|
شقق ومنتجعات البحرين السلام عليكم ممكن اسماء شقق او شقق فندقيه بالبحرين موقع مناسب وماتكون غاليه او عطوني اسم منطقة مناسبه للسكن بموقع حلو وانا ابحث ببوكنج وش رايكم بمنتجع نوفوتيل الدانه ؟ او ترشحون منتجعات ثانيه على البحر المسابح والالعاب المائيه مو مهمه مامعنا اطفال وشكرا مقدما:e306: |
وعليكم السلام بخصوص الشقق في حدود كم بغينوا ؟؟ وهل عندكم سيارة أو راح تعتمدون على سيارات الأجرة ؟؟ وهل تبحثون عن سكن قريب من المجمعات والمناطق الحيوية أو. مكان هادئ ؟؟ وبخصوص فندق نوفوتيل الدانه كموقع وبركة سباحه وشاطئ جيد ولكن الفندق مستهلك والاثاث قديم وإذا ممكن تخبرينا كم ميزانيه الفندق لليوم الواحد علشان نقدر نحدد لك الأفضل |
اقتباس:
الشقق تقريبا من 300 الى 500 ريال (غرفتين وصاله) شقق او فندق نعم قريب من المولات والمناطق الحيويه معنا سيارتنا وبالنسبه للمنتجع بحدود 1000 الى 1500 اهم شي يكون ع البحر |
أهلا أختي ... كانت لي تجربة في فندق اسمه ( S ) خطوات بالأقدام من السيتي سنتر ( أفضل مولات البحرين ) الفندق جديد ومستواه جيد جداً .. وبالنسبة للمنتجع جربت النوفيتيل .. موقع مميز جداً .. يعيبه أنه قديم ومستهلك .. وجربت أيضاً منتجع سوفيتيل الزلاق .. موقعه بعيد .. ولكنه رااااااائع ومتكامل .. على فكرة .. لديَّ تقرير عن فندق S وكذلك سوفيتيل الزلاق .. تجدينه بتوقيعي .. تحياتي لك ... |
أول شيء بخصوص الشقق شقق غرفتين نوم وصاله صعبة تحصلونها بسعر 300 ريال أو 400 ريال دائماً الشقق الممتازة يكون سعرها مرتفع ولكن أنا راح أعطيج أسماء شقق في البحرين وأنتي أدخلي بوكينج وجوفيهم ممكن يعجبج السعر وممكن لا .. وراح أعطيك شقق من واقع تجربة طبعاً أفضل فندق للشقق في البحرين من وجهة نظري أهو فندق ماجستك أرجان روتانا تقريباً سعرها 800 ريال وفي بعد في منطقة الجفير شقق بارك سايد أورنج تقريباً سعرها 600 ريال فندق وأجنحة رمادا جزر أمواج تقريباً سعرها 600 ريال شقق المنزل في منطقة السيف تقريباً سعرها تقريباً 600 ريال ثاني شيء بخصوص المنتجعات، المنتجعات الموجودة في البحرين قليلة وهي كتالي 1. فندق آرت روتانا جزر أمواج تقريباً سعرها 1100 ريال 2. فندق السوفوتيل تقريباً سعره 1000 ريال 3. فندق الرتزكارلتون تقريباً سعره 1400 ريال 4. فندق النوفوتيل تقريباً سعره 600 ريال 5. فندق البندر وهذي بعيد عن أماكن التسوق والمجمعات يتراوح سعره بين 700 ريال إلى 3000 ريال 6. فندق ريف ريزورت وهذي صعب صعب صعب تحصلون فيه حجز لأنه توه جديد وأسعاره خيال لأنه يمكن لين الحين ما أفتتح بشكل كامل وبشكل رسمي وهذي في جزيرة ريف القريبة من مجمع السيتي سنتر أتمنى أني قدرت أفيدج بالمعلومات وإذا في أي استفسار حاضرين لج |
جربي فندق رامي سبا غراند عند مول السيف حلو ونظيف وفي ارخص منه فندق اليت غراند وهو قريب من السيتي سنتر هالاثنين مجربتهم انا |
السلام عليكم لدي إضافة على الشقق الفندقية وهي توجد في جزيرة أمواج ( سامي بلازا ) وزرتها قبل 3 اشهر فوجدناها ( مع العائلة ) ممتازة ونظيفة ورخيصة جدا غرفتين وصالة ومطبخ مؤثث صغير ودورتين مياة اجلكم الله وهادئة جدا جدا لمن يبحث عن الراحة وقت النوم العميق *_^ ولكن يعيبها قليلا بعدها عن المطاعم والمقاهي لازم بالسيارة لمن لدية أطفال. من باب الامانة تمت الاضافة تحياتي خالد |
| الساعة الآن 03:07 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO