|
النخوه يالربع السلام عليكم .....اولا وقبل ماابدا باستفساري حبيت اشكركم على كم المعلومات الهائل للي استفدته من بوابتكم واللي خلتني اكتفي عن البحث في اي موقع او مكان اخر سرد وتفا صيل قمه في الروعه .........وابدا بموضوعي ياجماعة الخير طبعا هذه اول سفره لي خارج المملكه راح تكون بدون الاعتماد على حملات ومكاتب السفر فابغاكم تفيدوني بتخاطيط او جدول مقترح لمسير رحلتي باسماء فنادق مقترحه وجمييله وتناسب ميزانيتي مع المناطق اللي تنصحوني بزيارتها والمدة اللي اظل فيها بكل منطقه مع العلم اني ناوي ابقى 13 ليلة بدون حسبه ليوم الوصول والرجعه والمبلغ اللي معي 16000 لثلاثه اشخاص انا وزوجتي وولدي عمره سنتين |
رحلتي راح تكون 7 ابريل بأذن الله |
عليكم السلام ابشر الاخوة والاخوات الكرام هنا ما راح يقصروا معك بأذن الله بس نحتاج بعض الاستفسارات اذا امكن هل المبلغ ١٦٠٠٠ يشمل سعر التذاكر ؟ هل تم حجز التذاكر أم لا ؟ اذا تم حجز التذاكر تعطينا تاريخ ووقت الوصول والمغادرة في انتظارك |
مشكور اخوي الردادي على مرورك السعر يشمل التذاكر وان شاء التذاكر راح احجزها على الاحد الجاي بأذن الله لقيت حجز ب 4697 ريال لثلاثة اشخاص |
عرض 30% لمدة يومين على الخطوط السعودية الشروط والأحكام فترة الشراء: من 27 يناير 2018 إلى 29 يناير 2018 فترة السفر: من 27 يناير 2018 إلى 30 أبريل 2018 المقاعد محدودة يخضع العرض لمدى توفر المقاعد، وتطبق على الحجوزات الجديدة فقط العرض على درجة الضيافة والأعمال والدرجة الأولى التخفيض لا يشمل الضرائب هذا العرض متاح عبر تطبيق السعودية فقط تطبق شروط أخرى، يرجى مراجعة الشروط والأحكام أثناء الحجز https://www.arabtrvl.com/up/uploads/...5170329121.jpg |
للاسف ما زالت الخطوط السعودية تستغفلنا حجزت من المدينة جاكرتا عبر تطبيقهم طلع لي السعر 1829 ومن خلال تطبيق wego حصلت نفس الرحلة بمبلغ 1764 وين الخصم ؟! |
اقتباس:
كلامك صحيح اخوي ابو بلال مواقع الوكالات في الانترنت ارخص من الموقع الرسمي لاي شركة طيران في اغلب الاحيان لكن الوكالات بدون اي دعم يعني لو حصلت اي مشكلة حتى لو بسيطه راح تشوف الفرق وبين الموقع الرسمي لانك اذا حاجز من وكاله شركة الطيران ما تتعامل معك الا في النقل فقط اما الدعم وخدمات ما قبل السفر ما تعترف فيك وتقولك راجع الوكالة اللي حاجز منها لذلك نصيحة محب اذا كان حجز بعيد او فرق السعر بسيط لا تحجز الا من الموقع الرسمي اتمنى لك التوفيق |
اخوي حساوي بالنسبة للتكلفه 16000 الف ممكن تكفي لرحلة اقتصادية وممكن تنقص قليل فقط لكن انت الان اهم شي احجز التذاكر وعطنا المواعيد وبأذن الله راح نعطيك كل شي مفصل وتعرف هل الميزانية تكفي او لا وكم يكون مقدار النقص اذا فيه نقص |
كلامك صحيح من ناحية الدعم لو واجهت مشكلة وهذا ماحصل معي فعلاً سافرت ع خطوط السعودية انا والعائلة وللاسف كانت الاجهزة الترفيهية الامامية معطلة لك أن تتخيل 9 ساعات بدون شاشة ترفيهية لكن الحمد الله اخذت غفوة ولم استيقظ إلا قبل الوصول بساعـة , رفعت شكوى للوكالة وتم رد مالنا علاقة خاطب جهة التقل وتم مخاطبتهم والحمد الله كان في تجاوب وتم التعويض بأميال 3500ميل لكل شخص , طبعاً قبل الرحلة كلمت موظف الخطوط لإختيار المقعد والوجبـة وتم الحمد الله بدون مشاكل طلبت مقعد بعيد عن جناح الطائرة وتم فعل العكس :(48): لكن الوجبة تم تنفيذها الله يجزاه خير:D واخاف الله إنه عندهـ علم بأن الشاشة ع المقاعد لا تعمل لان سوبر فايزر الطائرة عندما خاطبتهـ قال العطل واضح بالنظام لكن الحمد الله إستفدت 27402 ميل بس وقتها سويت قلق بالطائرة لاجل يتم التعويض بدرجة اولى لكن للأسف الطائرة فل ومافي مقاعد:(37): |
مشكور اخوي الردادي على تفاعلك وفضلك على راسي ان شاء الله بس انتهي من الحجز بعطيك خبر وتسلم على جهودك |
الله يعطيكم العافيه استفدت من طرح الموضوع ورد المشاركات |
السلام عليكم ورحمة الله وبركاته اخوي الردادي عذرا على الغياب دونما ترك مبرر للاسف حصلت معي ظروف خاصه خلتني الغي الاجازة بالمره وان شاء الله راح اطلب مشورتك مستقبلا |
اقتباس:
عليكم السلام ما فيه داعي للاعتذار انا اخوك الله ييسر امرك ويوفقك واحنا في خدمتك في اي وقتك بس لا تحرمنا طلتك في المنتدى بالتوفيق |
اقتباس:
كلامك صحيح اخوي انا موظف في الخطوط السعودية واكثر مانعاني منه حجوزات الوكالات السياحية من ناحية خدمات مابعد البيع مثل التعديل او اذا لا قدر الله المسافر تأخر على الرحلة ويريد الحجز للرحلة التالية لا نستطيع فعل اي شي له سوا التوجه الى نفس الوكيل |
السلام اخوي الردادي الله يعطيك العافيه ابغى اقل سعر حجز طيران لاني باذن الله عزمت اروح اندونيسيا التاريخ بيكون من 13 يوليو الى 28 يوليو |
عليكم السلام الاقلاع من اي مطار في السعودية |
عذرا على التااخير بييكون الاقلاع يمكن من البحرين او مطار الملك فهد بالمام على حسب الانسب من حيث السعر وعدد الساعات |
السلام عليكم اخي العزيز اندونيسيا من أفضل الدول السياحية للعائلات , السبب أنك تستقر في فلة مع خدامة وسائق , الخدامة تطبخ مكابيس واكل خليجي , مو زي كثير من الدول تتبهدل كل يومين تنتقل فندق ثاني , الاماكن السياحية كلها قريبة من الفلة , مشورا ساعه او نصف ساعة من الفلة , تتمشى من الصبح , والمساء تقضي سهرة فالفلة على مكابيس وافلام واجواء مطر , طبعا تتفاهم مع السايق وين تحب يوديك هذي الاماكن كلها قريبة . 1.اكبر حديقة سفاري للحيوانات ,, نصف ساعه 2.الطيران بالبرشوت ,, نصف ساعه 3.حديقة متهاري الشمس ,, نصف ساعه 4.الشلالات السبعة , نصف ساعه 5.الرافتنج في النهر , مسافة ساعه 6.حديقة الزهور ,, مسافه ساعه 7.حديقة الشاي والعسل ومساج الاسماك , نصف ساعة 8.بحيرة الليدو ,, ساعتين 9.حديقة الجنة .. ساعه 10.هذا غير البرنامج الي ممكن تضبطه لحالك او تتفق مع السائق تاخذ غداك وتطلع للطبيعة والغابات . راح اعطيك رقم سائق يتكلم عربي راح يضبطلك الفلة والشغالة والبرنامج كامل من وصولك للمطار والين رجعتتك , اسمه سليمان اذا حبيت قول له من طرف سعود تعليمات المنتدى تمنع وضع ارقام السائقين الا ضمن التقارير فقط |
ان شاء الله |
السلام ابشرك اخوي الردادي اليوم وبعد شق الانفس ردوا علي بالموافقة على الاجازة ونبغى همتك وهمة اخوانا المسافرين بترتيب الجدول ومثل ماقلت قبل هذه بتكون اول سفرة لي بدون ماالتحق بشركات سفر وسياحه راح تكون السفرة لشخصين انا والمدام بس باذن الله راح يكون سفرنا ع تاريخ 13-7 والعودة 28-7 بالاعتماد على التقارير اللي قريتها انا رتبت الرحلة كما يلي وانت شوف اذا الترتيب اوكي وعدل مايحتاج لتعديل ليلة جاكرتا 14-7الى 15-7 الفندق لم يتم تحديده ابع ليالي بالي 15-7الى 19-7 الفندق sulis beach hotel and spa ليلتين باندونق من 19-7اللى 21-7 الفندق grand mercure bandung setlabudi خمس ليالي بونشاك من 21-7الى 26 -7 منتجع بيسونا علم ليلتين جاكرتا 26-7الى 28-7 لم يتم تحديد الفندق وابغى الجدول السياحي لكل منطقة والتفاصيل اللي ماتفوتك |
ابغى اسماء شركات الطيران المضمونه وهل trip.aeمضمونه والا .......وهل الطيران العماني ممتاز والا |
الافضل انك تحجز من موقع الطيران الرسمي عشان تحصل على الدعم لو حصل اي ظرف لا قدر الله اما المواقع مثل ماي ترب او غيرها ممتازه في السعر وبس ما فيها دعم اما الطيران العماني فهو جيد النسبة للجدول ابشر من عيوني بس اصبر علي شوي الان مشغول وان نسيت ذكرني |
التفاعل ممتاز |
| الساعة الآن 01:49 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO