|
مانستغني عن اقتراحتكم السلام عليكم ورحمة الله :63: تحية طيبة لك من دخل الى هذا الموضوع بسم الله ابدأ من هنا ..... قررت اسافر اندونيسيا في هذا العام بعد سفرهه العام الماضي لتركيا وتفهمي لبعض الاخطاء في السفر وهكذا وقررت كل عام مكان غير واخترت هذا العام اندونيسيا ولكن بدون رفيق او صديق وبحث عن الرحلات ووجدت افضلها لي من ناحية الوقت والمبلغ الامارتية بتاريخ 27 يونيو والعودة 10 يوليو بسعر 2880 ريال ترانزيت دبي ساعة ونص المهم وبعد حجز التذاكر جيت ادور للسكن وانا مالي خبره في اندونيسيا وكمان عزابي يعني قلت اشوف اجوده وبوكينج المهم وزعت رحلتي على النحو التالي بما ان وصولي لجاكرتا بالليل قلت اريح يها هذيك الليلة في فندق اشلي جاكرتا بقيمة 140 ريال وانطلق بعدها الى الجبل وتحديدا الى فندق ايبيس ستايلز بوجور رايا لقضاء 4 ليالي بقيمة 590 ريال بعدها الى باندونج فندق براما جراند ليلتان بقيمة 270 ومن ثم الى بالي طيران بقيمة 200ريال لذهاب ومن ثم السكن في بالي 5 ليالي بمنتجع رويال سينغوساري كوتا بقيمة 746 ريال والعودة بعدها الى الى جاكرتا بقيمة 180 ريال والسكن بنفس الفندق اشلي جاكرتا ليلتان بقيمة 270 قيمة التذاكر الدولية 2880 قيمة التذاكر الداخلية 470 قيمة جميع الفنادق 2100 الاجمالي للمصروفات 5450 في عندي اكثر من سؤال وش الاشياء الي باقي تحسب عندي في المصروفات على سبيل المثال السواق كم يوميته والاماكن السياحية والاكل طبعا انا رايح للاندونيسيا بجرب اكلهم يعني اكل عربي ابنساه هناك ف اعطوني مشورتكم في ذا السفره |
عليكم السلام سند هل الرحلة اقتصادية ؟؟؟؟؟؟؟؟؟ عموماً الفنادق لازم تغيرها فهي غير مناسبه حتى لا ترى الصورة السيئه للبلد اسمع كلامي ياسند فندق اشلي جاكرتا هذا في سنتر جاكرتا منطقة مزدحمه جداً والدخول والخروج منها ياخذ وقت فندق ايبيس ستايلز بوجور هذا في بوقور وليس في بونشاك يبعد عن بونشاك حوالي 18 كم تحتاج الى ساعة واحدة لقطع هذه المسافة والوصول الى سيسروا في بداية البونشاك اما في نهاية الاسبوع فالوضع اصعب بكثير لذلك تغيره فيه فنادق كثيرة افضل منه وفي بونشاك عندك بيسونا علم او قراند هيل ممتاز او سيروني 3 بس مافيه تكييف انتبه فندق براما جراند هذا غيره وانت مغمض منتجع رويال سينغوساري كوتا ليس سيئ بس فيه ما افضل منه والمبلغ اللي توفره في الفندق تدفعه في التنقل لذلك افضل انك تغيره الى بينتانج كوتا او فندق ايدن الاسعار متقاربه بالنسبه للسواقين اليوميه 12 ساعة في بونشاك وباندونق 500 الف ربيه التوصيل من جاكرتا للجبل 600 الف ربيه كذلك التوصيل من بونشاك الى باندونق بالي 350 -450 الف ربيه في اليوم الاكل الاندونيسي اذا ما انت متعود عليه لا تجربه |
نعم الرحلة تعتبر اقتصادية يعني عندي حدود 6000 الالاف ريال وتزيد القليل عليها من غير تذاكر الطيران استبدلت الفندق ب اخر عن تجبه احد الشباب في جاكرتا وناسي اسمهه الان ولكن سأطرحهه لاحقاً اكثر فنادق البونشاك غاليه او تعتبر ممتلئه واذا كان لديك ارقام فـلتتشرف وترسلها لي ولكن هل صحيح لو ذهبت هناك في شهر يوليو سأجد فلل ام يفضل الحجز من هنا طبعاً الفله عشان اصير اطبخ فيها الغيت الروحهه لباندونج على كلام واحد ان الجبل يغني عنه الغيت الروووحه الى بالي وتبقى لي الجبل وجاكرتا فقط لمدة 11 من مع الوصول ارقام سواقين كويسيين في بونشاك وجاكرتا ناوي اجرب الاكل الاندونيسي واحكم اذا اعجبني واصلت معاه واذا ماعجبني اصير اطبخ الحين ابي منكم مساعده من ناحيه الفلل الرخيصه في بونشاك وفندق في جاكرتا وكمان الطيران عندي الجارود حصلته ب 2300 ريال لكن خايف من التجربه فيها والطيران الامارتي بحدود 2800 ريال ف اعطوني شوركم واسف تعبتكم معايا:20: |
فلوسك قليلة ياسند ما تكفي انت مسافر في قمت الموسم السياحي لذلك الاسعار مرتفعه اقترح عليك تزيد المبلغ شوي او تأجل الرجل الى خارج موسم السياحة الفلل في الجبل اغلى من الفنادق ممكن تحصل فلل بس مستوها متدني في حدود 200 الى 250 ريال في اليوم اما ان الجبل يغني عن باندونق هذا الكلام غير صحيح باندونق فيها مزارات مختلفه واسواق ومقاهي ومقومات سياحية كثيره اما بالي فهي دوله داخل دوله كل شي في بالي مختلف عن جميع مناطق اندونيسيا الاخرى بالنسبة للطيران الجارودا رااااااااائعه جداً ومن افضل شركات الطيران في العالم العام الماضي حصلت على المركز الخامس على مستوى العالم في التصنيف ومستوها مثل الاماراتية اذا كنت معرزم على السفر احجز عليها وانت مغمض |
| الساعة الآن 11:52 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO