|
بلجيكا وبعض الاستفسارات اولاً اشكركم جميعاً على تقديم المعلومه بطريقه سلسه واضحه خصوصاً للدول اللي ماسبق وزرناها او معلوماتنا ضعيفه عنها ومنها بلجيكا هل نقدر ندخل بلجيكا بالفيزا الفرنسيه لأن محطة الوصول لنا ان شاء الله باريس بروكسل هل هي خيار مناسب للسكن والتنقل بين بعض المدن والقرى المجاوره لها او بروج افضل كيف الامن فيها الوالد يسأل الله يحفظه يقول لاتكون مثل هولندا مشهوره بالمخدرات الله يحفظ المسلمين لأن معنا مراهقين يخاف عليهم :yolks00770: رأيكم بأهم الاماكن السياحيه اللي تستحق الزياره الشوكولاتا مشهوره هناك هل هي موجوده بكل مكان والا اماكن معينه كيف اعرف ان بعضها مافيه كحول اذا فيه مطاعم او كوفيهات تستحق التجربه ياليت ترشدوننا اي توجيهات انتظركم اشكركم مقدماً :(114): |
رد: بلجيكا وبعض الاستفسارات اجاوبك بالي اعرفه اولا الفيزا دام انها شنغن فعادي تدخلون بيها وخصوصا انه اول دخول راح يكون باريس فما في خوف بالنسبة للشوكولا فالمحلات كثير خصوصا ساحه الجراند بالاس على يمينك ويسارك في انواع تكون خاليه من الكحول ومكتوب عليها بس نصيحه أقروا المحتويات على العلب لانه في محل قالوا لنا مافيه بس انه اوسوس في هالامور لازم اقرا وكان مكتوب انه فيه واين وان شاء الله مشرفنا القطري وباقي الخبراء ما راح يقصرون |
رد: بلجيكا وبعض الاستفسارات ام ريم جزاك الله خير ننتظر الباقين :(60): مشكورين |
رد: بلجيكا وبعض الاستفسارات انتظركم يالعرب المسافرون :shutup: |
رد: بلجيكا وبعض الاستفسارات ياهلا ومرحبا اختي ايام وليالي توني اشوف موضوعج السموحه والله مانتبهت له :204: هههههه ماقصرت مشرفتنا ام ريم دوم خدومه وماتقصر الله يبيض وجهها بخصوص استفساراتج عن بروكسل انا رحت لموضوعج الاساسي في البوابه الفرنسيه اراجع الدرس لاني ابي اشوف من بعد باريس بتروحين بجليكا وكنت ابغي اعرف بترجعين من بلجيكا الى السعوديه او بترجعين فرنسا وماكملت كل الصفحات ياريت لو تفيديني مره ثانيه بمخططج وعدد الايام في بلجيكا لو تكرمتي عشان اضم لج بروكسل مع بروج الحين اجاوبج على استفساراتج بالنسبه لفيزتج نعم تدخلين فيها بلجيكا بروكسل حلوه حق يومين او ثلاثه بس مش اكثر والسكن في احدى المنطقتين يا بالقرب من ساحه الغراند او جنب مجمع ستي2 بروكسل وبروج كلن لها جوها ومتقاربين من بعض في كل شي تقريبا وفي بروج تركبين المركب في النهر ويتجول بكم بين بعض البيوت نفس نظام فينيسيا بس اصغر بالنسبه للأمن تمام يعني محد يتعرض لكم بس نفس اي دوله اوروبيه بعض السكارى يتمشون بالشوارع ويتكلمون ويطلعون اصوات وكذا بس عددهم اكبر من باريس وغيرها لا المخدرات مب كثيره عندهم مش نفس امستردام الاماكن السياحيه في بروكسل في ثلاث اماكن هي المهم 1- ساحه الغراند والمنطقه الي حولها 2- مجمع ستي2 والمنطقه الي حولها 3- نصب او برج الاتوميوم وجنب البرج زياره ميني يوروب بالنسبه للشكولاته بكل مكان وكل حاره وجميع الاشكال :yolks00250: ونظام محل الشوكلاته عندهم عادي يا تشترين من عندهم كميه او هدايا او اذا بخاطرج تدخلين اي محل وتشترين حبه او حبتين بسعر رمزي وتاكلينه وانتي تتمشين محلات الشكولاته عندهم نفس البقاله هههه وبالنسبه لمصانع الشوكلاته موجوده في بروكسل وبروج وفي بعض المصانع انتي بنفسج تصنعين الشوكلاته وتاكلينه :essen: المطاعم والكوفيهات خلج مع الي في ساحه الغراند الكوفيهات والمطاعم العربيه موجوده فيها وربي يحفظج الوالد ان شاء الله انتي شوفي الي كتبته وعطيني رايج على اساس اذا امورج تمام نكمل في الباقي الفنادق والجدول وباقي التفاصيل بالتوفيق |
رد: بلجيكا وبعض الاستفسارات الاستاذ القطري الكلمات عاجزه عن الشكر :(60): جزاك الله خير |
رد: بلجيكا وبعض الاستفسارات على فكره بروكسل فيها جالية عربيه مسلمه باعداد كبيره جدا راح تحسين بالفرق بينها وبين باريس لازم لازم تاخدين من جوديفا فراولة بالشوكولا ما ذقت نفس طعمها باي فرع من فروع جوديفا:(60): |
رد: بلجيكا وبعض الاستفسارات ام ريم حبيبتي شكراً ع النصائح جوديفا عشق :(141): :yolks00310: |
رد: بلجيكا وبعض الاستفسارات 1 مرفق لمعرفة انه المنتج حلال أو لا هذا التطبيق بيفيدك تطبيق scan halal للهواتف الذكية عن طريق مسح البار كود يبين لك إن كان المنتج حلال أو لا |
| الساعة الآن 06:54 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO