زاكوباني
 

بسم الله ارحمن الرحيم
زاكوباني
تعتبر زاكوباني من اجمل البلدات الاوربيه .. هذا اذا ما كانت هي الاجمل فعلاً وخاصةً اكواخها الجميله .. اما الطبيعه فلايوجد مكان يقارب لطبيعة زيلامسي وسويسرا.. وكذلك فان زاكوباني تعتبر الارخص من بين الدول الاوربية وبفارق كبير جداً ..فاسعارها مقارب لاسعار السعودية .. وتقع زاكوباني في دولة بولندا وتعتبر احدى دول الشنقن

الرحله الى زاكوباني ..

الرحلة في طبيعتها كانت رحلة استجمام فقط ..وكانت في شهر جولاي ..
وكانت رحله الطيران .. الرياض فيينا مروراً بروما وكان الترانزيت في روما 8 ساعات .. وبالمناسبه فان وقت الترانزيت يعتبر طويل وصعب على الواحد انه يجلس كل هالوقت في المطار ..
فقررت اخذ لي فندق لتمضية وقت الترانزيت الطويل .. فبحثت عن الفنادق ووجدت فنادق في قريه قريبه للمطار .. وكذلك وجدت فندق في وسط المطار وهو فندق هيلتون مطار روما.. كلمت كذا فندق وكان الفندق المناسب والقريب هو فندق هيلتون مطار روما .. ويقع هذا الفندق في وسط المطار وقريب جداً من لصالات .. ولكن سعره عالي مقارنةً في وقت بقائي فيه اللذي لا يتجاوز 6 ساعات فقط هي فترة الترانزيت .. اتصلت علي الفندق وشرحت لهم الوضع و قلت لهم انا عندي ترانزيت واحتاج الغرفه ل 6 ساعات فقط .. وقالو لي ما عندك مشكله .. يوجد لدينا عدة اختيارات تناسب جميع المسافرين .. فعندنا نظام 24 ساعه وعندنا كذلك نظام تاجير خاص للي عندهم ترانزيت وهي تنقسم الى قسمين .. فترة النهار فقط وفيه كذلك فترة الليل فقط .. والسعر سوف يكون بنصف القيمه .. اتفقت معهم وحددت التاريخ والوقت واخذو رقم الفيزا لضمان الحجز ..
وفي يوم السفر اقلعت الطائره من مطار الملك خالد في الرياض ونزلت في مطار روما وبعد ما نزلنا من الطائره و اخذنا العفش طلعنا للدور الثاني وهناك ممر عباره عن جسر يودي لمواقف سيارات التاجير ويودي كذلك للقطار وكذلك يودي للفندق .. طلعنا فوق وسلكناه وذهبنا للفندق .. طبعاً يوجد لوحات ارشاديه في الجسر.. ويقع الفندق عند نهاية الممر .. فعند نهاية الممر تنزل مع اللفت وتحصل الفندق قدامك .. ويبعد الفندق عن الصالات في حدود 300 متر فقط .. دخلنا الفندق واستلمنا الغرفه وارتحنا وريحنا.. وللمعلوميه يوجد في بهو الفندق كمبيوترات موصله بطابعات علشان الواحد يدخل على الانترنت ويطبع البوردنق .. وهذي خدمة يقدمها الفندق بدون مقابل ..
وعند ما قربت وقت طيارة روما فيينا سلمنا الغرفه وطلعنا من الفندق ورجعنا مع نفس الطريق وتوجهنا للصاله رقم 2 .. طبعاً يوجد في الممر لوحات ارشادية ..
دخلنا الصاله وتوجهنا لمكتب خطوط الطيران وحملنا العفش وتوجهنا للبوابه ومن ثم ركبنا الطائره الى فيينا.. للمعلومية الصاله رقم 2 صالة كبيره جداً ..
نزلنا بحفظ الله ورعايته في مطار فيينا واستلمنا العفش وبعدها توجهنا لمكاتب تاجير السيارات ..
خطوات الطريق الى مكاتب تاجير السيارات في مطار فيينا

http://up.albrari.com/uploads/14733205761.png

واستلمنا سيارتنا وتوكلنا على الله وحطينا احداثيات الفندق اللي كنت مستاجره على الطريق لنقضي فيه تلك الليله ونرتاح من عناء السفر ونتفرغ للمناظر والاستمتاع بالطريق ..
الطريق من فيينا الى زاكوباني يبلغ طوله حوالي 400 كلم منها حدود 250 كم طريق شبه سريع .. واخر 150 كم طريق ضيق رايح جاي ويمر على قرى في شمال دولة سلوفاكيا ولكنه ممتع .. وتستغرق الرحله عليه في حدود 5 ساعات ..

الطريق من فيينا الى زاكوباني




طبعاً الطريق يقطع دولة سلوفاكيا من الجنوب الى الشمال .. وللمعلوميه اول ما تدخل حدود سلوفاكيا لازم تمر محطة بنزين وتشتري منهم ملصق ضريبة الطرق ..
فاستلمنا السياره من المطار ووضعت احداثية الفندق .. وللمعلوميه الفندق يبعد عن المطار حدود 30 كم في قرية قريبه من الطريق السريع المودي الى سلوفاكيا " زاكوباني" .
وصلنا الفندق وريحنا وارتحنا ونمنا وفي الصباح الباكر افطرنا وسلمنا الفندق وحطينا احداثيات فندق زاكوباني .. وبسم الله وتوكلنا على الله لزاكوباني ..
وبعد ما مشينا تقريباً 30 كم دخلنا حدود سلوفاكيا " طبعاً ما فيه نقاط حدوديه " ومرينا اقرب محطة علشان ناخذ ستكر الطريق .. وقال راعي المحطة عطني رقم السياره .. فيوم جبت له رقم السياره قال سيارتكم ما تحتاج رسوم لمدة 7 ايام .. ممكن اللي كان قبلنا مسدد رسوم وباقي فيها مده .. قلنا خير وبركه وتوكلنا على الله ..
الطريق من فيينا الى زاكوباني



بعد ما مشينا تقريباً 200 كيلو وصلنا لمدينة جيلينا .. ومنها طلعنا باتجاه زاكوبني والطريق مسار واحد من جيلينا الى زاكوباني "رايح جاي "

ويمر الطريق بعدة قرى ..وبصراحه الطريق رغم انه ضيق وبطيء الحركه في اغلبه الا انه ممتع جداً ..
وفي الطريق مرينا على احدى القرى" tvrdosin" وكان عندهم بسطات فواكه على الطريق ..


وبعد ما اشترينا منهم بعض الفواكه تابعنا مسيرنا وبعدها بحدود 20 كم وصلنا لخط الحدود بين سلوفاكيا وبولندا .. وبعد ما دخلنا بولندا مشينا تقريبا 20 كم ووصلنا للبلده الجميله زاكوباني .. وكان الجو بارد .. متوسط الحراره بين 15 الى 20 درجة

معلومات عن البلده ..

البلدة جميله جداً باكواخها وسوقها الشعبي وجوها اللطيف وشعبها المحترم ويتميز اهل البلدة بانتاج الجبن المشوي .. لذلك فالبلدة جميله للاستجمام وليست للسياحه

وكذلك يوجد بلده جنبها اسمها murzasichle مشهوره بالجبن المشوي .. تمر عليها وتحصل بعض الناس باسطين بجبنهم على الطريق ..

اعتذر عن ارفاق الصور لعدم امكانية تحميلهم .. ممكن مركز التحميل يواجه مشكلة ما

بداية موفقة ورائعة
متااابع وياااك يالغالي
شكرا لك بحجم السماء

أرسلت من SM-G900F بإستخدام تاباتلك

وجهه جديدة و غريبة متابعين
لا تاخر علينا

هلا وغلا بالغالي اخر فرصه ..

صادق ياعزيزي الغالي البلده مهضوم حقها .. مع انها جميله ومريحه ووسيع صدرها ومرتبة الا انه لايوجد تقارير عنها .. مع العلم انها مشهوره عند البولنديين و كذلك حصلنا فيها قروبات اجانب ومن جنسيات مختلفه مما يدل انها مقصد سياحي .. وفي نفس الوقت لا يمكن انك تقارن طبيعتها بزيلامسي ..

سعدت بمرورك عزيزي الفاضل

هلا وغلا بمديرنا العزيز فيصل

الطريق كله ياعزيزي يستغرق في حدود 5 ساعات ..
وبالنسبة للرحلات المباشره ياعزيزي الفاضل .. فكما تعلم ان بلدة زاكوباني تقع في اقصى جنوب بولندا الشرقي فتكون فيينا اقرب من وارسو .. لذلك اخترت فيينا .. وفيه نقطه ثانية ان استئجار السياره في فيينا انسب ..
وبالنسبة لزيارة البلده في ديسمبر فاعتقد ان البلدة بتكون قطعة من القطب المتجمد في ذلك الوقت .. فاذا كنت من هواة التزلج على الجليد فممكن ان البلده تناسب لك مع ان فيه مناطق تزلج افضل منها في جبال الالب .. وللمعلومية فهي تقع في احضان جبال تترا ..