|
تجربتي المبدئيه وانطباعي الاولي عن جاكرتا سلام عليكم صباح الخير وصلت بحمدلله بعد رحله طويله كسرت ظهري 9 ساعات وشي الى جاكرتا الحمدلله المطار : اكثر من رائع وحديث ومميز وجديد والله عجبني مره من اسهل الاجراءات اللى مرت علي الحمدلله والله العظيم لاسوال عن تذكره العودة ولا حجز ولاشي فقط سالني كم بتجلس قلت 10 ايام وختم ورحب بي وخشيت اول ماوصلت للسير والله مابالغ يمكن كم دقيقه بس وشنطتي جات اعرفلك مطار الله يستر عليه ماهو جدة الساعه عادي تدقها تنتظر شنطك الشعب طيب بشكل كعادته الاندونيسين رائيعين وحبوبين الحمدلله انا احب الاكل الاندونيسي لكن حصلت اكله هنا ماضني بحصلها في السعودية الا وهي Nasi goreng ناسي قورينق والله لذيذه بشكل ماتتصورنه اللى عجبني فيها انا اقدر الاكل المطبوخ والطازج بكل مكان انصحكم تجربونها راح تدعون لي خصوصا الذويقه البلد جدا ممتاز والله العظيم ماتوقعته كذا الابراج والشوارع والناس الطيبه والله رائعه جدا بس عيبها الزحمه الزحمه قرف بس انا اكرهها ف مكه مو عاد هنا اكثر بكثييير :63: اكرر الزياره مع الاهل باذن الله ( بس التسعه ساعات رحله تحتاج تفكييير عميق ) تقريبا لي كم يوم هنا وباذن الله بحدث الموضوع بجزئيات واي سوال انا حاضر طبعا الشريحه لازم هويه مواطن ... فاشتركت ف تجوال stc ب 350 ريال 8 غيغا تمشي الحال برا فور جي الفندق واي فاي حفظكم الله تعالى |
عليكم السلام ما شاء الله تبارك الله لسه ما شفت من جمال اندونيسيا شي القادم اجمل ياسر شركة XL ما تطلب هوية مواطن |
حدثنا بجديدك |
الحمد لله على السلامة فعلاً الرحلة تكسر الظهر بس البلد يستاهل اذا ما زرت باندونق اتوقع بتقول اضعاف هذا الكلام بعد زيارتها ناسي قورينق متوفر وبكثرة هنا بجدة و ياكثر المطاعم اللي تضبطه و ما أبالغ لو قلت بعضها يتفوق على اللي باندونيسيا وين سكنت ؟ و ايش المواصلات اللي استخدمتها ؟ عطينا صور من الرحلة |
زرت جاكرتا الصيف الماضي .. جميلة و ضخمة و متطورة أكثر من توقعاتي لها ... لكن الزحمة فيها شيء خرافي .. اقضي أربع ساعات في مشوار مدته 4 أوز 5 كيلو |
اقتباس:
سكنت في فريزر مينتج المواصلات الحقيقه مشي امشي كثير اليوم رحت لجراند تقريبا 2 كيلو ونص مشي لكن الخوف من السيارات والدبابات حيث مافي نظام مشاه او البلو بيرد الصور باذن الله بصور لكم |
الحقيقه الزحمه مقرفه بشكل مو طبيعي والله العظيم اجلس ساعتين في الخط مو معقوله وجيت من كودو تقريبا ٣ ساعات وبطريق الرسوم الحقيقه الزحمه شي خيالي هنا انا شفت زحمات بس زي هنا ماشفت الله يرضي على جدة كذا |
ياسر استغرب منك تأخذ تكسي في الزحمة انت شاب عزابي خذ دباب راح تنسى امر الزحمة فيه تطبيق خاص بالدبابات اسمه قو جاك رهيب مره مثل اوبر وقراب جرب مره ما انت خسران شي |
فعلاً الزحمة فيها شي لايطاق كل مشوار المدة فيها ساعة واكثـر لكن البلـد جميل والاحسن لك تجرب دباب إذا مشاويرك قريبة توعاً ما اما من ناحية المسافـة و 9 ساعات فعلاً تحتاج تفكير خاصة إذا كنت لا تنام داخل الطائرة حتى خطوط الطيران فوق البعد تشح بالعروض لها تركيا خطفت السياح بسبب قربها وما تتمتع بمقومات السياحة |
الله يعطيك العافية عالتقرير |
| الساعة الآن 03:50 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO