استفسار عن هولندا وبلجيكا رحلتي بعد شهر
 

السلام عليكم ورحمة الله وبركاتة
شكرا جزيلا للقائمين على المنتدى وحرصهم على توفير محتوى عربي مهم للسائح لهم كل الدعوات
رحلتي ان شاء الله بعد شهر في 11 مارس لمدة 11 يوم والوصول لباريس وكذلك العودة بسبب حصولي على عرض ممتاز من القطرية ولا اريد البقاء في باريس بسبب زيارتي لها مسبقا
واريد الذهاب مباشرة بعد الوصول لأمستردام ومن ثم لبلجيكا
سؤالي ماهي أفضل وسيلة لذهاب من باريس لأمستردام هل الطيران أو القطار وأيضا كم تستحق يوم للبقاء فيها
في بالي أبقا 2 يوم في هولند و 2يوم في بلجيكا ومن ثم الذهاب لإسبانيا وزيارة الجنوب الاسباني
وش رايكم وش تنصحون أفضل وكمان اذا فيه شي يستحق أفضل من هالخيارات
أرجو الرد ولكم جزيل الشكر

رد: استفسار عن هولندا وبلجيكا رحلتي بعد شهر
 

11يوم


خليك على هولندا وبلجيكا


القطار افضل واوفر


لكن مو متأكده اذا في محطة قطار بمطار شارلي


شيك وشوف


موفق

رد: استفسار عن هولندا وبلجيكا رحلتي بعد شهر
 

شكرا لمساعدتك
أحس كثير 11 يوم بس هولندا وبلجيكا ؟؟
على كذا بكنسل اسبانيا
وش رايك ادخل معاها المانيا 5 ايام ؟؟

رد: استفسار عن هولندا وبلجيكا رحلتي بعد شهر
 

هلا عزيزي

مشغول حبتين و ان شاء الله الليلة ارجع لك
ببرنامج متكامل يسرك

رد: استفسار عن هولندا وبلجيكا رحلتي بعد شهر
 

الله يسعد قلبك
بانتظارك
وشكرا لإهتمامك

رد: استفسار عن هولندا وبلجيكا رحلتي بعد شهر
 

الاجابه فوق باللون الاحمر



انا قلت لك اذا خاطرك في اسبانيا توكل على الله
واذا في خاطرك تروح الجنوب الفرنسي بعد مناسب
وفي اقترحات فوق بخصوص بلجيكا وامستردام

وبالتوفيق ان شاء الله

رد: استفسار عن هولندا وبلجيكا رحلتي بعد شهر
 

الله يجزاك الف خير
اقتراحك جميل
وخلاص كنسلت اسبانيا
وابغى رأيك بالجدول بذا الطريقة :
الوصول لباريس ومباشرة بالقطار لبروكسل ليومين
من بروكسل بالقطار لأمستردام 3 أيام
من أمستردام استئجار سيارة والسفر لفرانكفورت المانيا 2يوم
من فرانكفورت بالسيارة لميونخ 3 أيام
من ميونخ بالسيارة لباريس بوم واحد للراحة والاستعداد للسفر

رد: استفسار عن هولندا وبلجيكا رحلتي بعد شهر
 

اقتباس:
المشاركة الأصلية كتبت بواسطة mgod0606 http://www.arabtrvl.com/vb/traveler/...s/viewpost.gif
السلام عليكم ورحمة الله وبركاتة
شكرا جزيلا للقائمين على المنتدى وحرصهم على توفير محتوى عربي مهم للسائح لهم كل الدعوات
رحلتي ان شاء الله بعد شهر في 11 مارس لمدة 11 يوم والوصول لباريس وكذلك العودة بسبب حصولي على عرض ممتاز من القطرية ولا اريد البقاء في باريس بسبب زيارتي لها مسبقا
واريد الذهاب مباشرة بعد الوصول لأمستردام ومن ثم لبلجيكا
سؤالي ماهي أفضل وسيلة لذهاب من باريس لأمستردام هل الطيران أو القطار وأيضا كم تستحق يوم للبقاء فيها
في بالي أبقا 2 يوم في هولند و 2يوم في بلجيكا ومن ثم الذهاب لإسبانيا وزيارة الجنوب الاسباني
وش رايكم وش تنصحون أفضل وكمان اذا فيه شي يستحق أفضل من هالخيارات
أرجو الرد ولكم جزيل الشكر



السلام عليكم ورحمة الله وبركاته

الصيف الي فات زرت هولندا وبلجيكا وفرنسا فانصحك بالاتي :

اذا ما ودك تقعد بباريس ابدا خذ قطار TGV من مطار شالز ديقول الى بروكسل جرب فندق NH Stephani انه سكنته حلو ومريح وقريب منه مترو وفي منطقتة اسواق كثيره ومطاعم لو حبيت تتمشى . بس هو مو قريب من السنتر . تحتاج تاخذ المترو علشان توصل السنتر .

الانشطة الي ممكن تسويها ببلجيكا او بروكسل بالتحديد :
يوم للتمشى بالسنتر واتشوف المباني الاثرية وتمثال المناكن وواتروح متحف الشوكلاته وتجرب كيف تصنع شوكولاته . بس ان شاء الله يكون وقت وجوودك ببروكسل بنفس ايام Chocolate Walkingفتح المتحف Tour in Brussels .
يوم ثاني تاخذ المترو وتروح محطة الميني يورو والاتونيوم والحدايقة الي حوالينها . لو معاك صغار راح يفرحون .
يوم ثالث : ممكن تاخذ رحلة اليوم الكامل من 8 صباحا الى 8 مساء واتروح بروج وتستمتع بزيارتها ( لو عندك وقت كافي وتقدر تسكن فيها كم ليلة تستاهل ) اخذت البكج من موقع Brussels tours, hop-on hop-off bus tickets and city pass, Day trips to Ghent, Bruges and Amsterdam, Chocolate and beer tours.

,وبعدها ممكن تاخذ قطار من ميدي ستشن وتروح لامستردام

امستردام مدينه جميلة وفيها اشياء كثيرة اتشوفها واتسويها اذا هذي زيارتك الاولى. انا جلست فيها 5 ايام وحسيت انها قليله .
ياريت تقرا موضوعي عن صيف 2014 فيه تفاصيل كثيرة للاشياء الى ممكن تسويها بامستردام .

بالنسبه للتنقل الى المانيا . صراحة ما عندي خبرة فيها بس اتوقعها راح تكون رحلة ممتعه . مع تمنياتي لك برحلة سعيده

تحياتي

رد: استفسار عن هولندا وبلجيكا رحلتي بعد شهر
 

ويجزاك بمثله يا الغالي
الجدول متعب اشوي يا الغالي ومانصحك فيه

لكن

ممكن تروح شمال المانيا بين دوسلدورف وكولن بدون ميونخ
كذا بكون الجدول اريح لك كثير


بالنسبه لتأجير السيارات بما انك ودك تأجر
اتأجرها من مطار شارل ديغول بباريس بمجرد الوصول
ومباشره الى بروكسل وبعدها مدينه بروج وبعدها امستردام ومنها الى دوسلدورف والعوده الى باريس

والرأي الاول الاخير لك