|
ابغى اخذ معاي شنطة زيادة وش الحل !؟ السلام عليكم حجزت انا و4 من الشباب ع طيران الاتحاد لاندونيسيا والرحله بعد اقل من شهر ، كل شخص مسموح له قطعه مع الشحن 30 كيلو ، وقطعه داخل الطائرة 7 كيلو ، حابين ناخذ معنا شنطة عزبة + شنطة ثانية فيها معلبات وغازيات وبايسن ومن هالاشياء ، اتصلت ع الاتحاد للطيران قلت ابغى اخذ شنطة زيادة 30 كيلو قالوا ب 945 دولار من الرياض لجاكرتا :(158): انا هنا انصدمت ، معقولة فوق 3500 ريال عشان شنطة وحدة !!!!! الغريبه صاحبي سافر ع الاتحاد للطيران واخذ معاه شنطة عزبة + كرتؤن مليان اغراض ( من غير شنطهم طبعا ) ويقول مااذكر كم كلف بس مو غالي يقول لو كان بهالسعر اللي تقول كان منقرص ومتذكر !!؟ فالحل وشو يا اخوان !؟ في شي بصفحتهم اسمه الاتحاد للشحن لكن المشكلة الصفحة انقلش ولا فهمت شي بتاتا !! ط§ظ„ط£ظ…طھط¹ط© ط§ظ„ط²ط§ط¦ط¯ط© ط¹ظ† ط§ظ„ظ…ط³ظ…ظˆط Etihad Cargo is a division of Etihad Airways - Home Page بما انكم اصحاب خبره وش السواة !؟ |
رد: ابغى اخذ معاي شنطة زيادة وش الحل !؟ وعليكم السلام ورحمة الله وبركاته اللي اعرفه ان نظام طيران الاتحاد ما يهتم بعدد القطع والاهم هو الوزن ما يتعدى المسموح وبحد اقصى للقطة ٣٢ كيلو ... ممكن توزعون اعراض العربة في شناطكم الشخصية |
رد: ابغى اخذ معاي شنطة زيادة وش الحل !؟ تاخذ تذكرتك وتروح مبنى الشحن لمكتب الاتحاد وتقوله ابي اشحن هالعفش على نفس رحلتي وشوف كم يقولك يا ريت تبلغنا بالي يصير معاك للفايده وموفقين خير |
رد: ابغى اخذ معاي شنطة زيادة وش الحل !؟ وعليكم السلام والرحمه مايحتاج تأخذ ملابس يوصل وزنها ٣٠ كيلو عندهم مغاسل تغسل لك بالكيلو وماتكلفك ١٠ ريال ل ٦ ك انا جربتهم نظفين ومرتبين انصحك تأخذ ملابسك وتحطها بشنطه داخل الطياره اعمل وانت واصحابك نفس الشئ والباقي من اغراضك حطوها بشنطه ثانيه وراح تفضى شنطه حط فيها عزبتك لكن مايحتاج تأخذ مشروبات من هنا اللي عندهم احسن من اللي عندنا وفي عندهم تموينات اسمها اندو مارت بكل مكان تحصلها تأخذ منها احتياجاتكم من المشروبات والسناك والشوكليت والجبن والعسل والمربى واللي تبي واسعارهم ممتازه وفي بالبونشاك قريب من بيتزاء هت سوبر ماركت كبير دورين تأخذ منه كل ماتحتاجه <<< مثل كارفور عندنا فا أنصحك لا تأخذ عفش كثير وحط في بالك راح يعجبك اشياء كثيره عندهم وتشتري فا حلو تكون شنطتك فيها ١٠ كيلو فاضي او اكثر |
رد: ابغى اخذ معاي شنطة زيادة وش الحل !؟ اقتباس:
يا اخي مدري متناقضين حسابهم بتويتر يرد ع شخص يقول عادي اكثر من قطعه بس لا تتعدى مجموعها 30 كيلو ولما اتصلت قال لي عطني رقم الحجز وقال قطعه وحده بس ماتتعدى 30 كيلو ، قلت لو اقسمها شنطتين 20/10 او 15/15 قال لا قطعه وحده بس وتقسيم الاعزبة في الشنط جت ع البال اكيد بس قلت بشوف كم سعر الشنطة الزايده ، لكن هل من المعقول يصير سعر شحنها اكثر من ثمن تذكرتي !!!! هنا العجب |
رد: ابغى اخذ معاي شنطة زيادة وش الحل !؟ اقتباس:
لو كان عندي مكتب الاتحاد كان اروح واخذ العلم لكن للاسف ان في حائل وماعندنا مكتب طيران الاتحاد ورابط موقع شحن الاتحاد كله انقلش |
رد: ابغى اخذ معاي شنطة زيادة وش الحل !؟ اقتباس:
اولا مشكور ع كل كلمه قلتها ، النيه كانت كذا توزيع العزبه ع الشنط ، لكن شخص سافر ع الاتحاد يقول اخذنا شنطه وكرتون زايد واخذوا علينا مبلغ بسيط !! وتعرف لما تكون العزبة في شنطة وحده يكون افضل ، بس ماتوقعت هالسعر ياخي احسهم يستعبطون والموقع انقليزي ، شلون اتعامل معاه !؟ بالنسبة تقول لا تاخذ مشروباتك من هنا ، ولا المعلبات ، بالنسبه للمشروبات كثير يقولون مالها طعم هناك اللي هنا افضل ، وبالنسبة للمعلبات ياخي اول مره اشوف واحد يقول لا تاخذ ، طيب ليش الغالبيه ماخذين معهم ويقولون اسعارها غالية في البقاله السعودية !؟ وروح تابع اي تقرير بتلاقي من الضروريات هالشي ، فماني عارف صراحه حيرتوني!! الاكيد انه مستحيل بيكون وزن ملابسي 30 اكيد النص وبنقسم العزبة لكن انا ابغى احد يخش موقع شحن الاتحاد ويكون يعرف لغه ويعلمني بالعلم الوكاد |
رد: ابغى اخذ معاي شنطة زيادة وش الحل !؟ عزيزي عادي لو كانت شنطتين أو شنطة وكرتون مثلا المهم لا يزيد الوزن عن المسموح به وفي حال زاد ما أتوقع يصل لهذا السعر أنا مرة شحنت على أمريكا وكان فيه وزن زائد ودفعت 100 دولار فقط علشان شنطة |
رد: ابغى اخذ معاي شنطة زيادة وش الحل !؟ العلم الاكيد انهم دقيقين جدا في مسالة انه الشنطة مايتعدى وزنها 32كجم وكل راكب شنطة للدرجة السياحيه اتكلم وشنطة 7كجم معاك في الطائرة عن تجربة وروح موقعهم بنفسك دام الوقت بدري وسامحنا لو المعلومة ناقصة فقط اكلمك بما حدث معي وسفرة سعيدة يارب ,,, |
رد: ابغى اخذ معاي شنطة زيادة وش الحل !؟ اقتباس:
الخطوط السعودية اضافة شنطة كاملة 130 دولار الى اندونيسيا ، لكن هالاتحاد غريبين شاكر لك |
رد: ابغى اخذ معاي شنطة زيادة وش الحل !؟ اقتباس:
وماقصرت ابد يا طيب والله يسعد ايامك |
رد: ابغى اخذ معاي شنطة زيادة وش الحل !؟ انت تواصلت معاهم تلفون واعطوك التكلفة ما اظن احد راح يفيدك اكثر منهم رحلة سعيدة اخوي بإذن الله ولا تشيل هم وتكدر نفسك سوي مثل ماقالو لك الشباب ومو شرط تشتري كل شي من السعودية انت منت رايح هناك فوق الشهر عشان تقول بتفرق معاي التكلفة وان هناك غالي خذ معاك اللي تتوقع ماتلقاه هناك .. والباقي اشتري من اندونيسيا |
رد: ابغى اخذ معاي شنطة زيادة وش الحل !؟ اقتباس:
صحيح انا تواصلت معهم بس الاستفسار كان عن الوزن في المطار ولما سألتهم عن الاتحاد للشحن قالوا ارجع للموقع ، ولما فتحت الموضوع كان سؤالي عن الموقع وحطيت الرابط ع امل ان احد عنده لغه يخشه ويفيدني :(37): والحمد لله لاني متكدر ولا شي ابشرك والامور حيل طيبه ، ومشكور طال عمرك |
رد: ابغى اخذ معاي شنطة زيادة وش الحل !؟ اقتباس:
والله يالغالي انا اشوف ان مشروباتهم أحسن من اللي عندنا والمعلبات انا قلت لك الجبن عندهم كرفت و بوك وزيتون والعسل انواع والمربى عندهم لا يطوفك انصحك فيه وبقوووة وهما أهل التونه ولا تروح للبقاله السعوديه فيه عندهم بجاكرتا كارفور خذ اللي ناقصك منهم وبالبونشاك عندهم سوبر ماركت كبيره مايحضرني اسمه متوفر فيه كل شئ قريب من بيتزاء هت اللي ياخذ كل شئ من السعوديه ممكن مايعرف انها متوفره الاغراض ويجهل السعر ومايعرفون الا البقالات السعوديه وفعلاً اسعارهم دبل عشان كذا انصحك ما تروح لهم عندك اندو مارت و الفا مارت بكل مكان تحصلهم |
رد: ابغى اخذ معاي شنطة زيادة وش الحل !؟ اقتباس:
ومشكور ع المساعده الله يطول عمرك |
| الساعة الآن 08:12 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO