|
مطار وجوازات جاكرتا العرب المسافرون اندونيسيا السلام عليكم ورحمة الله وبركاته هذه اول مشاركه لي في هذا المنتدى الاكثر من رائع ولم اكن اتمنى ان تكون اول مشاركه لي انتقاد و تحذير. ولكن لم استطع ان انسى سوء المعامله من قبل الجوازات الاندونيسيه عند مغادرتي لمطار جاكرتا. وهي تتمثل في اثناء مغادرتي للمطار وعند الوقوف عند كاونتر الجوازات في مطار جاكرتا يأبى ضابط الجوازات ان يختم لك ختم المغادرة على الجواز ان لم تدفع أتاوه او رشوه له لا تقل عن مائة الف من عملتهم وفي حال عدم توافر هذا المبلغ او رفضك يقوم بتعطيلك و يعيدك ويماطل معك وعندما تناقشه يقوم بالنظر اليك بطريقه عصبيه مهددا باتخاذ اجراء معك. ويجبرك على ان تكون اخر شخص يختم جوازه. وهذا الامر ينطبق على جميع ضباط الجوازات بدون استثناء. وللاسف هذا الامر يحدث فقط مع المسافرين العرب عموما والخليجيين خاصة. والملاحظه الاخرى.. ان السوق الحره بمطار جاكرتا تغلق ابوابها بمطاعمها وكافترياتها وجميع افرعها بعد منتصف الليل تماما. يعني تعال المطار وانته متعشي وشارب كفايتك من المياه. هذه ملاحظاتي عن مطار وجوازات جاكرتا ونأمل ان تكون لنا وقفه موحده وجاده مع هذه الامور. ودمتم بود.. |
رد: مطار وجوازات جاكرتا طيب ليش ما تروح لإدارة المطار تكلمهم أو تتصل على وزارة الخارجية تبلغهم هذي المشاكل جتنا بسبب طيبتنا الزايدة معهم من كثر ما نعطيهم صاروا بالغصب ياخذون وإعتادوا ع الموضوع وكأنه شيء رسمي أو حق من حقوقهم .. سبحان الله الله يكون بالعون والله يعطيك العافية |
رد: مطار وجوازات جاكرتا مشاكل مطار جاكرتا لا حل لها تدري ليه لان حنا السبب وكفى |
رد: مطار وجوازات جاكرتا لا يكون يقصد ضريبة المغادرة ! وكلام سلطان 500 سليم نحن من أعطيناهم المساحة ليتلاعبوا علينا والسبب بعض ضعاف الشخصية ! يحكي لي أحد أبناء حارتي أنه ذهب إلى أندونيسيا عام 1420 أو بعدها قليلاً وشرى له فلة فخمة جدًا وبمبلغ زهيد لا أظنه يصل 25 ألف سعودي .. يقول كان سعر الذبيحة لا يتجاوز 25 ريال سعودي فضحكت .. فحلف لي وذكر تطورات غلاء الأسعار إلى أن وصلت إلى 50 ريال أي ما يقارب 200 ألف روبية والآن وصلت إلى 200 ريال سعودي أي ما يقارب 700 ألف روبية .. ومن تجربة شخصية أخي يقول قبل عامين كانت 150 ريال والعام شرينا تقريبًا ب 180 واليوم وصلت ل 250 ريال للذبيحة ولا زال السياح السعوديين والخليجيين عامة يزيدون في السعر !! وقس على ذلك أمور كثيرة .. وشخصيًا أقول اتركوا أندونيسيا لذوي الدخل المحدود ومن أراد البذخ فدونه تركيا أو النمسا أو جنوب أفريقيا :) :) :) نعم والله أقولها والحال ميسور والحمد لله ولكن هنا أسر تتمنى أن تذهب لأندونيسيا تغير جو وفي المقابل تواجه الغلاء الذي كنا نحن سببًا فيه .. |
رد: مطار وجوازات جاكرتا الله المستعان على امثال هذا الضابط ويجب تبليغ ادارة المطار وخله يختملك آخر واحد ولا ترضخ للابتزاز الرخيص |
رد: مطار وجوازات جاكرتا انا كنت في اندونيسيا بالعائلة قبل اسبوعين وكان عددنا 8 اشخاص المهم كان في زحمة عند كاونترات الجوازات والسبب ان اغلب السعوديين ماهم معبيين كرت الدخول وكنت اشوفهم قدامي كل واحد يعطي جوازه يحط معه مبلغ ولمن جاء دورنا قام شيك على كرت الدخول وطلب من ورقة حجز الفندق وعطيته وطلب التذاكر ونفس الشي وانا كنت مزبط نفسي ولا خليت على نفسي مجال وراح طلب مني على كل جواز 100 الف يعني يبغى 800 الف ويقولي ان هذا نظام جديد قلتله ماراح اعطيك ولا شي وخذيت جوازاتي من عنده ورحت لكاونتر في الجهه المقابلة واول ماشافني قالي هدية قلتله مافي ماراح اعطيك ولا شي والحمدلله مشت امورنا واللي يسالني عن السبب السبب احنا |
رد: مطار وجوازات جاكرتا اقتباس:
اقتباس:
سعر صرف الروبيه الان قرابة 13041.80 للدولار هذا هو السبب نحن في الخليج لانفكر في اختلاف سعر العمله لان عملتنا مستقره |
رد: مطار وجوازات جاكرتا للاسف اعلمني احد موظفي السوق الحره بمار جاكرتا .. ان موظف الجوازات لن يقوم بهذا العمل وبهذه البجاحه بدون ضوء اخضر من المسؤولين.. هنا اسكتني وافحمني رده. |
رد: مطار وجوازات جاكرتا يالا الهول يالا الهول من تعاملهم في المطار همج بقوه أذكر أول سفره لي بحثت في الانترنت واول مره بحياتي اعرف ان فيه بوابة للمسافرين العرب الي قفلوه ياهو الله يخرب بيتهم مع اني كنت اكره طريقتهم ماتسجل في البوابه الا بأإميل الياهو لابارك الله فيهم وفرقاهم عيد والله انها خيره لنا الموهم : لاحظت ينصحون ويتذمرون من كلمه هديه حتى كرهتها وفعلن جربتها وكرهتها في اول سفره والحين انا من عشاقها خارج المطار اقلعت من السعوديه مروراً بابوظبي وصولن الى جاكرتا وانا في الطياره ماخليت سعودي الا واشغلته عب الكرت عب الكرت اذكر لقيت اثنين زهمتهم وقلت ابيكم تعبون الكرت قالو يارجال خل لين نقلع وتعال لنا قبل نوصل جاكرتا وخذيت رقم مقاعدهم اقلعنا وبعد يمكن ساعتين توجهت لهم من زود الحرص لقيتهم نايمين وروسهم تصاقع في بعض قفلت معي ياليل اليل من يعبي لي البطاقه مدري الكرت الا واثنين جالسين يسولفون وعبو لي الكرت بيض الله اوجيهم وطبعاً كل واحد اقابله اسئله وش اسوي ووش بيصير المهم اني اول واحد نزل من الطياره وسيده للفيزه واعطيهم جوازي و25 دولار وانا منضغط من كلمة هديه ماهو بخل ولارخامه بس من كثر التنبيه وبالعربي احس انها اهانه ياخذ مني قالو لي هديه قلت ايه من السعوديه كررت الموظفه قالت هديه قلت يس من السعوديه قالت هديه وانا ارفع صوتي يس من السعوديه وكني معصب عطتني جوازي وأشرت بيدها كنها تقول ترى الجوازات دربها منا واقفيت وهي تضحك وانا اقول تانكيو واوزع ابتسامات النصر وصلت الجوازت الا هم يبون يبصموني تفاجئت ما اقتنعت كيف تبصموني انا مافيه مافيا انا سعوديه قال هديه قلت يس سعوديه سحب يدي مع ابتسامه وقعد يبصم يدي ماخلى اصبع وفيه كامره خلوني اطالع فيها بعيوني ومن عقبها معد سمعت هديه ابتلشو قالو خل نفتك من ذا مايعرف عربي مايميز بين كلمة هديه وسعوديه خلصت قبل ركاب الطايره الي معي وكني اسابقهم مدري ليه مرض نفسي ولا حسد مابي احد يسبقني جينا عند استلام الامتعه انتظر الشنطه انتظر وانتظر ماجت شنطتي اوصلو الركاب كلهم وطلعو وانا انتظر الشنطه وكل ماشافني سعودي ياخي وينك اندور لك بشر وش صار عليك قلت ابشركم خلصت اخر واحد يستلم شنطته في ذيك الرحله انا وفيها خيره إن شاءالله بس مازلت في معاناه شايل هم الهديه طلعت بشنطتي مع اني متأخر وسبقوني حتى العجز بس متانس مدري ليه مبسوط بقوه صرفت من الصرافين ع حسب توصيه الخبراء 500 ريال فقط تلميذهم توجهت لكاها الي في المطار وقلت ابي فندق كفو والسواقين من يميني ويساري تقول عند باب البيك انا وياهم ماخلوني حت اسمعه زين قال مليون واربع ميه قلت وين ياوبو الشباب وش الي مليون كنه مافهمني قلت انت علي بابا امزح معه ولا ادري كيف سمعني من صجة السواقين قام واقف وهو معصب ويهاوش وانا افتر بوسط الزحمه واعطيه مقفاي وهم يتكلمون معه السواقين مدري وش يقولون له الا وذاك الشايب الاندنوسي الي لابس طاقيه قلت ابك ازبن عنده قال سواق قلت يالله بدون ما اتفق معه خل افتك من حق كاها وانا بخير ويجي ذاك الا ندنوسي ويشيل الشنطه ابك فك شنطتي ورفض الا يشيل الشنطه اقنعني الشايب قال مافيه خوف خلها يشلها وصلنا اسياره قال هديه رفضت المهم نشب لنا واطلع الفين ربيه قلت تفضل كني صافقه ع وجهه تغيرت اخلاقه كان حليو قام السواق وعطاه مدري كم عطاه عصبت وقلت ترى ماراح اعطيك قال مافيه مشكله تغير وجه السواق شكله يقول بخاطره وش ذا النشبه افترينا لين لقينا فندق 350 الف طبعاً الي فهمته اسواق ياخذ عموله في أي شي جيدين عند بعض مدري كم عطيته ناسي والله بس اخذت رقمه وصار صديقي سالفتي طويله عريضه ولا ابي اطول عليكم :201: أعرف واحد عندما أتى يغادر جاكرتا مالقو ختم دخول في الجواز اخذو الاب توب والجوال لا ومستانس ابو الشباب وعلى كلامه ماراح يطب جاكرتا ثاني مره هذا واشكاله هم سبب استهتار موظفين المطار بالسعودين أتحدى يطلبون هديه من غير السعودي والمشكله إذا جيت تناقش الواحد ليه تعطيه يقول أعزكم الله هذا كلـب خل اعطيه وامشي والله إذا هو كلـب أنت قطو إذا اعطيته عط مسكين عط محتاج ماعليه أو عطه عشان حسن اخلاقه وتعامله المشكله لا اخلاق ولا حسن تعامل وتعطيه يلزمك تعطيه غصب عنك عيب عليك لاتسافر ياخي خلك عند اهلك ياجبان ماراح يرجعك لدولتك ولايقدر يضرك بشي الواحد إذا سافر يحافظ على كرامته المعذره ع الاطاله بس موظفين المطار مستقعدين لنا والكلام ذا مايصير منا كسعودين لازم نحسب حساب كل شي مهوب الواحد يفكر في نفسه ويصير ضعيف هذا ليس بكرم بل سوء تصرف ويعتبر جهل |
رد: مطار وجوازات جاكرتا اخواني من خلال سفراتي المتكررة الحمد لله لم يحدث لي اي موقف مع الجوزات لاني لا اترك لهم المجال معبي كرت الدخول من الطيارة ومحمول المبلغ حق الفيزة من السعودية واموري كلها تمام واقف امامهم واثق من نفسي ما يتجرأ موظف الجوزات يفتح فمه :(49): |
رد: مطار وجوازات جاكرتا الله يعين على هالنوعيات من الاستغلاليين بالمطارات .. شكراً لك أخي/ النبيل على التنبيه |
رد: مطار وجوازات جاكرتا المشكلة فينا احنا الواحد يترك باب بالنسبة لي رحت مرة والحمدلله لم اصداف احد يطلب هدية بالمطار عبيت الكرت من الطيارة , فلوس الفيزا جاهزة وفي الجوازات سوي انك ماتسمع او ماتعرف ايش يقصد ووزع ابتسامات تمشي امورك |
رد: مطار وجوازات جاكرتا طنش تعش لازم تطنشهم وان احتد الامر ارفع صوتي وعندي مسئول رعايا يمدحونه بالسفاره |
رد: مطار وجوازات جاكرتا مثل ابو خالد .. او سوي نفسك فاغر هههههههههه |
رد: مطار وجوازات جاكرتا اخي الكريم اشكرك على طرح تجريتك وهي تجربةتمر مع كثير من المسافرين ودائما نحذر من استغلال موظفي الجوازات وكما قالوا الاخوة نحن سبب هذه المشكلة لو كل مسافر تعامل بحزم مع هذه المشكلة لا ما تجرأ اي موظف على طلب الهدية واكبر دليل ان موظفي الجوازات لا يتجروا على طلب الهدية من باقي الجنسيات اعلم اخي الكريم ان موظف الجوازات عندما يطلبك الهدية انه يطلبها وهوخائف وبصوت منخفض لن مايعمله هو مخالف للانظمة افضل طريقةللتعامل هو ان تكون اوراقك كاملة وان تطنشه ولا تحسب له اي حساب لانه في النهاية سيختم الجواز وان اشتدد النقاش وهونادر الحدوث عليك تهديده بالاتصال بالسفارة عندها سترى تغير المعاملة اعلم اخي الكريم لا احد يستطيع مد يده في جيبك واخذ منك اي مبلغ ولكنها وسيلة يستخدمونها لعل وعسى تصيب معاه مره اخرى اشكرك على طرح تجربتك وتوضيح الموقف لاخوانك |
رد: مطار وجوازات جاكرتا مافيه الا طاري سفارة سفارة :) خخخخخخخ |
رد: مطار وجوازات جاكرتا السبب بعض جماعتنا ،،، 1-الذين لا يعرفون يعبون الكروت ..! 2- الذين لا يستطيعون الانتظام في السرا .. لكونهم مستعجلين على المهايط ..! اللي ما يعبون الكروت ،، يجيك بجوازه والكرت فاضي وحاط 500 الف روبيه بالجواز .. اللي ما ينتظم بالسرا .. تشوفه هناك بعيد مثل القطو ينتظر يجيه جوازه ومدفعينه 500 الف .. وتراهم كثير في كل رحلة ،، هذا ما دعا الموظفين الى التمرد على رحلات السعودية وانتظارها بفارغ الصبر .. لحل مشاكلهم الاقتصادية الشهرية ..! انتوا اللي انضبطوا ،، وينضبط الموظفين ..! لماذا الموظفين محترمين مع كل الجنسيات ،، ولا يطلبون الا منكم ؟! حتى عمال النظافه ،، تشوفهم مثل القطاوة ينتظروكم بصالة المغادرة .. في الممرات وعند مدخل الصالة ..! هذه فوضى بعض المسافرين التي تؤذي البقية من ابناء وطنه |
رد: مطار وجوازات جاكرتا شكرا على ذكر تجربتك |
رد: مطار وجوازات جاكرتا شكراً لك لمشاركتنا تجربتك أتمنى من له أقارب في السفارة السعودية بجاكرتا أو وزارة الخارجية نقل معاناة المواطنين لهم لكي يجدوا حل لاستغلال موظفي المطار شكراً لكم |
رد: مطار وجوازات جاكرتا وأضف الى تغير المعاملة الى الأسوأ .أسباب ..منها... مشاكل الخادمات والقصاص اللي حصل |
رد: مطار وجوازات جاكرتا صراحه رحت ورجعت مالقيت كل هالشاكل اللي تذكرون في المطار مادفعت إلا حقت الفيزا 35 دولار و100 الف ربيه للعامل اللي يحمل العفش صحيح وانا طالع للسعوديه قابلني عسكري عند مكتب الخطوط السعوديه وانا ماسك سرى وقال اطلعك للكونتر الثاني وتعطيني هديه قلت مافيه هديه وراح من عندي بالنسبه لحق الجوازات والله ماطلب شي والشئ اللي استغربته اول ماوصلت مطار جاكرتا وحسب ما إقراء من تقاريركم أن لازم يكون معاك فكه للفيزا والا مايرجعون عليك الباقي المهم قدر الله وﻻصار معاي فكه والعجيب انه رجع لي الباقي وبالدوﻻر كمان الحمد لله كانت رحله موفقه بفضله جل وعلا فله الحمد |
رد: مطار وجوازات جاكرتا حسبنا الله ونعم الوكيل |
رد: مطار وجوازات جاكرتا صراحه غريبه . 2014 كنت ناوي اروح اندونيسيا وقريت كثير عن مشاكل المطار والجوازات بس الغريب لما رحت دخلت وطلعت ولا احد فتح فمه بكلمة لا هديه ولا غيرها ! الحمدلله |
رد: مطار وجوازات جاكرتا السلام عليكم ورحمة الله وبركاتة تم اليوم بحمد الله الوصول الى مطار جاكرتا ب الطيران العماني ولم يوزعوا علينا كروت الدخول ولم يسال عليها مؤظف الجوازات وكانت سهالات من رب العالمين ولم يطلبوا هدية والأمور الحمد لله تمام التمام |
رد: مطار وجوازات جاكرتا ماشاء الله والحمدلله يا أم مرام نسال الله لكم سفره سعيده وبدون تعب |
رد: مطار وجوازات جاكرتا ثقافة السفر معدومه للاسف عند البعض تجدهم شايفين أنفسهم بمطارات السعوديه وخارج البلد لايحترموا أنظمة الدول ويدفعوا فلوس في الفاضي والمليان ... بعض العقليات خربت سمعتنا للاسف ...والمشكله البعض يرمي السبب علي السفاره ... السفاره لم تأمر السائح بدفع الرشاوي ... بالنسبه لي لم يسبق أن تعرض لي أي موظف يطلب رشاوي باحدي الرحلات إنتظرت بطابور الجوازات 40 دقيقه تقريبا لوجود ثلاث رحلات بنفس الوقت وأخذت الموضوع بكل رحابة صدر ... جاي انبسط وأغير جو ومستمتع بكل لحظه من دخولي للبلد الي لحظة المغادره ... |
رد: مطار وجوازات جاكرتا اقتباس:
واعذارهم للدفع يا انه يعرض عليك يعبي الكرت واذا عباه قالك ابي هديه علشان الكرت,, او انك تكون تبي تطلع للجبل علطول وتشوف لك فله ويقولك وين حجز السكن,,, والكثير الكثير من الامور هذي فا انت لاتلوم المسافر خاصه اذا كان اول زياره له للبلد ولا يعرف عنهم شي هذي حاجه الحاجه الثانيه فكر باللي معه عائله واطفال وهو منلطع كل ماجاء دوره رجعه لاخر الصف والسفاره تعرف كل شي عن الامر هذا ويكفي كثرة الشكاوي للسفاره عن المطار وتعاملهم ومع هذا ماسوو اي شي,,, واخيرا انت تقول مره انتظرت بطابور 40 دقيقه تقريبا انا اقووولك اغلب الرحلات على جاكرتا تنتظر على الاقل ساعه من دون التعقيد يعني هذا من غير مايرجع ويستقعد على امور باستثناء رحلات اخر المساء من 10 بالليل وتحت ملاحظه // فيه ناس تسهّل معهم ويخلصون امورهم بسرعه من المطار بس مهو معناته اذا تسهلت مع كم واحد معناته تسهلت مع الجميع,,, ولو تبي تسوي احصائيه هنا وتشوف كم واحد طلبوا منه رشوه وكم واحد ماطلبوا اتوقع وبدون مبالغه فوق 85% طالبين منهم رشوه وموقفينهم ومعقدينهم |
رد: مطار وجوازات جاكرتا حلمك علينا الله يوفقك ماتكلمت الا بعد ماجربت السفر الي اندونيسيا عشر رحلات ثانيا الغشيم لا يلوم الا نفسه انت ذكرت اسباب طلب الهديه .. كرت دخول وحجز فندق ... كرت دخول مايعرف يعبيه ؟! ايش اللي يمنع المسافر مايعبي الكرت ويسوي حجز وهمي لفندق لليله واحده ... |
رد: مطار وجوازات جاكرتا اقتباس:
بسألك عن الطيران العماني كيف وضعه لأن رحلتي عليه بإذن الله تعالى |
رد: مطار وجوازات جاكرتا كرت مترجم مطبوع تنتهي المشكلة الجدية في التعامل داخل المطار مع موظف الجوازات والأمور في السليم عني ماطلبوني ولكن من كان بجواري مزح وضحك وفي الأخير المعلوم |
| الساعة الآن 08:14 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO