شبكة و منتديات العرب المسافرون

شبكة و منتديات العرب المسافرون (https://www.arabtrvl.com/vb/)
-   بوابة الدول الاخرى (https://www.arabtrvl.com/vb/f165.html)
-   -   سوال بخصوص السفر الى هولندا (https://www.arabtrvl.com/vb/t41836.html)

مسافر من جديد 05-07-2019 01:39 PM

سوال بخصوص السفر الى هولندا
 
السلام عليكم ..


عندي رحلة عمل ان شاء الله الى هولندا تحديدا مدينة هوف دوروب لمدة ثمانية ايام وراح يتخللها ويك اند فابغى خطه خلال ايام العمل وش افضل الاماكن القريبة اللي اروح لها وكيف استخدام القطار
وخلال الويك اند وين افضل مكان اروح ؟
وهل الحجاب ممنوع في هولندا لاني بروح مع اهلي وش افضل النصائح اللي ممكن تفيدوني فيها ..




ابو عبدالله 13-07-2019 01:34 AM

وعليكم السلام ..
- اولا انصحك تستاجر سيارة .. نعم فيه مواصلات بس موب ذيك القوة اللي توصلك كل مكان تبيه بوقت مناسب .

- السيارة بتوصل بها لامكان حلوه بوقت قياسي فتستفيد من الباقي من يومك لان رحلتك اساسها عمل فاتوقع من الساعة 9 الى الساعة 5 المساء تكون مشغول .

- زاندام ( قرية طواحين حلوه جدا ) بتكون على مسافة نص ساعة بالسيارة منك .

- هولندا المصغرة Madurodam على مسافة نصف ساعة ايضا

- قرية الطواحين المضافة لقائمة التراث العالمي UNESCO World Heritage Kinderdijk على بعد ساعة منك وانصح بزيارتها وهي تقدر تتمشى فيها حتى بعد نهاية الدوام بس الطواحين بتكون مغلقة .

- مدينة الالعاب Efteling ( بالنسبة لي اشوفها تنافس ديزني باريس ) رايي الشخصي وتناسب الكبار والصغار وممتعه جدا ... وعندي تقرير ناوي انزله الكسل :15:

- امستردام جدا حلوه ولازم تزورها .

- جيثورن ساعة ونص عنك بتكون وممكن تاخذ فيها ليلة او 2 بالويكند وبتكون حلوه للراحة

- سوق اوتليت Designer Outlet Roermond يبعد عنك حوالي ساعتين وفيه حوالينه زحليقة نفس نظام الزحليقات الصيفية بس اصغر ..


الساعة الآن 11:03 AM

Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO