|
اندونيسيا بداية يناير السلام وعليكم ورحمة الله وبركاته كيف حالكم ياجماعة الخير ناوي اروح لاندونيسيا بداية يناير برفقة زوجتي وطفل واحد وفي الحقيقه اسمع عن جمال هذه الدوله ولاكن لا استغني عن ترتيباتكم وتوجيهاتكم علماً اني زرت جزيرة بالي تحديداً قبل 3 اعوام وكنا شباب فقط ولم امكث بها الا يومين لضروف ارغمتني على العوده وكان السكن في فندق الهارد روك في شاطي كوتا نسأل الله السلامه اتوقع ان اختيار السكن في الهارد روك اعطاني طابع سيء جداً عن جزيرة بالي ولم ارى بها الى شاطىء كوتا المهم نرجع الموضوعنا زين ماكتبت تقرير عن رحلتي لبالي ههههههه بختصار انا مسافر 8 ايام لاندونيسيا ابي جدول ممتاز سياحه فقط من غير تسويق يعني المولات خارج الجدول ولا مانع من الاسواق الشعبيه والاسواق الليليه اهم شي عندنا الطبيعه والاطلالات الرهيبه ولامانع من ادخال جزيرة بالي في الجدول الا اذا كانو سكانها ينضرون للمنقبات باستغراب ابعدوها من الجدول وقبل انسى شهر يناير كيف الجو هناك من ناحية الامطار وفي انتظار ردكم |
وعليكم السلام هلا بالغالي طالما زرت البلد سابقا يعني امورك زينة طالما التسوق ما يهمك و بالي كنها ما ناسبتك 8 ايام قليلة بصراحة علما بان توقيتكم رائع للزيارة ارشح تقسم مدتك بين الجبل وباندونق 3 ايام باندونق 3 أيام الجبل مع يومين قدوم ومغادرة في جاكرتا |
عليكم السلام حياك الله بالي جزيرة جميلة جداً مع التحفظ على السكن في بعض الاماكن كذلك لا ينصح بزيارة بعض الشواطئ للعوائل الشي المهم الاخر هو يجب ان نأخذ انطباع قبل زيارة اي مكان في العالم حتى لا تنصدم بالواقع كما هو الحال في جزيرة بالي فهي جزيرة معظم سكانها هندوس واغلب مظاهر الحياة فيها هندوسية اصنام ,معابد , قرابين , وصور ومعتقدات شركية نسأل الله العافية ومع هذا كله فهم مسالمين لا يضايقون المسلمين لا في معتقداتهم ولا في لباسهم على العكس البعض منهم ينبهك في المطاعم اذا الطعام غير حلال ما علينا نرجع لموضوعك 8 ايام قليلة ان استطعت زيادة المدة يكون افضل عموماً الان نقسم المدة لك بهذا الشكل 4 ايام بونشاك 3 ايام باندونق و واحد يوم جاكرتا واتطمن هذي مناطق مسلمين ما راح تشوف ما شفته في بالي اما الجو فهو جميل واغلب الايام يكون ممطر حتى يكون التقسيم بالشكل الصحيح يجب ان تعطينا تاريخ ووقت الوصول الى اندونيسيا بالضبط كذلك رحلة المغادرة بعدها راح نضع لك جدول بالاماكن السياحية ونعدل على حسب رغبتك بأذن الله اتمنى لكم التوفيق |
يامرحبا بكم ولاهنتو جميع على الرد وسرعة الاجابه النيه ان شاء الله يكون الاقلاع من تاريخ 6 يناير يعني الجدول يبتدي من 7 يناير لين 14 وتاريخ 15 العوده لارض الوطن |
طيب ممتاز اذن التقسيم يكون كذا ٤ ايام بونشاك ٣ أيام باندونج ١ يوم جاكرتا اذا عجبك التقسيم نضع لك الجدول واذا عندك تقسيم اخر أكتبه نضع لك جدول يناسبه |
اكتب الجدول ولا عليك امر اهم شي عندي طريقة المواصلات وياليت اذا للفنادق تكون 5 نجوم |
اقتباس:
وصولك يوم 6 او يوم 7 ياليت تذكر الساعة كم كذلك المغادرة الساعة كم لانه فيه مشكلة وصولك اما السبت او الاحد وهذين اليومين تعتبر حالة طواري في اندونيسيا خصوصاً باندونق و بونشاك الاماكن السياحية لذلك نحن ندقق في وقت الوصول والمغادرة حتى نجنبك الوقوع في طوابير الزاحم الشديد لذلك اذا كان ووصولك يوم 6 ريح ذلك اليوم في جاكرتا ويوم 7 الظهر اخرج من الفندق واطلع باندونق بالسيارة او القطار تجلس هناك 3 ايام وبعدين تروح بونشاك بالسيارة وتجلس بقية الرحلة هناك ومن بونشاك الى المطار مباشرة طبعاً هذا كلة قائم على توقعات الوصول فقط ما نبني عليه جدول لذلك لازم تزودنا بالوقت الدقيق للوصول والمغادرة لان فيه رحلات تصل الساعة 10 في الليل مثل الخطوط الاماراتية ما هو معقول اقولك اطلع الجبل او روح باندونق كذلك المغادرة في رحلات تغادر الساعة 7 صباحاً وانت تحتاج وقت 3 ساعات على الاقل في المطار يعني لازم تصل المطار الساعة 4 على الاقل فماذا كنت فيه بونشاك تحتاج ساعتين للطريق يعني لازم تخرج الساعة 2 او 2.30 فجراً عرفت الان ليش ندقق على وقت الوصول والمغادرة |
طال عمرك الهبوط في مطار جاكرتا الساعه 10 مساء بس طواري عندهم من اي ناحيه ؟ والصراحه دقتك في معرفه وقت الهبوط والاقلاع خلتني اتحمس على الجدول الي من ترتيبك الله يسعدك دنيا واخره |
لا تخاف ما فيه شي بس معضم سكان جاكرتا يطلعوا للجبل بونشاك ويكون الزحام شديد في يومي السبت والاحد ويمكن تبقى في طابور السيارات 6 او 7 ساعات لذلك ما ننصح بالتوجهه للجبل في عطلة نهاية الاسبوع الساعة 10 في الليل ما يمديك تروح مكان لذلك احجز ليلة في جاكرتا حتى الصباح ثم توجهه الى باندونق في الصباح او احجز ليلتين في جاكرتا وتتوجهه للجبل يوم الاثنين وانا مع الخيار الاول طيب لنفترض انك راح تحجز ليلة وتروح باندونق في الصباح انصحك بهذا الفندق Fraser Residence Menteng Jakarta في الصباح بدري تروح تحجز تذاكر القطار المتجهه الى باندونق في رحلات كثيرة الافضل انك تحجز على رحلة الساعة 10 ممتازة وتوقيتها حلو بحيث انك تستفيد الوقت محطة القطارات عندك محطة كبيرة اسمها محطة قمبير قريبه من الفندق ممكن 1 كم عن الفندق التذاكر ممكن تحجزها من الفندق او من سوبرماركت اسمه الفا مارت او سوبر ماركت اندو مارت او من المحطة نفسها لكن ما انصحك تحجز من المحطة ممكن ما تحصل على الدرجة الاولى لان القطار فيه ردجتين الممتازة والتي انصحك بها هي Executive ركز جيداً على الاسم لانك لو اخطيت وحجزت على غير تلك الدرجة راح تدعي علي طول عمرك سعر التذكره على تلك الدرجة تقريباً 24 الى 26 ريال للشخص مدة الرحلة 3 ساعات تقريباً القطار بشكل عام قديم وممكن ما يناسب البعض لكن تظل تجربة وجزء من الرحلة الاستكشاف كذلك يريحك من مشكلة الزحام في عطلة نهاية الاسبوع باندونق يوم الوصول(7) : اعتقد انك تحتاج للراحه اكثر من اي شي اخر لكن لورغبه بالخروج ممكن تتسوق شوية او تروح كفي في فندق The Trans Luxury Hotel في الادوار العليا له اطلاله رهيبه على المدينة و الجسلة ممتعه اليوم الاول (8) : منطقة منتزه تمان جواندا و الكهوف اليابانيه والهولندية و شلالات ماربيا العاب و فترة بعد الظهر ملاهي ترانس استديو باندونق trans studio bandung اليوم الثاني (9) :منطقة تشيبودي : مزارع الشاي وبركان كواه بوتيه بحيرة سيتو باتنجن و بحيرة الضباب الكثيف بادنقان وفي الطريق ممكن تزور مزرعة الارانب راح ينبسط الصغير فيها كثير اليوم الثالث (10) : مغادرة الى بونشاك بالسيارة الفنادق فندق سنسا ممتازة خصوصاً غرفة الجنيور فندق نور فندق دي بافيليون التنقل في باندونج سائق خاص والسعر 500 الف ربيه لليوم 12 ساعة كل شي علية بنزين واكل وكل شي انت ما تدفع شي الا اذا كان فيه رسوم دخول على السيارة في بعض الاماكن السياحية المطاعم العربية في باندونج الافضل هو الجزيرة كذلك يوجد مطعم اخر اسمه قهوة عادي جداً والمطاعم العالمية جميعها متوفرة الاسواق في باندونق سوبر مول , باريس فان جافا , شمبلاس وولك لكن الافضل في باندونق ليس الاسواق الافضل محلات الاوت لت متوفرة بكثرة واهمها محلين The Secret Factory Outlet Rumah Mode Factory Outlet بونشاك اليوم الاول (11) : حديقة تامان سفاري يوم كامل ولا يفوتك عرض الكابوي ( فيه العاب مائية داخل السفاري ممكن تأخذي معك ملابس احتياطية ومناشف للاطفال لانها ممكن تعجبهم ويلعبوا فيها ) اليوم الثاني (12) : مزارع الشاي ومسجد التعاون ومطل البرشوت وبحيرة الألوان ومصنع الشاي وحديقة الزهور واذا عندك وقت روح مزرعة الفرولة اليوم الثالث (13): حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) منطقة جميلة جداً وسهل الوصول لها كذلك يمكن زيارة حديقة متهاري فيها العاب مناسبه للاطفال اليوم الرابع (14) : التوجهه الى المطار مباشرة ( اذا كانت الرحلة في الصباح بدري لازم تكون اخر ليلة في جاكرتا ما ينفع الصباح تروح من بونشاك مباشرة للمطار لاسباب عدة ) المطاعم المطاعم في الجبل كثير وكل شي متوفر انصحك بمطعم السندباد راااائع وعندك مطعم ريدان وكمال ننا و فيه مطاعم عالمية كنتاكي وبيتزا هت وغيرها الفنادق بيسونا علم ساهيد سيروني 3 التنقل في الجبل سيارة خاصة اسعار السائقين للسيارة المخصصه الى اربع اشخاص هي 500 الف ربية لمدة 12 ساعة في اليوم تقريباً ملاحظات التنقل بين باندونق وبونشاك سعر السائق 600 - 700 الف كذلك التنقل بين بونشاك وجاكرتا نفس السعر البطاقات او الصرافات السعودية ما تشتغل في اندونيسيا لذلك لازم تتصل على البنك قبل السفر حتى يفعل لك السحب في اندونيسيا هذا تنسيق مبدئي ممكن انا نسيت شي او انت فيه شي ما هو واضح لذك اسأل عن كل شي الصغيرة قبل الكبيرة ممكن شي بسيط ما واضح يعكر عليك صفو رحلتك لذلك الان فيه سعة من الوقت تبحث كذلك المعلومات تقدم مجاناً لك |
اقتباس:
|
اقتباس:
وجهك ابيض اخي الكريم اضافة بسيطة في جاكرتا يمكن تستخدم التطبيقات في التنقل مثل اوبر او قراب او قوجاك اسعارها حلوه كذلك عند تكسي لونه ازرق اسمه بلو بيرد اسعاره حلوة بس ما احسن من التطبيقات كذلك في باندونج التطبيقات شغاله بس يمكن تستخدمه تروح معطم او سوق وما الى ذلك المزارات السياحية لازم سيارة خاصة لانه يبقى وينتظرك اما التطبيقات توصلك بس وهذه المزارات خارج باندونق واذا جيت ترجع ما تحصل تكسي ولا احد يجيك لذلك اعتمد على السائق الخاص وسعره معقول 140 ريال لمدة 12 ساعة شرائح الاتصال افضل شرائح عندهم شركة اسمها سمباتي ممتازة اتصال وانترنت سعرها حوالي 25 ريال فيها 30 جيجا نت الشي المهم انك لا تخلي السواق يسترها لك انت بنفسك انزل واشترها سعرها بعملتهم 65 الف الى 70 الف ما تزيد وحتى تحصل اتصال دولي مخفض استخدم الطريقة التالية في الاتصال اضف هذه الارقام قبل الرقم الدولي مثلاً مفتاح السعودية 966550333444 حتى تحصل تخفيض تكتب الرقم هكذا 01017966550333444 العملة خذ معك ريال سعودي او ربيه اندونيسية لا تخذ دولار وصرافين العملة موجودين في كل مكان والفندق اللي اعطيتك في جاكرتا قدمة مباشرة صراف من افضل الصرافين في اندونيسيا اسمه VIP امام فندقك مباشرة بالنسبة للشنط في القطار اول ما تنزل من التكسي راح تحصل حاملين الحقائب في انتظارك ارح يساعدوك في كل شي في اجراءات التذاكر والطريق الى القطار حتى يصولك الى داخل عربة القطار يعني لا تشيل هم شي مره وتعطيه مبلغ بسيط مقابل الخدمة بحسب ما تجود به نفسك عند وصولك للمطار ممكن يطلب منك موظف الجوازات حجوزات الفنادق لذلك احجز لك اي فندق في بوكنق حجز مسترد لكامل اقامتك في اندونيسيا واطبع ورقة الحجز ثم الغية وخلي الورقة معك اذا طلبها اعطيها له هذا ما في ذاكرتي الان اذا عندك اي سؤال انا في خدمتك |
كفيت ووفيت من كل النواحي وعداك العيب لاكن لدي استفسارين رايك في فندق وابراج شيراتون باندونغ وفندق بادما بندونغ هل هي قريبه من الخدمات ؟ وهل مواقعها جيده لاني شفت لها صور خيال |
الفنادق جيدة بس المشكلة انها بعيدة عن الخدمات بعض الشي |
مع ثورة ابيركان تنفع بالي |
اقتباس:
|
اقتباس:
الله يكتب لي ولكم مافيه الخير |
اقتباس:
اتمنى لك التوفيق |
اقتباس:
|
| الساعة الآن 02:13 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO