|
سفرتي انا وصاحبي لبلاد الاندومي 2017 وسالفة الشايب اللي بالمطار 😂 السلام عليكم ورحمة الله وبركاته بالبداية نشكر القائمين على هذا المنتدى الرائع واتشرف بوجودي بهذا الصرح الشامخ قررنا انا وخويي السفر لاندونيسيا ترتيب سريع اول سفره لنا طلعنا من القصيم للرياض وصلنا مطار الملك خالد الساعه 3 العصر ورحلتنا الساعه 6 المغرب من البدايه حماس 😂 تقهوينا سلمكم الله وقرب الاقلاع مادرينا الا هذا ولد مع شايب قال الله يسعدكم هذا ابوي وصلوه لمقعده وتنتهي مهمتكم قلنا اوك جديدين على السفر ومفهين المهم نزلنا الشايب لمقعده ومعاه حقيبه وقلت ياعمي مافي مكان للحقيبه فوق مقعدك كلمت المضيف جاء وقال مافيه مكان الا خلف الشايب يضع حقيبته المهم قلت ياعم تراها فوق بعد مقعدك قال زين خلاص انتهت مهمتك قلت تمام ورجعت انا وخويي لمقاعدنا ورا وسوالف ولاجانا نوم الين وصلنا ونزلنا بنختم جوازاتنا الا الشايب منطلق بالمطار يقول هذا هو الحرامي يقصدني انا صراحه خفت لما الامن التف حولي قلت وش هالمصيبه ذي والحمدلله اننا على الخطوط السعوديه رحت للملاح قلت ابيك تساعدني قال براسل طاقم الطياره وعسى ماتحركو او عساهم يحصلونها قلت يارب وانتظر على اعصابي ارسله قال موجوده قسم بالله يافرحت فرحه كأني اخذ كأس العالم 😅ورحنا نختم جوازنا وطلعنا ولحقنا الشايب قال سامحني وانا والله مقهوررررر منه بس شسوي قلبي طيب سامحته بس قلت له كلمه قلت والله ماعاد اساعد احد بالمطار لو ايش ودخلنا جاكرتا وع طول ع الجبل وانبسطنا مع اني كل مااتذكر هالموقف اقول انا غبي بس يلا على نياتكم ترزقون وبعد الجبل 5 ايام رحنا لبالي وانبسطنا 5 ايام ورجعنا جاكرتا يومين وكانت اجمل سفره لي بحياتي ماتنسى ❤❤واسف ع الاطاله ياحبايبي يتبع … الصور مع رداءة تصوير الجوال اعتذر لكم 🌸❤ |
اقتباس:
وعليكم السلام ورحمة الله وبركاته ... الله ذكرتني بزيارتي مع صديقي لبلاد العمة في اغسطس 2018 :18: بعدك يعني :17: هههه وكانت من اجمل السفرات والذكريات خصوصا جزيرة بالي :18: يؤسفنا ما حصل لك من الشايب الله يهديه يخرب على غيره ويخلي الشخص يفكر اكثر من مرة لفعل الخير . لكن ان شاء الله هذا الموقف ما يأثر عليك مستقبلا واحتسب الاجر دائما لفعل الخير . كان ودنا يكون تقريرك مفصل شامل صور واحداث مفصلة للفنادق والاماكن الي زرتها ... الرحلة قديمة شوي من 2017 اذا ما زلت تملك صور لها وذكريات ياليت تحدث الموضوع وتزيده جمال بالتفاصيل :18: |
اقتباس:
|
بلاد العمه ❤🌸 4 مرفق هذه بعض الصور الملتقطه من التجديف في بالي ومن اابارشوت في الجبل |
الحمدلله انكم استانستوا واتوقع يبيلكم سفره ثانيه للتجديد المطار يفضل تبتعد عن مساعدة اي شخص لان بصراحه تخاف شنو يصير لك بقصد النيه الزينه .. يعني انا نيتي زينه وبساعد وانت تتهمني صراحه شي يحر .. اذا تذكر وين سكنتوا اكتبهم انا |
اقتباس:
|
اقتباس:
اقتباس:
تسلم الله يرفع قدرك ، شكرا لمشاركتنا صورك وبالعكس عادي كلنا تعلمنا من بعض وتجيك الخبرة مع كثرة الإطلاع على تقارير الاعضاء المميزة هنا في المنتدى . واذا زودك صاحبك بصور اخرى منوعة للفنادق والمدن والمزارات السياحية الي ذهبتوا لها تقدر تعدل على مشاركتك الاساسية في الموضوع وتعيد تنسيق التقرير كامل شامل الصور حسب تسلسل رحلتك . شكرا لك :e022: |
الله يسعدك ضحكت وأنا اتخيل الأمن محولك على التوقيف هذي آخرة اللي يساعد الناس بس زين اعتذر لك :32::32: ذكرتني بواحد جلس جنبي في الطيارة متجهين لجاكرتا من سنين يقول نازل من ديرتي لجدة ماشي 180 بلحق الطيارة و يوريني القميص الطبقات فيه فاكه من البلاستيك بالسيارة :32::32: بلشت فيه يقول موصيني أخوياي اسكن بفندق السنترال و ذيك الايام السفارة مرسلة تحذير للجميع بعدم السكن فيه أقول له يابن الحلال تعوذ من ابليس الفندق مشبوه يقول ربعي موصيني عليه ما يكذبون علي أنت شكلك أول مرة تروح للديرة هذي :32::32: يقول حتى رقم اللي يصرف الفلوس بالفندق معطيني اياه قلت له يمكن رقم البياع ؟ قال وش بياعه ؟ قلت بياع الفلوس قال ايه هو اللي موصيني عليه :32::32: ما انسى ذاك الرجال أول مرة يسافر لجاكرتا تركني قال ما عندك سالفة و راح يسأل المضيفة المغربية ماتت من الضحك تقول هذا ما راح يرجع السعودية تقوله ادخل الحمام واعطيني القميص اكويه لك واكتشفت أن البنطلون لازال فيه استكر السعر :32::32: يقول قلت لأهلي اني طالع الحج ما قدرنا ننام من كثر الضحك يقول تكفى بس عديني من الجوازات و أنا اوريك فيهم قلت له ما أعرف أحد دبر نفسك :32::32: |
اقتباس:
درعمت ع طول |
| الساعة الآن 09:33 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO