|
مسافر بالي لحالي نصايحكم السلام عليكم ورحمة الله وبركاته، مساء الخير، هذي اول مشاركة لي في المنتدى ارجو ان القى ردود على المشاركة. مخطط اسافر لبالي لمدة ظ§ ايام في شهر اكتوبر الشهر الجاي يعني، طبعاً قررت اسافر لحالي بسبب عدم وجود خوي، وحاب اني اغير جو من ضغوط العمل وغيرها. ابغى نصايحكم بخصوص السكن وين بالضبط اسكن؟ والمواصلات هل اخذ لي سواق خاص ولا التكاسي تأدي الغرض؟ بالنسبة للامور المادية كم المبلغ بالضبط الي يكفي المدة؟ هل احول الفلوس في السعودية ولا هناك ولا استعمال الفيزا افضل؟ الاماكن السياحية الي تستحق اني ازورها؟ هل ظ§ ايام كثيرة ولا اقلل المدة؟ اي معلومات زيادة تقولها شاكر ومقدر�� |
عليكم السلام اسكن في شارع كارتيكا في منطقة كوتا خيارات السكن متوفرة وبأسعار متفاوته كذلك المطاعم الاسواق المقاهي والبحر كل شي عندك مشي على الاقدام حتى التكسي ما تحتاجه داخل دنبسار التكسي وتطبيق قراب و تطبيق قوجاك كلها شغاله ما تحتاج سائق اما النشطات السياحية التي في الغالب تكون في منطقة ابود في الغالب عند حجز النشاط فيه توصيل عيبه انه راح يوصلك للنشاط ثم يرجع للفندق وما تقدر تروح مكان اخر و منطقة ابود تبعد عن كوتا ساعة ونصف تقريباً لذلك يفضل انك تاخذ سواق خاص كم يوم حتى تزور النشاطات السياحية الموجودة في ابود وتستفيد من كامل يومك سعر السائق لمدة 12 ساعة 400 الف ربيه حوالي 110 ريال التكلفة تختلف من شخص الى اخر لذلك كم معك فلوس تقدر تمشي وضعك على قدها ما فيه ميزانية محددة بالنسبة لصرف العملة الافضل تاخذها معك دولار او ربيه اندونيسيه |
يعطيك العافية يا ردادي |
ما قصر ابو محمد مرجع ما شاء الله عليه شاطئ منطقة كوتا هو الاكثر نشاط لذا غالبية تواجدك راح تكون هناك لذا السكن بجانب الشاطئ او في شارع كارتيكا مناسب بالنسبة للصرف خذ دولار معك من هنا اما المزارات خارج كوتا فارشح تزور بحيرة بيدقول والشلالات ومنطقة ابود اما مزارع القهوة كلام فاضي لا تروح لها لأن بعضهم يبيع قهوة مضروبة بأسعار غالية جدا فانتبه منهم وأنا رأيي تبعد عن السواقين تماماً أكثرهم لف و دوران وبما أن لوحدك ممكن تطلع الرحلات مع قروب فيها متعة أكثر وتتعرف على ناس من بلدان مختلفة عبر الموقع هذا https://www.viator.com/en-GB/Bali/d98-ttd :e306::e306: |
دامك لحالك في بالي اذا تقدر تستاجر دباب اللي هي دراجه ناريه .. يكون افضل واوفر تقريبا 30 ريال باليوم على حسب المحل لان اغلب السياح يستاجرو ويتمشو .. اصلا الجزيره اغلبها دبابات وزحمه .. وواذا طلبت توصيل سياره تطفش من الزحمه اما السكن خلك في كوتا افضل كل شي متوفر خل معك كااش .. والفيزا للضروره وباليوتيوب في واحد كويتي اسمه ابن بطوطه راح تستفيد من فيديوهاته في بالي |
يعطيكم الف عافية معلومات قيمة شكراً لكم |
الحذز وانتبه تطلع بالليل لحالك قابلت شباب يقولوا لي شخصيا انهم تعرضو لسرقة في بالي وهم 3 اشخاص بالاضافة الى انها غالية شوي بالتوفيق |
| الساعة الآن 06:59 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO