إندونيسيا استفسارات مساء الخير يا رواد إندونيسيا استشارة في خط الرحلة النيه اروح في اكتوبر ؟ شلون الوقت حلو ومافي امطار ولا ممطر ؟ الخط زيارة جزيرة sumba 3 ليالي جزيرة Lombok 3 ليالي جزيرة bali مقسمة الى قسمين مدة 7 ليالي .. اقتراحاتكم في مناطق التقسيم اللي اسكن فيها ؟ المحطة الاخيرة جاكرتا 3 ليالي نصايحكم في الطيران بينهم ؟ رايكم يهمني ونصايحكم تفيدني .. اذا في شي الغيه ا اضيفه لا تبخلون علي واذا عندي اي استفسار برد اكتبه في نفس الموضوع شكرا لكم |
مساء النور متوقع درجة حرارة 30 مع أمطار خفيفة مناسب لزيارة جزيرة لوحدك ولا معك أحد ؟ الطيران جارودا ولا تفكرين بغيره |
اقتباس:
تمام 👍🏽 حاليًا مع اختي |
اذا تناسبكم المنتجعات لأنها هدوء تام وفي منطقة بعيدة عن المدينة ارشح لكم منتجع اوبروي في كوتا 4 أيام https://www.booking.com/hotel/id/the...s=1&#hotelTmpl شيراتون بالي كوتا 3 أيام https://www.booking.com/hotel/id/she...s=1&#hotelTmpl |
في جاكرتا فندق موليا سنيان وجربوا المطاعم اللي تحت قابلت فيه المطربة الامريكية ماريا كاري https://www.booking.com/hotel/id/mul...s=1&#hotelTmpl |
اقتباس:
كلها في كوتا ؟؟؟ |
قاعده اشوف الطيران عندنا الكويتية تروح دايركت كوالالمبور وبانكوك السؤال اطلع من كوالا ولا بانكوك على اندونيسيا ؟ والثاني اخذ الرحلات مثلا كوالا - لومبوك- بالي - جاكرتا او كوالا - جاكرتا - لومبوك - بالي والعكس اذا من بانكوك .. Sumba تستاهل الزيارة ؟ ماادري شفت في قوقل ماحسيت فيها شي ! |
اقتباس:
ممكن تروحون ابود رحلة اليوم الواحد تشوفون مزارع القهوة و بحيرة مشهورة نسيت اسمها واذا من محبين الهدوء والريلاكس ممكن تأخذون 3 أيام في منتجعات ابود |
اقتباس:
الافضل كوالا والجدول يكون كوالا - لومبوك - بالي - جاكرتا لو فيه رحلات من كوالا الى لومبوك لكن لم يسبق لي زيارة لومبوك يمكن أبو محمد الردادي يفيدنا فيها |
مساء النور المعذرة الصحية شوية هذا الايام عشان كذا مقصر مع الجميع ابرار اجابة مختصرة وان شاء الله اني اتحسن واعطيك التفاصيل sumba ما تستاهل العني لومبوك استجمام فقط فيه منتجعات حلوة ورخيصه خدمات محدودة خارج المنتجعات افضل منطقة فيها شاطي سنقيقي في بالي لازم تاخذي ليلة في ابود عندك منتجع بادما ابود القي نظره عليه في بوكنق بقية الايام تبغى بحر وشاطي ومنتجعات فخمة عندك شاطي نوسا دوا تبغى ومطاعم وحركة و اسواق كوتا وسيمنياك طبعاً 80% من نشاطات بالي في منطقة ابود في العادة الناس تطلع لها الصباح من كوتا ترجع في المساء بالنسبة لخطوط الطيران مرتبة جارودا باتيك ستي لنك الباقي اغلبه تعبان في جاكرتا تبغى تسوق اسكني في هذا الفندق بولمان سنترال بارك بما انك رحتى اندونيسيا لازم تروحي سفاري بونشاك لذلك ممكن تضعي ليلتين في الجبل بدل sumba شهر اكتوبر بداية موسم الامطار في اندونيسيا والعلم عند الله في بالي و لومبوك وبونشاك تبغي وقتك ما يضيع خذي لك سيارة خاصة مع سائق اسعارهم معقولة من 400 الى 500 الف ربية لمدة 12 ساعة في اليوم |
اقتباس:
ماتقصر يا اخوي اوك سمبا بشيلها وبتم على الثلاث وجهات بوشناك ماحسيت فيها اشياء وانشطة حلوه .. شنو غير السفاري ؟ وايد حلو بادما وشكلي بقعد ليلتين في اوبود نوسا فنادقها حلوه بعد يعني اذا رحنا نص اكتوبر مطر غزير ولا متقطع ؟ انا قريت شهر اكتوبر من الاشهر الجافه .. بس انت اخبر فيها اذا عندك ارقام السواقين ومجربين ياليت تعطيني اياهم ومشكوررر والف باس عليك 🙏🏽 |
الله يسلمك ابرار في العادة اكتوبر امطار والعلم عند الله السواقين موجودين ابشري ارسل لك ارقامهم بأذن الله |
اقتباس:
|
أهلاً أختنا الغالية أبرار ،،،، يكفيك وجود أبو محمد وقبله أبو غسان ( المختصر والمفيد ) إندونيسيا بلد غاااارق بالجمال ،، بإذن الله ستمنحكِ إجازة لا تنسى ،، لومبوك لم يسبق لي زيارتها ولكنها تُعتبر هدفاً جيداً لأغلب زائري إندونيسيا ،، في جزيرة بالي خيارات السكن رااااائعة ،،، لدي تجربة : / منتجع بوري سيبالي ( أبود ) يمتاز بإطلالات رائعة ،، طبعاً منطقة كوتا لمحبي الحركة والمشي والصخب ،، تستحقين كل خير ،، لكِ أيادي بيضاء في أغلب بوابات المنتدى ،، |
اقتباس:
كلكم فيكم الخير والبركه واستفيد منكم 💐 ان شاء الله تكون اجازة حلوه في هالبلد الجميل باخذ في اقتراحاتكم ومشورتكم 🙏🏽 الله يسلمك ما سويت الا الواجب واللي اقدر عليه🙏🏽 |
نسيت هالسؤال تحتاج تطعيمات مثل الملاريا ولا لا ؟ |
اقتباس:
ما يحتاج عندهم مقولة طال عمرك " بوكك تطعيمك " :32: |
رحلة موفقة وسعيدة يارب المهم يا اختي الفاضلة لو رحتي بونشاك ابتعدي عن مجمع كوتا الافضل تستأجري في الفنادق ولاتنسين تكتبين تقرير مميز :e306: وفقك الله |
اقتباس:
|
اقتباس:
زين الحمدلله |
اقتباس:
ان شاء الله 🙏🏽 ان شاء الله تستاهلون اكيد 👌🏽 |
اقتباس:
تمام 👍🏽👍🏽 مشكورين على الردود جميعًا قواكم الله ردود وافيه وكافيه 💐💐 |
الفعاليات في بالي اكبر خطأ يقع فيه معظم السياح في بالي هو شراء تذاكر الفعاليات من نفس موقع الفعالية وبما الفعاليات معظمها خارج دنباسار وتروح لها مشوار بعيد حتى تصل راح سعر تجد سعر الفعالية مرتفع جداً حينها ما تستطيع انك تكنسل راح تشتري بالسعر اللي هم يطلبون ما قدامك اي خيار مع الاسف راح يكون السعر مضاعف ربما اكثر من مره لذلك عند تخطيط الجدول حدد الفعاليات المطلوب زيارتها حتى تشتري لها تذاكر من بدري وتروح للفعالية وانت مرتاح وحاصل عليها بسعر جيد افضل مكان لبيع تذاكر الفعاليات هو شارع كارتيكا هو الارخص دائما يوجد به الكثير من اكشاك الفعاليات وانت تكاسر وتفاصل معهم في السعر حتى تحصل على سعر جيد المكان الاخر هو وسط منطقة ابود يمكن شراء التذاكر من هناك لكن ليست ارخص من كارتيكا لكن تضل افضل بكثير من موقع الفعاليه اشهر فعاليه في بالي لن تنساها طول عمرك هو الرافتنق (الجديف) افضل مكان للتجديف هو نهر تلاقاواقا وافضل شركة تقدم الخدمة هناك هي شركة bmw تذاكر الشلالات وبحيرة براتان تشتريها من نفس مكان الفعاليات بحيرة براتان ايجار القوارب السريعة من داخل حديقة المعبد ارخص من ايجارها من الخارج شلالات بالي اغلبها تحتاج الى لياقة عالية اكثرها فيها درج كثير للصعود والنزول السائق في الغالب يحاول انك تشتري تذاكر الفعاليات عن طريقة حتى يحصل على عموله على حسابك لذلك حاول انك تشتري التذاكر بنفسك وبدون السائق فعالية التجديف و دبابات الدفع الرباعي لازم تاخذ معك ملابس احتاطية لان في الغالب راح تنعدم بالطين والماء لا تلبس بوت او جزمه في هذه الفعاليتين خذ معك واقي الماء للجوال حتى تستطيع التصوير في التجديف هذا ما يحضرني الان واي سؤال انا في الخدمه |
كثر الله خيرك بومحمد كفيت ووفيت على الردود و الانشطة والنقاط المهمة 💐💐 |
ماقصروا الجميع …. اندونيسيا من الدول اللي زرتها واستمتعت كثير بزيارتها وان شاء الله نرجع لها مرة ثانية وكل الفضل بعد الله لاعضاء هذا المنتدى واخص اخوي( الردادي) اللي مايدخر اي معلومة فيها فائدة للمسافر الله يجزيكم ويجزيه عنا كل خير ، انا من الاشخاص الذين يدينون لهذا المنتدى بتقرير عن هالرحلة بس من بعد مارجعت انشغلت واخذتني مشاغل الحياة بس مانسيت الدين الاسبوع الماضي يشهد الله اني كتبت تقرير بالمعلومات التي لازالت معي لان بعض المعلومات كنت احفظها بالجوال وللاسف ضاعت لكن في اثناء اختيار خيار المعاينه قبل لارسال ماادري شصار ونحذف كل شي والتقرير كان كتابي فقط وقلت بعدها ادخل في اقسام المنتدى اشوف كيف ارفق صور بس بما اني شفت لي وقت والعزيمة موجودة خل ارسل التقرير بس للاسف حاولت اذا اقدر استرجع اللي كتبته دون جدوى |
اقتباس:
حاول تذكر بعض النقاط و رد اكتبهم اذا قدرت 🙏🏽 |
رديت على استفسارات إندونيسا شنو المطار اللي انزل فيه في بالي وجاكرتا ؟ لان يطلع اكثر من واحد .. |
اقتباس:
جاكرتا Soekarno Hatta Airport الرمز CGK بالي Denpasar International Airport الرمز DPS |
ابرار قبل الرحلة 72 سجل الافصاح الجمركي https://ecd.beacukai.go.id/ صور الكود او اطبعيه بعد تستلمي الشنط راح يطلب منك واذا كنتم اكثر من شخص يكفي واحد يسجل فيه ويذكر عدد مرافقيه وعدد الشنط للجميع الطيران الداخلي مرتب جارودا بتيك ستي لنك الباقي كلها خطوط تعبانه تبديل العملة في بالي لا تبديل من صرافين الشارع مهما كان سعره جيد عندك صراف bmc هو الافضل والاضمن بالتوفيق |
اقتباس:
|
مشكووورين 🙏🏽🌺 تسلم بومحمد على هالمعلومات والتنبيهات ما قصرت 🙏🏽🌺 |
اقتباس:
اشتقت للأرانب في باندونق :31: يطبخونها ساتي مع الرز |
الساعة الآن 03:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO