شبكة و منتديات العرب المسافرون

السلام عليكم ورحمة الله وبركاته

كيفكم جميعا ان شاءالله طيبين

حبيت اشارككم رحلتي لبالي واللي كانت لمدة 17 يوم
من تاريخ 18 اكتوبر عبر الخطوط السعودية ترانزيت جاكرتا 5 ساعات والرحلة لبالي عبر طيران جارودا وصلنا العصر يوم 19 اكتوبر

والعودة 5 نوفمبر طيران جارودا من بالي لجاكرتا وترانزيت 5 ساعات وصلنا 6 نوفمبر عالخطوط السعودية

رحلة طويلة ومتعبة وخاصة بالعودة بسبب تاخير السعودية للرحلة مدة ساعتين :27:

كثير قالو لي مدة 17 يوم لبالي طويلة وانا اتفق مبدئيا لكن اللي خلاني ماأقسم الايام بين بالي ومدن اندونيسية غيرها انه كان معايا اختي تعبانة وماحبيت ارهقها بكثرة التنقلات
والايام الاولى في بالي كانت فعاليات والجزء الثاني من الرحلة كانت استجمام

عناصر الرحلة اثنين من اخواتي وصديقتي
التيكيت كانت ب2300 تقريبا واختي الثانية حجزت بعدنا بشهر ب2600
الرحلة كانت من تنظيمي واخراجي :e10e: بس كمان كنت اسمع للاراء على مضض :16: عشان ماحد يقول ديكتاتورية :e113:
وبالنهاية اطلع صح في الاخر :60:
ماكان عندي نية اسوي الفيزا اون لاين بس بعد ماستفسرت من الاستاذ اخر فرصة بموضوعه وافاد انه ممكن يكون سرا طويل غيرت رايي وسويت ووصلني في اقل من دقيقتين وب120 ريال :e338:

وقبل الرحلة ب3 ايام سويت الافصاح الجمركي ودي الحاجتين بس اللي سويتهم وامورنا كانت سهالات

بالنسبة للسكن عشان موضوع السحالي ( جيكو ) والوزغ ماكنت حابة اسكن في اوبود
لكن مع الحاح صحبتي قلت اوك بس يومين :16: وكانت تبغى اكثر من يومين بس انا قلت يومين وبس عشان الوزغ والخ :27:

طبعا في كثير تقارير عن بالي
وممكن مايكون في اضافات كثيرة بتقريري
بس حبيت انقل تجربتي ووجهة نظري
وبيكون تركيزي عالفعاليات والجزء الاخير من رحلتي عن اماكن جربتها وكانت ممتازة :e32b:

بالنسبة للفنادق عشان اختلاف الميزانيات فكانت القطة للوحدة 1310 وحاولت اراعي كثير نقاط معينة في اختيار الفنادق ماعدا اخر فندق كان من اختيار صديقتي وعشان ماني ديكتاتورية زي مانتو عارفين :e10e: قلت اوكي وندمنا كلنا وهي اولنا على اختيارها :29:

___
واحنا ننتظر بمطار جاكرتا رحلة بالي

ماتوقعت مطارهم بهذا التنظيم والخدمات صراحة :e32b:

https://www.arabtrvl.com/up/uploads/...7318775533.jpg

وصلنا بالي 4 العصر وكان بانتظارنا السائق اندونيسي مسلم يتكلم عربي بشكل ممتاز وكان جدا محترم واستفدنا من نصائحه كثير
قلنا نسوي تشيك ان صحبتي قالت اول ناكل ونطلع شرايح ونغير عملة قلت اوكي السواق كلم الفندق وقال بنجي متاخر قالو اوكي عادي

سوينا كل دي الاشياء واكلنا بمطعم ابو نواس واخذنا سناكات وموية من البقالة وكان يقول افضل شي اكوا و نستلة ورحنا عالفيلا باوبود على كلام السواق انه ببداية اوبود

ubud diary villa

وصلنا المكان من برى مدخله صغير واللوبي عادي واعطيت الموظفة الجوازات شوية اختي تقول شيماء طالعي السقف وياريتني ماطالعت :27: مزرعة وزغ جاتني قشعريرة بجسمي كانه نفضتني كهرباء ورجعت لورا وقلت لصحبتي سوي انتي تشيك ان ندخل بسرعة وجابو ولكم درينك قلت مابغى لانه انسدت نفسي من المنظر واول مادخلنا الفيلا الحمدلله مافي ولاشي ووصيت البنات مايفتحو اي باب ولا شباك الواحد مو ناقص

الفيلا كانت دورين مسبح غرفتين نوم وحمام بكل غرفة :e327:
والدور اللي فوق مطبخ مع صالة كبيرة وحمام وكل وغرفة في سمارت تي في والصالة كمان وشغلت لهم الحاج متولي عشان مايحسو بالغربة :5:

https://www.arabtrvl.com/up/uploads/...2673188084.jpg

https://www.arabtrvl.com/up/uploads/...7318844275.jpg

ماعرف ليه الصور تجي مقلوبة :10:

https://www.arabtrvl.com/up/uploads/...7318918237.jpg

https://www.arabtrvl.com/up/uploads/...7318955558.jpg

اتفقنا مع السواق يجينا 10 الصباح وحددت فين نروح قلنا نبغى يوم خفيف ويلا ننام

انا مو من طبعي انام بسرعة اخواتي دخلو غرفتهم ونامو وانا دخلت مع صحبتي قلت العب بالجوال لين انام وهي ماشاءالله نامت وشخرت واختكم في الله صاحية والا شوية اسمع صوت ابواب تتقفل بقوة يمكن 3 او 4 مرات قلت بسسسس احنا في مكان قطعه هس هس ويمكن احد يبغى يسرقنا :8: قلت لو احد طب بضربه باي شي بس صراحة مالقيت شي ينفع اضرب فيه حرامي وجلست زي الذيبة صاحية :e419: دقايق واسمع اصوات اخواتي يسولفو بالسيب قلت اقوم اشيك عليهم مالقيت احد بالسيب دخلت غرفتهم لقيت وحدة نايمة والثانية تحاول تنام :27::27:

رجعت في صمت :8: واسمع صوت خطوات قوية في السيب خلاص عرفت اللي فيها وقريت المعوذات ونمت الحمدلله بسلام :7:

الصباح صحبتي قامت قبلي وتهاوشني قومي ياكسلانة قمت حكيتها عاللي صار وهي حضرتها نايمة في سابع نومة وجهها صار كدا :21: تقول ليه قلتي لي :32::32:

جات اختي اللي كانت تحاول تنام وحكيتها وقالت انها سمعت نفس صوت رزع الابواب وسمعتني انا وصحبتي نسولف في السيب :32::32::32:

صحبتي قالت شيماء امانة نغير الفندق قلت لا حبيبتي باقي يوم يلا استحملي مو انتي اخترتي اوبود :22: