنطة وحط فيها المؤونة رز ومعلبات الخ ... البلد جميل والشعب طيب اعزمها وتوكل |
اقتباس:
عليكم السلام ما شاء الله الشباب ما قصروا الله يعطيهم العافية ياليت تذكري تواريخ سفرك وكم مدة الرحلة حتى نقسم لك جدول الرحلة |
مده الرحله 12 مع المغادرة والعوده مابعد حجزت طيران اخترت تاريخ 24يوليو الى 4اغسطس بحثت بالتاريخ وهذا ولقيت كل الرحلات فيها توقف مافيه رحلات مباشره اذا عندكم معلومات عن الحجوزات اتمنى تفيدوني |
أهلاً أختي ... البلد جميل و يمتلك مقومات السياحة العائلية الجميلة .. إختيار موفق .. حمّلي تطبيق ( Wego ) يعطيك جميع رحلات الشركات وبالأسعار .. تطبيق ذا قيمة رااائعة .. المهم .. نصيحة ( الترانزيت ) ابتعدي عنه تماااااماً .. الرحلة طويلة ومعكم أطفال .. بعد ما تتأكد الحجوزات .. مثل ماقال مشرفنا الرااائع الردادي .. أعطينا التواريخ وبالساعة .. وستجدي الجميع هنا بخدمتك ... |
فيه رحله يوم 5 يوليو ذهاب و20 يوليو عوده الحقي عليها مباشره بدون توقف ( الخطوط السعودية ) |
اقتباس:
يعني أحجز ذهاب بتاريخ 5 وذهاب ثاني بتاريخ 20 على اساس انها العودة ؟ اشوف أسعار الطيران غاليه :23: هي طول السنه مرتفعة ولا مواسم؟ |
اقتباس:
مدة الرحلة 12 يوم يكون التقسيم 4 يام بونشاك 4 ايام بالي 2 جاكرتا جدول اخر اذا تبغى رحلة اقتصادية 5 بونشاك 3 باندونق 2 جاكرتا يوم الوصول ويوم المغادرة ما تحسب في جدول الرحلة |
من الرياض حيرتوني بين بالي وباندونق:1: |
اقتباس:
لا تحتاري ولا شي الميزانية هي التحكمك بالي تحتاج الى طيران داخلي وهذا يزيد عليك التكلفة اما باندونق ما تحتاج سيارة 170ريال توصلكم لها من بونشاك اما بالي تكلفة التذاكر للشخص حدود 300 ريال اذا حجزتي مبكراً |
فيه مباشرة من الرياض الى جاكرتا RUH الرياض 00:40, الأربعاء 12 يوليو والعودة من جاكرتا الى الرياض CGK جاكرتا 16:00, الإثنين 24 يوليو بقيمة 3249 ريال :27: معروف ان وقت الموسم غالية التذاكر اذا كانت رحلة مباشرة من ناحيتي لا مشكلة عندي من الترانزيت اذا كانت التذكرة سعرها رائع اغلب المطارات الدولية لو كانت رحلتك الترانزيت 3 او 4 ساعات انتظار ماتكفيك من الروعة ، التجول داخل المطار يعتبر من ضمن الرحلة تاخذ فكرة عن البلد ويتكون لديك انطباع عن ماتراه ولعل الاخوة يبدون رأيهم وانطباعاتهم لربما تكون لديك فكرة اخرى بالتوفيق |
اقتباس:
والعوده يوم 20 يوليو وقت الموسم غاليه تقريبا بـ 3450 ريال وفي مارس بـ 1800 ريال شوفي الفرق كيف |
سافري ترانزيت روعه جدا حتى إنتي وعيالك عادي والله كل الدول والأماكن إلي سافرت لها في حياتي ولا مره ركبت دايركت غير مرة وحده إلى ماليزيا ، أكثر من خمس سنوات أذهب لجلاسكو ولا عمري ركبت غير ترانزيت و التذاكر تكون في متناول اليد سافري على طيران الأمارات أو العماني تذاكرهم أقل نصيحه أتركي أماكن العرب ، و سافري بالي على طيران الأمارات أو الأتحاد أو القطري أو العماني بالي أجمل و أحلى |
أنا مع كلام اخوي ولد جلاسكو كل سفراتنا ترانزيت حتى مره رحنا دبي ترانزيت اذا فرق السعر كبير ارى ان الترانزيت عادي جداً بس لا يكون اكثر من ٤ ساعات ولا اقل من ١ |
:e305: |
| الساعة الآن 11:01 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO