شبكة و منتديات العرب المسافرون - وشهي فعاليات العيد عندكم ياهل البحرين ؟

اقتباس:

المشاركة الأصلية كتبت بواسطة بن قوت (المشاركة 568120)

وين يا بو عبدالله
زحمة زحمة

هلا بك يا صديقي ابو نواف

والله فعلا البحرين ثالث يوم العيد

كانت زحمه كبيره على الجسر وفي داخل البحرين

وصلنا الجسر يوم الاربعاء الساعه 2 الظهر وخلصنا

الساعه 4 ونص العصر !!!

ووصلنا للفندق المشئوم الساعه 5 وثلث تقريباً

واول مادخلنا الفندق ونلاقي عائله واثنين رجال

عند الاستقبال والوضع غير مطمئن !

شفتهم قالوا للشباب غرفتكم تحت التنظيف ويبيلها

ساعتين ؟؟

ويوم جاء دوري ووريتهم الحجز المؤكد من بوكنج

طبعه وقال الجناح جاهز لكن تحت التنظيف تعالوا

بعد ساعتين !!

رحنا تغدينا واتصلت عليهم الساعه 7 بالليل وقالوا

مازال الجناح غير جاهز يبيله ساعتين !!

رحنا الافنيوز وتمشينا والساعه 11 دقيت عليهم

ولا احد يشيل التلفون !

اتصلت عليهم اكثر من سبع مرات ولا يرفعون

الخط وعندها تأكدت ان ظني كان صحيح في

انه تم زحلقتنا من الحجز وان الجناح ماكان فاضي

من الاساس !!

رحنا ندور على فندق نبات فيه والحمدلله لقيت

ثلاث غرف في اليت تاور في ضاحية السيف

ومشى الحال .

الشاهد في الموضوع ان بعض الفنادق في المواسم

تفقد مصداقيتها وتضيع علومهم عند الزحام !!

اشتكيتهم في موقع بوكنج واشتكيتهم في

موقعهم وتم الاعتذار الخربوطي كالعاده والله

يعين الضحيه القادمه لمثل نوعية هذي الفنادق.

عموماً كانت يومين ماتعه في البحرين واكتشفنا

اماكن بالنسبه لنا جديده وقد تكون معروفه عند

الآخرين ومنها مطعم " فلورنس " في العدلية

في مجمع كلها مطاعم ومقاهي منها عائشة

بهلول وكوكوز ومقهى ستار بوكس وكاليكسيكو

العدلية وغيرها من المطاعم والمقاهي المتجاوره

انا بصراحه اول مره اجي منطقة العدليه وكانت

تجربه ممتازه في مطعم فلورنس عندهم مشخول

هامور الى هالحين طعمه في نخاشيشي :e113:

وفيه مكان جميل على البحر خلف مول سيتي

سنتر جهة البحر اسمه " وتر قاردن " مجموعه

مطاعم ومقاهي ومركب لأخذ فره على بحر الخليج

الجميل ،، دخلنا مقهى اسمه " co co dip “

نفس نظام ديب آن ديب واحتفلنا بميلاد الكتاكيت

الصغار اللي معنا :e310:

مملكة البحرين جميله ومتنفس لأهل الشرقية

وقضاء وقت ممتع برفقة العائله

دمتم بكل ود :e347: