|
الله يفرج لكم ويسعدكم ، بخصوص رحلتي لاندونيسيا بسم الله الرحمن الرحيم السلام عليكم ورحمة الله وبركاته حيا الله أعضاء هالمنتدى المبارك وأنا أشهد أنكم تفرجون لكل من سألكم وهالشيء يميزكم عن غيركم من المنتديات الخاصة بالسفر الله يسعدكم أنا وصولي بحول الله وقوته لجاكرتا تاريخ 14 يناير الساعة تقريباً 14:25 تقريباً 4 ونص العصر حجزت حجز مسترد الى الآن في بونشاك من تاريخ 14 يناير الى 18 يناير ومن تاريخ 18 الى 22 في باندونق ومن تاريخ 23 الى 25 في جاكرتا مع العلم أن عودتنا للسعودية بتكون إن شاء الله تاريخ 25 يناير الساعة 17:35 يعني تقريبا 7 ونص هل التوزيع كذا ممتاز بين المدن ؟ او ازيد ليالي في بونشاك واقلل باندونق مع العلم أن المقصد الأول والأخير من رحلتنا استجمام واستمتاع بمناظر طبيعيه وشوي مره تسوق:38: السؤال الثاني هل لازم محجز سواق من الآن او من المطار وقت الوصول ؟ |
وعليكم السلام الله يحييك بيننا وشكرا لذوقك اشوف توزيع الايام مناسب جدا وباندونق فيها فعاليات كثيرة يمكن ماتلحقون تزورونها كلها وهذا اقتراح للسكن https://purisetiabudhi.com/ar/ اما الفعاليات كثيرة جدا ولا يفوتكم مطعم كامبونق داون وفيه كافيهات مطلاتها خيالية على المدينة نهاية شارع داقو وصولكم راح يكون يوم الاحد يعني ممكن مباشرة من المطار الى الجبل وممكن مراقبنا الردادي يفيدك بسواق ثقة |
عليكم السلام التوزيع جيد لرحلة قصيرة لكن هناك مشكلة وهي وصولك يوم الاحد لذلك ما انصحك تتوجهي الى بونشاك مباشرة الطريق راح يكون مزدحم بشكل ما تتصوريه لذلك افضل انك تعدلي على الجدول بحيث يكون يوم الوصول تريحوا في جاكرتا والصباح تتوجهي الى بونشاك اما السواقين تكسي المطار متوفر بكثرة في كل الاوقات اما السواقين الخاصين فالازم يكون بينكم اتفاق مسبق حتى يحضر لكم الى المطار طبعاً السواق الخاص لا يسمح له بدخول المطار على حسب الانظمة الجديدة الا بطريقه واحدة وهي يكون معه عقد مصدق من مكتب سياحي لذلك اذا اتفقتي مع سائق وطلب منك صورة من الجواز فهي شي طبيعي حتى يسوى معكم عقد يمكنه من استقبالكم في المطار واحيانا يوجد تحايل على النظام من قبل بعض السائقين ولا يطلب منك اي شي ويستقبلك في المطار اذا قررت انك تبقي ليلة في جاكرتا وفي الصباح تتوجهي للجبل الافضل تروحي بتكسي المطار للفندق وتتفقي مع سائق خاص ياخذكم من الفندق الى بونشاك باذن راح ارسل ارقام بعض السائقين اسعارهم من جاكرتا الى بونشاك 600 - 700 الف ربيه على حسب الموسم اما في داخل بونشاك من 450 - 500 الف ربية اي سؤال في خدمتك |
أخوي آخر فرصة : الله يعطيك العافية ويحرم اناملك ووالديك عن نار جهنم . اخوي الردادي الله يجزاك الجنة ووالديك بس بسألك رشح لي فندق بجاكرتا يصير موب بعيد عن المطار او ع طريق بونشاك ويصير 5 نجوم وراقي |
الله يجزاك خير اختي الكريمة على الدعوة الطيبه المناطق القريبه من المطار فيها بعض العشوائية وما افضل انك تسكني فيها كذلك وقت وصولك في في الظهر يعني فيه وقت تاخذي فكرة عن الاسواق عندهم وما الى ذلك لذا افضل انك تسكني في فندق قريب من المولات او الاسواق وليس ببعيد جداً المطار فقط 30 دقيقة تقريباً انه فندق بولمان سنترال بارك فندق 5 نجوم في نفس مبنى الفندق مول كبير جداً ( مول سنتربارك) وعلى بعد 200 م مول اخر اكبر من الاول ( مول تمان انقريك) الميزة الاخرى هو ان الطريق المؤدي الى بونشاك من الفندق من افضل الطرق في جاكرتا |
طيب اخوي وش رايك بفندق دبل تري ( هيلتون ) بجاكرتا حلو موقعه او ماعندك فكرة عنه؟ |
أهلاً أختي الكريمة ... مادام حبيبنا ومشرفنا ( الردادي ) تولى أمر ترتيب رحلتك ... ثقي بأنكِ ربحتي .. نقطة مهمة جداً ذكرها مشرفنا ... وصولك الأحد .. انتقالك للبونشاك صعب جداً .. الأفضل ليلة الوصول المبيت في جاكرتا .. والانتقال صباح الاثنين للبونشاك .. وسحب ليلة من باندونق وإضافتها للبونشاك عوضاً عن ليلة الاثنين .. مقترح بسيط من أخيك ربما أكون وفقت به .. |
الله يرضى عليك اخوي كتكات فيه مشكلة عويصة شوي مشرفنا الردادي واخوي كتكات انا حاجزة تقريبا من شهر او اكثر حجز مسترد طبعاً في بيسونا آلام من الاحد للخميس يوم جيت اعدل على حجوزاتي صار كلش فُلّ فبضطر امشي لبونشاك الاحد او عندكم خطة بديلة ؟ |
اقتباس:
|
| الساعة الآن 04:57 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO