النية هولند ..والجدول بمساعدتكم بيكون حلو ان شاء الله
 

السلام عليكم اخواني واخوتي

طبعا مثل عادتي ما احط رجلي ببلد الا بعد عونكم ومساعدتكم بعد الله سبحانه .

السنة ان شاء الله حجزنا على هولندا والمدة اسبوعين

لكن اول خمس ايام بتكون في مدينة خروننجن وهي مدينة طلاب عشان اخوي هناك ..

بيظل تسع ايام

خمس ايام منها في امستردام

اربع منها في جيثورن

طبعا انا مااحب تنقلات الفنادق كثير لان عندي طفل احتياجات خاصة ( توحد ) صعب اتعبه معي .

فهل جدول مناسب كذا ؟؟

سؤالي ومتاكدة ماراح تقصرون معي

مو سؤال هي اسئلة بالاحرى

وش الجدول اليومي داخل امستردام ؟

واش الجدول داخل جيثورن وهل من جيثورن اقدر ازور اماكن قريبة

ايش طريقة المواصلات في كل من هالمدن

وايضا ..من جيثورن الى المطار في امستردام وش طريقة المواصلات هل فيه تاكسي او بالقطار او ايش بالضبط ؟؟

طبعا يهمني الجدول يشمل الجدول اماكن العاب وترفيه للاطفال :6:

والشكر لكم مقدما

:15::e419:

وعليكم السلام
الله يمهل لكم ويعينكم ....
توني راجع من هولندا بس ماطولت فماراح افيدك كثير بس بالخطوط العريضة :
- السكن ممكن برا امستردام عند عائلة ( يكون قسم خاص لكم ومالكم علاقه فيهم ) بيكون الجو جدا حلو .
- اذا معكم احد يسوق فحلو مره استاجروا سيارة من المطار او قريب منه وهولندا صغيرة وفترتكم جدا حلوه والنهار مرة طويل وبتشوفون اشياء مررره ممتعه ( بتقريري جزء يسير منها ) .
- جيثورن مرررره جميله وهواها جدا حلو وقريب منها فيه مناطق تأجير ابوات وقوارب نزهة ( غير الموجود بجيثرون ) وبتكون تجربة لاتنسى ...

- التكاسي منتشرة والباصات والقطارات متوفرة

مشكور اخوي عبدالله زين احد عطاني وجه :14:

الله يحييك
انتم بس امتردام وجيثرون والا ودكم تطلعون شوي عنه ... مشوار ساعة الى ساعة ونص بالسيارة ؟

فيه قرية طواحين حلوه قريبه مره من امستردام جالس ارفع صورها ثم انزل الجزء حقها بالتقرير .. انصح بها مره وتقضون فيها نص نهار او اكثر بدون ملل ...

الله يجزاك خير اخوي بو عبدالله

احنا غيرنا المخطط و قلنا نضم المانيا والنمسا :24: لان بنستاجر سيارة فالتجول فيها اسهل وحرام اخلي المدة كلها في هولندا

مشكور ويعطيك العافية

الله يحييك ... وسفرة موفقه
بانتظار تجربتكم