|
ماستغني عنكم تكفوون... اول رحلة لاندونيسيا؟ بسم الله الرحمن الرحيم السلام عليكم ورحمة الله وبركاته... اخواني اعضاء المنتدى الغالي على قلبي ..كل عام وانتو بخير وصحه وعافيه مثل ماذكرت لكم ..هذي اول رحله لي عائليه لي لاندونيسيا ومااستغني عن مشورتكم واقتراحاتكم مدة الرحلة: 12 يوم افراد الرحله : انا والمدام :6: وطفلين... 8 سنوات و 4 سنوات خط سير الرحلة : جده - دبي - جاكرتا والعودة بنفي الاتجاه :17: تاريخ الرحلة : الذهاب 26 يوليو - العودة 7 اغسطس الاقلاع من جدة 10.45 صباحا والوصول لجاكرتا 5 صباحا .. يعني بنوصل هلكانين.. وش رايكم .. وش البرنامج المفيد والافضل والاجمل والاروع لاهنتو حبايب قلبي ؟ |
عليكم السلام وانت بخير وصحه وسلامه اول شي الله يحفظ لك الأولاد وامهم ويرزقك برهم طيب نحسب عدد الايام يوم 26 هذا يوم الذهاب وراح تصل بأذن الله يوم 27 الفجر راح تكون تعبان وما تستطيع تروح اي مكان تريح هذا اليوم في جاكرتا وما راح نحسب هذا اليوم في الجدول كذلك يوم 7 يوم المغادرة ما ذكرت لنا مت موعد المغادرة لكن في كل الاحوال هذا ما نحسبة ضمن الجدول صار عدد الايام الفعلي هو 10 فقط التقسيم راح يكون 4 ايام بونشاك ( منطقة قريبه من جاكرتا تروح لها بالسيارة 90 كم هذه المنطقة مرتفعه الجو فيها معتدل في النهار وبارد في الليل فيها حدائق وشلالات ويحيرات ونشاطات سياحية اخرى ومتوفر فيها كل شي ) 3 ايام بالي ( جزيرة تبعد عن جاكرتا ساعتين بالطائرة معظم اهلها من الهندوس لذلك لا تتفاجأ بكثرة التماثيل والاصنام والمعابد معظم السياح فيها من الغربيين والاستراليين هذه الجزيرة فيها نشاطات سياحية كثيرة لكن معظم النشاطات تعتمد الحركة والجهد مثل التجديف في النهر ودبابات الدفع الرباعي وهكذا لذلك ربما يكون الاطفال عائق لممارسة بعض النشاطات الجو في الجزيرة في الغالب حار تتروح درجة الحرارة 29 -33 في النهار وتنخفض الى ذهبت الى المرتفعات مثل منطقة ابود الى 25 درجة تقريباً ) 2 يوم باندونج ( مدينة كبيرة تبعد عن بونشاك حوالي 110 كم جوها متعدل بعض الشي اما في الليل فهو حلو في الارياف راح يكون بارد خصوصاً في الليل اما النهار فهو حلو هذه المدينة فيها براكين وشلالات وحدائق ومزارات سياحية كثير) 1 يوم جاكرتا ( مدينة كبيره فيها كل شي ويوجد الكثير من المولات العصرية كذلك الاسواق الشعبيه وبعض النشاطات السياحية بس المشكله فيها هي الحرارة مرتفعه 33 درجة تقريباً في النهار كذلك ازدحام حركة السير في اوقات الذروه) هذا الجدول فيه تنقل كثير ممكن يكون متعب لكم 3 ايام بالي 5 ايام بونشاك 2 يوم جاكرتا هذا جداول مقترحه وراح نعدل على الجدول حسب رغبتك |
اقتباس:
مشكوووووووووور مشرفنا ..وماقصرت بس كثير قالو بالي حاليا ماتنفع عوائل بسبب زحمتها وبعض نشاطاتها +18 فممكن الغيها .. الا اذا فيه اماكن مناسبه تنصحوني فيها... بس اعتقد ان مدة رحلتي قصيره نوعا ما.. عموما لازلت مااستغني عن رأيك ورأي جميع الاعضاء لو فيه اقتراحات اخرى من ناحيه السكن وش تنصحوني فندق او فله ووش اسماء الفنادق المناسبه للمعلوميه ..العوده الساعه 7 صباحا والخطوط الناقله الاماراتيه |
بالي ما فيها زحمة يارجل الزحمة تجدها في بونشاك وجاكرتا النشاطات ما فيها +18 الله يصلحك ممكن تجد الغربيين في الشواطئ والالعاب المائية تكون ملابسهم غير محتشمه والا الباقي عادي ما فيه اي شي طبعاً توجد في منطقة لقيان بارات وملاهي ليلة يفضل عدم السكن في هذه المنطقة وعدم المرور بها في الليل اما اذا رغبت لاستغناء عن بالي فيه الكثير من الامكن الجميله في اندونيسيا واشوف انك تكتفي بالجبل وباندونج وجاكرتا حتى لا تكثر التنقل خصوصاً ان مدة رحلتك قصيرة . في الجبل فيه فلل وفيه فنادق وانصحك بالفنادق لنظافتها وترتيبها بيسونا علم ساهيد (بعيد شوي عن الخدمات بس مكانه جميل والفندق جديد) سيروني 3 باندونج فندق سنسا جيد وموقعه مميز في جاكرتا الفنادق كثير وممكن تختار الفندق اللي يناسب ميزانيتك الجدول انت الان اختر خط سير الرحلة وراح نقسم الجدول باذن الله اقتراح 5 بونشاك 3 ايام باندونج 2 جاكرتا اتمني لك التوفيق |
اقتباس:
ع العموم ..فعلا كلامك واقعي الافضل بحكم قصر الرحلة ..الاكتفاء بجاكرتا وبونشاك وباندونق.. الميزلنيه كم ممكن في الايام ذي تكلفني اذا ابغى اخذ راااحتي ع الااااخر وختاما ..العذر منك ومن الجميع اذا صدر مني اي خطأ:13: |
اقتباس:
نرجع لتقسيم رحلتك 5 ايام بونشاك اليوم الاول : حديقة تامان سفاري يوم كامل ولا يفوتك عرض الكابوي اليوم الثاني : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) منطقة جميلة جداً وسهل الوصول لها اليوم الرابع: تروح منطقة قريبة من الجبل اسمها بوقور فيها ملاهي مائية The Jungle كذلك يمكن زيارت شلال بيداداري اليوم الخامس : مغادرة الى باندونج المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها الفنادق بيسونا علم ساهيد سيروني 3 باندونج يوم الوصول : كان جزء منه في الطريق الجزء المتبقي منه تسوق اليوم الاول: زيارة موقع البركان ومزارع الشاي وفيه مزارع فروله اذا ما زرتها في بونشاك ممكن تزورها في باندونج وفي المساء التسوق في شارع الجنز اليوم الثاني : منطقة منتزه تمان جواندا و الكهوف اليابانيه والهولندية و شلالات ماربيا العاب وملاهي ترانس استديو باندونق trans studio bandung اليوم الثالث :منطقة تشيبودي : مزارع الشاي وبركان كواه بوتيه بحيرة سيتو باتنجن و بحيرة الضباب الكثيف بادنقان المطاعم يوجد مطعم عربي اسمه قهوة لابأس به مطعم D'Seuhah Da Lada هذا المطعم تتغدوا فيه بعد زيارة البركان قريب من تلك المنطقة اما من البلد بعيد المطعم راااااااائع جدا لا يوفتك العنوان Jalan Raya Lembang, Bandung, Bandung Barat, Jawa Barat 40391 جاكرتا يوم الوصول : بقية اليوم تقضية تسوق اليوم الاول : زيارة منطقة انشول ويوجد بها الكثير من الفعليات تلفريك وعالم تحت الماء واشياء اخرى كذلك يوجد بها مطعم شهير جداً مطعم بندر جاكرتا اليوم الثاني: كيدزانيا جاكرتا للاطفال متعه من الاخر بقية اليوم تسوق الاسواق هناك اسواق عصرية ومعظم بضاعتها جيدة وماركات عالمية مثل (اندونيسيا بلازا , تمان انقري ,جراند اندونيسيا، سنتر بارك ،بوري انداه mall puri indah ، Lippo Mall Puri ليبو بوري ، بلوك ام بلازا) كذلك توجد اسواق رخيصة مثل منقادوا و شباكاماسا وغيرها كثير تعليمات مهمة عند الوصول للمطار راح يسلونك عن تذكرت المغادرة مطبوعة باللغة الانجليزية كذلك حجز اقامة في اندونيسيا لكامل مدة اقامتك ( سوي حجز من بوكنق واطبع الحجز والغية وخذ معك ورقة الحجز) اي سؤال انا في الخدمة |
اقتباس:
الله يسعدك دنيا وآخره..ماقصرت وضحت لي اكثر الاشياء اللي انا اجهلها ..لان سفراتي كانت لبلدان عربيه فقط عموما ودي اعرف ..هل ينفع اوريهم تذكرة المغادرة والرجعه باللغه الانقليزيه في الجوال ولا لازم ورقه مطبوعه.. وكذلك حجز البوكنق وكم الميزانيه المقترحه لهذي المدة .. بدون اسعار الفنادق |
وبعد مااستفدت من كلامك ونصائحك بحط انا الجدول التالي ..واذا فيه تعديل مناسب ..مااستغني عن رأيك بحكم ان الوصول الساعه 5.55 الفجر وبعد عناء وعشان معي اطفال اول يوم للوصول .. 1 جاكرتا 5 ايام الجبل 2 باندونق 2 يوم جاكرتا وش رايك.. وكم المده من جاكرتا للجبل ومن الجبل لباندونق ثم جاكرتا |
الافضل انك تتطبعها في ورق بعضهم معقد ما يرضى وهم بس يدورن اي زله حتى يطلب تدفع له فلوس خذها ورق وريح راسك الميزانية تختلف من شخص الى اخر صعب حسابها بشكل دقيق السواق طبعاً في الجبل سواق خاص ياخذ 500 الف ربيه حدود 140 ريال في اليوم كل شي عليه وانت بس تدفع هذا المبلغ كذلك داخل باندونج نفس المبلغ اما التوصيل من جاكرتا او من المطار الى الجبل والعكس 700 الف كذلك التوصيل بين الجبل وباندونج 700 الف ربيه اما في جاكرتا شركات التكسي كثير افضل تكسي لونه ازرق اسمه بلو بيرد والتسعيرة بالعداد ولو تستخدم تطبيق اوبر او قراب تحصل اسعار ارخص . الاكل العربي تقريباً مثل اسعارنا في السعودية البقالات في الجبل ابتعد عن البقالات التي اسمائها عربيه مثل البقالة السعودية وغيرها هذي اسعارها غالية عندهم تموينات تابعة لشركات مثل الفا مارت واندو مارت هذي اسعارها ثابته على الجميع النشاطات السياحية ليست غالية ممكن حديقة تمان سفاري هي الاغلى الباقي اسعارها معقوله عموما احسب ميزانيتك على 700 ريال بالسائق للصرف المعتدل لليوم الواحد بدون السكن |
اقتباس:
هذي 9 ايام يبقى يوم ؟؟؟؟ انت تسافر من جدة 26 وتصل جاكرتا يوم 27 الصباح بدري بقية اليوم تقضية راحه في جاكرتا طيب يبقى عندنا 28 و 29 و 30 و 31 و 1 و 2 و3 و4 و5 و6 ويوم 7 مغادرة الصحيح يكون التقسيم كذا 5 ايام الجبل 3 باندونق 2 يوم جاكرتا المسافة من جاكرتا الى الجبل حدود 90 كم بس المشكلة ليست في المسافة المشكلة في الزحمة اذا ما فيه زحمة ساعة الى ساعة ونصف اما اذا فيه زحمة ما نقدر نحدد ابد لكن اجتنب يومي السبت و الاحد لانه تكون الزحمة شديده المسافة من الجبل الى باندونج 110 كم بس الطريق زراعي ممكن تحتاج 3 ساعات لقطعه بس الطريق ممتع جداً وجميل المسافة بين جاكرتا وباندونج مع الطريق السريع ما افتكرها بالضبط بس خلال 3 ساعات تصل بأذن الله كذلك فيه قطار بين باندونج وجاكرتا يصل خلال 3 ساعات ايضاً بس ما انصحك فيه على خبري له كان متهالك وما ينفع اذا تغير بعدي لا اعلم |
اقتباس:
|
اقتباس:
|
ارجوا المعذرة على المداخلة انا حاب استفسر عن اوراق التذاكر ان عندي اوراق التذاكر مذكور فيها بالكامل حجز الذهاب والعودة هل تنفع ولا لازم اوراق خاصه بحجز العوده |
اقتباس:
|
بقي الان فقط ..اذا بالامكانية بدائل ممتازه لفنادق بيسونا علم وساهيد لانها فُل في التواريخ المرغوبه وبرضه.. اذا بالامكان تذكرولي فنادق جيده في باندونق وجاكرتا ورأيكم وش المناسب لنا من الغرف كزوجين وطفلين؟؟؟؟؟؟ ملاحظه .. اتمنى تكون اسعار الفنادق المقترحه معقوله.. انا مبدئيا عامل ميزانيه 1000 لكل يوم مع السكن..فهل تكفي |
فندق ساهيد متوفر في بوكنق من 27 يوليو الى 1 اغسطس يعني متوفر في تواريخك فيه بديل هو فندق سيروني 3 بس ترا ما فيه مكيف بس الجو حلو جاكرتا فيه فنادق كثير شوف السعر اللي يخدمك شوف هذي الشقق جيدة شقق ذه مايفلوَر، جاكارتا - ماريوت إكسكيوتيف https://www.booking.com/hotel/id/mar...=total;ucfs=1& بعد هذي كويسه فريزر ريزيدنس مينتينج جاكرتا وغيرهم كثير https://www.booking.com/hotel/id/fra...fs=1&#tab-main في باندونج فندق سنسا متوفر في تواريخ الفندق جيد يريحك في اشياء كثيرة كل شي حولك https://www.booking.com/hotel/id/sen...=total;ucfs=1& |
اقتباس:
اقتباس:
سؤال اخير ..هل جناح جونيور غرفه واحده مناسب لزوجين وطفلين ..يعني هل ممكن اضافه سرير طفل ولا الفنادق هناك ممكن يسوون سالفه؟ |
اقتباس:
السرير الاضافي تحكمه سعة الغرف بعض الغرف ضيقة ولا تستوعب اضافة سرير اخر والشي الاخر سياسة الفندق بعض الفنادق لا توفر اي سرير اضافي الشي الثالث وهو ان السرير الاضافي ليس مجاني ولكل فندق سعر مختلف عن الاخر عموما انت لو طلبت غرفة لشخصين الفندق ما راح يدقق على الاطفال اللي معك وهذا الاجراء في معظم فنادق شرق اسيا لكن اذا طلبت سرير اضافي لازم تدفع له بغض النظر عن عمر الطفل ايضاً لازم تدفع للطفال قيمة الافطار اذا كان الحجز لشخصين واحياناً ما يدققوا عليك |
جزاك الله كل خير مشرفنا القدير على كل دعمك ومساعدتك للاعضاء تقبل خالص شكري واحترامي |
طيب ياخوان انا حجزت من 6يوليو الى 7 اغسطس تفاجات انه لابد من تاشيره ايش الحل |
| الساعة الآن 07:29 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO