|
انتبهو من كوتا بونقا السلام عليكم جلس في كوتا بونقا كم يوم وكلها حراميه واستفزاز حتى البوليس كل يوم جايك يبغى فلوس انا غيرت المكان على طول انتبهو اخواني من كوتا بونقا هي غلطه مني اني جلست بالمكان هذا بس :42: البوليس ٢٤ ساعة موجود يتردد ويتربص حقين العرب والجنسيات الأخرى من الدول عادي وصلت عندهم يقولون ليه وين انت رايح بس الحمدلله جلست في الجبل تحت والأمور زينة |
كوتا بونقا من الأماكن التي صدر تحذير رسمي من السفارة السعودية بعدم السكن فيها ،،! بسبب السرقات التي تعرض لها الضيوف ،،! بالنسبة لي اعرف هذا المكان جيدا من أول إنشائه ،، السكيورتيه هم الحرامية ،،! منطقة الجبل ،، بعد ما وضعوا فيها مخيم للاجئين اللي تبع الأمم المتحدة ،،منذ ذلك الوقت بدأت المشاكل في الجبل ،، بعدما كانت منطقة امنة وهادئة ،،! كثر الابتزاز من رجال الشرطة ،، ومن العمدة وصبيانه ،،! كل شارع فيه ملك لشلة الزعران الذين في أول الشارع ،،! لم يظهر لك الا شيء بسيط،،! اللذين أسسوا أعمالا هناك ،، هم أكثر من تعرض للإبتزاز..! لذلك من يرغب السكن في الجبل عليه بأحد الفنادق ،، مع أني أفضل السكن في مدينة بوقور ،، او سينتول سيتي ،،! فا الجو هو نفس جو الجبل وجميع الخدمات متوفرة وقريبة ،،! الحمدلله على السلامة أبو حلاوة ،،! |
الحمد لله على السلامة يا أبو حلاوة ... "و الله السفرة اللى مثل كذا قلق و توتر تنعاف" |
عليكم السلام الحمد لله على السلامة اخوي أبو حلاوة مع الأسف الحلوق بحت من كثر ما حذرنا من كوتا بونقا لكن الناس ما تسمع الكلام الا بعد ما تتعرض للمشاكل وتأكل العلقة ما اعرف احد من رواد اندونيسيا ما حذر من كوتا بونقا حتى السفارة حذرت منه ومازال هناك اشخاص يذهبون له بحجة انه رخيص و بحجج واهيه أخرى لا تسكن في كوتا بونقا حتى لو بلاش هذه خلاصة الكلام . في الجبل ابعد عن المجمعات بكل أنواعها كوتا بونقا و شكروا .......... الخ ابحث عن فيلا خاصة او فندق او مجمعات الفلل الخاصة بمستثمرين سعوديين صحيح انها اغلى بس امنه وارتاح من وجع الراس |
اقتباس:
كلامك صحيح اخوي النديم اتفق معك لكن المشكلة الرئيسية ليست هذه المشكلة الرئيسية للسائح تتكون من نقطتين الأولى : اختيار السكن الخاطئ السكن في المجمعات ( كوتا بونقا ، شكروا وبقية الشلة) الثانية : تصرفات الشخص تجد شخص يستأجر فيلا ويرك الباب مفتوح للناس في الليل والنهار الناس اللي تبيع والناس اللي تعرض خدمتها ومن هذا القبيل والبعض الاخر يتصرف بشكل اكثر حماقة تجده يشارك موقعه في السناب ويعرض أمواله وممتلكاته لحاجة في نفسه وما تبغاه يتعرض للمشاكل والابتزاز مستحيل صحيح البعض تحدث له مشكلة عن طريق الصدفة لكن عددهم قليل وهذا يحدث في كل دول العالم |
هل هذه الظاهره في مجمع كوتا بونقا فقط ولا في منطقة بونشاك بالكامل ؟ |
شكرا ابو حلاوة على التنبيه والحمد لله على السلامة |
الحمدلله على السلامة شكراا للتنبيه |
اقتباس:
بعطيك تجربتي في بونشاك وهذا الكلام كان في اغسطس 2018 ، كنت انا وصديقي حاجزين يومين في فندق Le Eminence Puncak Hotel Convention & Resort وكان سابقا بإسم ساهيد sahid . وقتها حسب اتفاقي انا وهو انه فيلا كبيرة علينا ويبيلها عدد شباب اذا نبي اجواء كشتة وطبخ ذبيحة الخ... وبعد تجربة جاكرتا الي ما ناسبتنا اتفقنا نكنسل يومين من جاكرتا ونمددها في بونشاك وناخذ يومين في فيلا لانه ولد عمه جاي واصبح عددنا ثلاث والفندق الي حاجزينه في بونشاك لشخصين و لسى ما جا وقته وهنا جاءت تجربتي للفيلا : * اذكر تعبنا الين حصلنا شيء مناسب وكان سعرها اذا ما خاب ظني في حدود ال 400 مدري 500 ريال سعودي في اليوم ( غرفتين نوم وصالة في الدور الارضي + غرفة نوم في الدور الاول ) . * كنا متفقين مع سائق باليومية ويطلعنا من الصباح الى المساء و الوضع شبه امان في الفيلا ويوجد حارس لكن برضه تكون حريص ما عندك سيفتي بوكس مثل الفنادق وتخاف تخلي شيء ثمين حتى لو امان وايضا في الليل عند الخروج يفضل انك تخرج مع سائق سيارة او دباب الخ.. يعني لا تمشي برجلك . * صحيح انه ممنوع الخمور والبارات وبنات الليل الخ... في المدينة من الحكومة لكن عند الفلل تلاحظ يجونك ويعرضون بنات الليل الخ... في الفنادق امان من هذه الناحية . * بعض الباعة يترزقون الله ويعرضون منتجاتهم وهذا قد يضايق البعض كل شوي جايك احد عند الفيلا يكلم الحارس يبي يسوق لك لمنتجاته .. لكن للامانة بعضهم يستاهل انك تشتري منه اذكر جانا واحد امين ويخاف الله اشترينا من عنده عود بخور اندونيسي جودة عالية درجة اولى اخذت انا ربع كيلو وخويي اخذ كيلو لنا شخصيا او هدايا للاهل والاصدقاء وما قصر والله اعطانا بعض النصايح وقال الكمبودي اكيد افضل وغالي ولكن اغلب الي في اندونيسيا مغشوش خذوا الاندونيسي النوعية الممتازة الي تتقارن بالماليزي او الكمبودي اسلم واامن لكم من الغش سواء تبون تشترون من عندي او من برى . طبعا بعد ما خلصنا اليومين في الفيلا وجا وقت التشيك ان في الفندق المذكور في البداية رحنا وطبعا تجربة الفندق افضل خصوصا في موضوع الامان والخدمة وعدم الازعاج واطلالة جميلة على الجبل وتصميمه كان جميل الفندق 5 نجوم واكيد انصح بالسكن في الفنادق لشباب عدد شخصين او عائلة زوجين . الفيلا لا انصح فيها الا اذا كانوا مجموعة شباب فوق الثلاث اشخاص وايضا تستاجر عن طريق معرفة وحتى السائق الي تبيه يكون عن طريق معرفة وتجربة سابقة و يالله بعد تحس بالامان . |
اقتباس:
شكرا جزيلا على ذكرك للتجربه المفيده وللنصائح المهمه |
| الساعة الآن 05:57 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO