|
حدثت لي مشكلة في المطار العرب المسافرون اندونيسيا السلام عليكم ورحمة الله وبركاته مساء الخير اخواني واخواتي ولله الحمد وصلنا المدينه بالسلامه فجر الأربعاء والحمدلله كانت رحله جدأ جمليه والله يكتبلي ازور اندنوسيا مره تانيه ياآرب بس لو تقل عدد الساعات في الطياره :yolks00430: نجي لموضوعنا الأساسي قبل السفر جاني ايميل من طيران الإتحاد بمواعيد الرحله والحمدلله اتسهلت امورنا في الذهاب لكن في العوده كان نازلنا موعدين للرحله وحده في الليل ووحده تاني يوم العصر المهم قبل موعد السفر كنا حايسين مع الموعد وخليت اخويا يكلم مكتب الإتحاد في الدمام ويسألهم عن الرحله الأكيده قالولنا انو حقت الليل اتكنسلت والرحله الأكيده في العصر وقالو يرسلو ايميل واتوكلنا على الله وروحنا تاني يوم المطار من الضهر ولمن جا موعد شحن الشنط قالولنا انو رحلتنا كانت امس في الليل ويحسبونا اتأخرنا على الرحله فجبنا مترجم وقولنالو انو الغلط مو مننا من الإتحاد نفسو ورفضو يطلعونا إلا لمن ندفع الفرقيه حقت التغيير وهاتك يا مرمطه قولنا مو مشكله ندفع الفرقيه بس نطلع وما بقي شي على موعد الرحله وحاولنا نسحب بالبطاقه كم مره مو راضي يسحب وسرت ابكي من القهر والخوف انو تفوتنا الطياره :yolks00640: بعدين جربنا ببطاقة الأهلي والحمدلله اتسحبت الفلوس بس اخدو علينا 1600 وشويه وقالو يعطونا اوراق نوديها لمكتب الإتحاد على اساس نسترجع الفلوس والحمدلله طلعنا الطياره وراتاحت قلوبنا بس ما اقول إلا حسبي الله ونعم الوكيل والحمدلله على كل حال وآسفه على الإطاله :yolks00470: |
رد: حدثت لي مشكلة في المطار و عليكم السلام و رحمة الله و بركاته أختي الكريمة أم صهيب .. و الحمدلله على سلامة الوصول .. كان عليكم أن تزوروا مكتب الإتحاد في جاكرتا , لطباعة برنت التذكرة بالموعد , دون أي تكلفة أخرى .. و لو بحثتم في النت سريعا عن عنوان طيران الاتحاد لوجدتم الآتي ثم ذهبتم إليه .. عنوان المكتب Summitmas 2, 12th Floor, Jl Jend Sudirman kav 61-62, Post code 12190, Jakarta, Indonesia ساعات العمل: 8 am - 5 pm (Mon-Fri) المكتب: +62 21 5202268 الحجوزات والتذاكر +62 21 5201288 الفاكس: +62 21 5201218 البريد الإلكتروني: jkttkt@etihad.ae |
رد: حدثت لي مشكلة في المطار الحمد لله على السلامة ( أم صهيب ) كلام مشرفنا وخبيرنا الغالي .. هو الحل الأفضل .. لكن أحيانا ضيق الوقت والارتباك لا يساعد على التفكير |
رد: حدثت لي مشكلة في المطار الحمد لله عل السلامة الله يعوضكم خير |
رد: حدثت لي مشكلة في المطار الحمدلله علي السلامه ومعوضين مرات الواحد بيرجع ولا عنده وقت يناقش كثير لأنه بيكون خسران |
رد: حدثت لي مشكلة في المطار الحمد لله ع السلامة أختي الغالية أم صهيب معوضين خير أن شاء الله ولا تنسين منتدى العرب المسافرون من تقريرك [emoji4] |
رد: حدثت لي مشكلة في المطار شكرا على ذكر تجربتك |
رد: حدثت لي مشكلة في المطار الحمد لله على سلامتكم بالفعل كان هناك مشاكل في بطاقات بنك الراجحي وبنك سامبا ولا تعلم ماهو السبب !!! |
رد: حدثت لي مشكلة في المطار الحمد لله ع السلامه أم صهيب و المشاكل أو الأخطاء في السفر تعطيكم خبره أكثر في المستقبل و أهم شيء أنبسطتوا و أستمتعتوا في الرحله و لا تنسينا من التقرير و الصور يعطيك العافيه |
رد: حدثت لي مشكلة في المطار الحمدلله على السلامة اختي ام صهيب وان شاء الله انها كانت رحلة ممتعة بالنسبة لمشكلة الحجز صدقيني قد تتضايقي منها في الوقت الحاضر لكن ستكون نجربة مفيدة وستستفيد منها الشئ الكثير وهذه متعة السفر هو المرور بالمواقف واكتساب الخبرات بانتظار تقريرك والذي اتوقع انه سيكون سيحوي الكثير والكثير |
| الساعة الآن 03:07 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO