|
جدول لرحلة امستردام ، دسلدروف ،بلجيكا و باريس السلام عليكم ممكن اقتراحاتكم لرحلة من 31 march الى 12 april تتضمن امستردام 3 او 4 ليالي و دسلدروف او كولن للسكن ومنها زيارة بروكسل وبروج بدون السكن فيهم وبعدها لباريس والسكن فيها ليلتين او اكثر والرجوع الى دبي هل خط السير مناسب ؟ احنا بس زوجين بدون اطفال هل افضل ناخذ سيارة ايجار ولا بالقطار احسن ؟ الطيران من دبي الى امستردام والرجوع من باريس لدبي سبب الرجوع من باريس للتسوق . |
سبحان الله وبحمده |
والله ياصاحبي على حسب علمي من القرايه بالتقارير اول شي ياليت تحط لنا كل مكان كم يوم وكم مدة الرحله وانا عن نفسي كنت مخطط ازور باريس في شهر العسل بيكون في شهر ٦ ميلادي لكن للضروف الي تمر فيها فرنسا من عدم استقرار ما حبيت اروح لها لاكن توكل على الله وتاكد من الجو المناسب اهم شي تم الإرسال من SM-N950F باستخدام Tapatalk |
اقتباس:
مدة الرحلة 11 يوم وتقسيم الايام بعدني ماقررت قلت اشوف راي اعضاء المنتدى ابا اعرف كل مدينة كم تستاهل |
انا راح اعطيك خطه على حسب ماقريت لكل مكان ليس لدي خبره فيهم لاكن اعطيك مبدئي وانت تختار الي يناسبك .... امستردام ٤ ليالي دوسلدروف ٤ ليالي باريس ليلتين هذا الوقت ممكن يناسبك من وجهة نظري امستردام مناسب لها ٤ ليالي دوسلدروف تحتاج ٥ او ٦ ليالي على حسب ما قرات عنها ومن قري المناطق لها كولن وغيرها باريس بما انها تسوق تكفي ليلتين ... بس بما ان رحلتك ١١ يوم الجدول الي قلته مناسب لك تم الإرسال من SM-N950F باستخدام Tapatalk |
اقتباس:
تم الإرسال من SM-N950F باستخدام Tapatalk |
وعليكم السلام خط السير مناسب والافضل الاعتماد على القطارات بين المدن والمترو او الترام داخلها ما يحتاج تستاجروا سيارة امستردام 4 كولون 3 بروكسل 2 باريس 3 |
اقتباس:
|
اقتباس:
انا للحين ماحجزت التذاكر .. انزين لو خليت الخطة امستردام 4 بروج ظ¢ لندن4 اخذ قطار من بروكسل الى لندن اتوقع ياخذ ساعتين بما اني كنت في باريس شهر ديسمبر اللي طاف اغير واروح لندن ولا متعب الجدول ؟ واذا عندك اي نصيحة او ملاحظة لا تبخل عليي و يزاك الله خير |
اقتباس:
القطار ياخذ 3 ساعات ولندن دوما خيار افضل من باريس عندي لكنكم تحتاجون فيزا بريطانية وهذي لازم تطلعوها بدري تاخذ حول 21 يوم بالصيف الان 10 ايام |
اقتباس:
سنة اللي طافت قدمت اونلاين قبل السفرة باربع ايام .. يعني من رايك اتوكل واحجز الرجعة لندن بدال باريس ؟ يعني الجدول بيكون امستردام 4 ليالي ومنها نزور قرية غيثهورن والقرى المجاورة . كولن 3 ليالي ومنها نزور دسلدروف و بروج. وناخذ قطار من بروكسل الى لندن 4 ليالي انزين اخوي التنقلات بالقطار والترام مارح تكون متعبة ؟ |
اقتباس:
من رايي نعم احجزوا اما التنقل بمواصلاتهم مش متعب ابدا واذا كنتوا تفضلون سيارة خاصة برضه مناسب المهم اللي ترتاحون له ويكون سعره مناسب لكم |
تم الحجز الحمدلله الذهاب 1 ابريل دبي - امستردام الرجعة 12 ابريل لندن - دبي |
تم حجز 4ليالي في فندق اربان لودج في امستردام ، شو رايكم فيه ؟ وفندق انتركونتينتتال في دسلدروف ثلاث ليالي ولندن فندق نوبو شورديتش 4 ليالي وعندي سؤال لازم اروح محطة القطار في بروكسيل عشان اطلع للندن يعني سكني في دسلدروف اروح لبروكسيل بالقطار و من هناك اروح لندن؟ اتوقع من دسلدروف لبروكسيل ثلاث ساعات .مب تعب علينا وراح تكون رحلة طويلة ؟ ومتى احجز تذاكر القطار ؟ الحين ولا هناك ؟ |
سبحان الله وبحمده |
:e306::e306:سبحان الله وبحمده |
اقتباس:
اختيار رائع للفنادق وان كان فندق لندن بعيد شوي القطار تحجزون من دوسلدوف الى لندن وفيه تغيير للقطار في بروكسل لكن مجمل الرحلة ياخذ 6 ساعات الافضل لكم طيران اقتصادي على Eurowings https://www.eurowings.com/en.html https://www.arabtrvl.com/up/uploads/...2983513051.jpg |
اقتباس:
صح الفندق اللي في لندن بعيد ، انزين شو رايك في فندق مي لندن باي ميليا ؟ هل هو بمستوى نظافة نوبو شورديتش؟ بخصوص الطايرة شايلة الفكرة من بالي نهائيا ، لو اجرت سيارة من دسلدروف الى بروكسيل واتمشى في هالمدينة ساعتين وبعدها اخذ قطار الى لندن ، تشوفه مناسب ولا متعب؟ وبخصوص التنقلات هل السيارة ارخص ولا القطار ؟ |
اقتباس:
مي لندن باي ميليا اختيار رائع ولا عليه خلاف وبموقع ممتاز ياقطار يا طياره هذا الافضل لكم اما سيارة بهالوقت الضيق ما تنفع لكم |
| الساعة الآن 06:40 AM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO