|
الرجاء الدخول و مساعدتي السلام عليكم اود السفر لاوكرانيا انا واولادي ماهي المتطلبات من جميع النواحي طبعا انا واولادي محصنين جرعتين مطلوب مننا غير التذاكر وحجز الفنادق وايضا pcr ايش مطلوب كمان لا اعرف هل مطلوب تأمين وايش نوعه وكم يكلف ياليت توضيح كل المطلوب ايضا كم تكلفة السفر لمدة اسبوعين ياليت احد يرد سافر وعارف ايش المتطلبات وشكرا سلفا |
عليكم السلام بالاضافة لما ذكرتي تحتاجي الى تأمين من شركة اوكرانيه للجميع التكلفه يصعب تقديرها وتحتاج لمعطيات كثيرة عدد الاشخاص نوع الفنادق هل ارغب في سيارة خاصة مع سائق او قيادة ذاتية ماهي المدن التي ترغبي في زيارتها متى وقت الرحلة تذاكر الطيران الداخلي وهاكذا |
جزاك الله خير اخوي ع الرد يعني التأمين من وين اسويه انا من سعوديه اسويه هنا قبل اسافر طيب من اي شركه ولا اسويه هناك بالمطار ياليت توضح اكثر بالنسبه لوقت السفر الثلاثاء القادم المدن الي حابه ازورها لفيف وبوكفيل ويمكن اوديسا للاسف ما اعرف شي عن المدن ولافي تقرير سياحيه و كييف ما احد مدحها غرضي من السفر الاستجمام وبصراحه البراد والامطار ان شاء الله وافضل استخدم سياره في التنقل علما ان لدي رخصة قياده سعوديه هل احتاج الى رخصه دوليه ومن وين اطلعها و ولدي اللي بيسوق بس ما يقدر يستأجر باسمه لان عمره ٢٠ لذلك استأجر باسمي ان شاء الله احد يفيدني كيف طريقة التأمين ومن وين ؟؟ واستأجر السياره للتنقل بين لفيف وبوكفيل واوديسا هل ضروري ؟؟ومن وين اقدر استأجر سياره ؟؟ ارجو الرد وتوضيح وشكرا |
التامين الطبي في شروحات بتويتر فيديو تسويه من موقع اوكراني حاطين فيه شركات كثير تسوي تامين من هنا من السعودية وتطبعه لازم تطبعه كورق ما ينفع بالجوال في المطار بيقولك سوي برنت وطريقة التامين ماراح يعوطونك لسته بالمستشفيات اللي تروحها زي عندنا الطريقة لازم اول شيء تمرض :32: ثم تراسلهم سواء ايميل او اتصال او واتس بالنسبة لي تكلموا معي واتس وحاطين رقم جوالهم بالتامين وتشرح حالتك ووين موقعك وبعدها يوجهونك على عيادة هم يختاروها نصيحة بعد ما تسوي التامين اتصل عليهم من هنا من السعودية واستفسر قولهم عندكم لسته بالمستشفيات ولا لازم اول امرض:32: بعدين اكلمكم لانه لو رحت هناك تسال الناس محد بيجاوبك حتى الفندف نفسه مو عارفين |
ما ادري كم الصرف بس انا حجزت بفندق اسمه فندق اوكرانيا بكييف 4 نجوم واغلبه عرب وسعوديين سعر الليلة 250 ريال شامل الافطار التاكسي من المطار الى الفندق حوالي 500 اوكراني ما يعادل تقريبا 50 ريال المهم اصرف دولار قبل لا تروح واذا وصلت المطار بكييف حول اوكراني جزء من المبلغ وبعدها كل ما احتجت حول من الصرافات اللي بالمدينه |
شكرا اخوي بس والله مافهمت شي اللي اعرف من تجاربي بالسفر لاوربا اني ممكن اسوي تأمين من التعاونيه مثلا امرهم واحدد عدد الايام وادفع وخلاص ويعطوني ورقه وانتهينا بس بالنسبه لاوكرانيا قرأت انه لازم من شركة اوكرانيه كيف وانا بالسعوديه الكتروني يعني برابط ادخل وش سالفه ؟ اللي سافروا اوكرانيا بالله علموني كيف سويتم التأمين بالتفصيل وجزيتم خيرا |
السلام عليكم و رحمة الله و بركاته .. حسب تجربة أخونا Salemd11 و هو مسافر أتوقع حالياً في أوكرانيا التأمين لازم يشترى من شركة أوكرانية قبل السفر و يكون يغطي فترة السفر في أوكرانيا و يطلب منكم قبل صعود الطائرة ... و هنا رابط الشركة الأوكرانية: https://www.visitukraine.today بالنسبة للمسافة من كييف إلى بوكافيل حسب ما ذكر في تجربتة أن المسافة 785 كم و الطريق يمر عبر لفيف و حسب أفادته الطريق من كييف إلى لفيف هاي وي تقريبا ٦٥٠ كيلو ومتوسط السرعة ١١٠ أما الطريق من لفيف إلى بوكوفيل ٢٣٠ كيلو لكنها تاخذ منك وقت بحدود أربعة ساعات متوسط السرعة ٧٠ لكن الطريق ما فيه حفر أو تكسير ومثله مثل أي طريق في أوروبا الغربية. بالنسبة لتأجير السيارات: ما يأجرون السيارات من دون رخصة دولية عكس بلدان غرب أوروبا ... أخذت السيارة بصعوبه . أحد شروط شركات التأمين أن يكون مضى على تاريخ اصدار الرخصة سنتين وهذا الشرط موجود حتى في ألمانيا وفرنسا وسويسرا ولكن هناك كانوا يكتفون بالرخصة فقط أما هنا يقول رخصتك غير مترجمه لتاريخ الاصدار وبكذا ما نقدر نعطيك السيارة .... وبعد سالفة طويله قدرت أوصل لشركة أمريكية متعاقدين مع أكثر من شركة تأمين وبعض هذي الشركات لا يشترط صدور الرخصة من سنتين وبكذا قدرت آخذ السيارة لكن هذا يحد من خياراتك ، الأفضل تاخذ رخصة دولية ... طبعاً ما تم ذكره هو ما ورد من الأخ Salemd11 حبيت أنقله كما هو و لعله يأتي و يفيدك بالمزيد من التفاصيل و الرد على اسئلتكم بالتوفيق |
اقتباس:
التأمين ممكن تسوينه اون لاين من الرابط اللي طرحه استاذنا ابو معتز بس لازم تسوينه قبل الرحلة من هنا https://www.visitukraine.today ايجار السيارات الان بصعوبة تامه تجدي سيارة للإيجار عليهم ضغط والامكانيات محدودة الشي الاخر من الخطأ انك تستأجري سيارة باسمك والسائق ولدك الا في حالة اضافته سائق إضافي لكن راح يصادفك مشكلة السن والسبب هو لو لا قدر الله صار حادث للسيارة التأمين لا يشمله وانت تتكفلي بقيمة الإصلاحات لذلك انا ما انصحك نهائياً بفكرتك كذلك الطرق عندهم فيها بعض الاختلافات وتحتاج اشخاص خبرة في السواقة اذا كان وصولك الى كييف تحتاج رحلة داخلية الى لفيف واستبعدي الذهاب بالسيارة من كييف الى لفيف ما انصحك من لفيف الى بوكفيل حوالي 230 كيلو طريق زراعي من لفيف الى اوديسا لازم طيران المسافة بعيده جداً وما تنفع بالسيارة الجو الان حار في النهار صحيح ان درجات الحراره في العشرينات لكن الشمس حارقه ما تستطيع البقاء فيها اما اذا كان فيه امطار الجو جميل في الليل الجو جميل جداً كييف مدينة كبيرة ما فيها شي مميز سوى المقاهي والأسواق والباقي تحصيل حاصل فقط لفيف اصغر من كييف لكن مشابهها لها بوكفيل منطقة ارياف وطبيعة في منتجعات وجوها افضل من كييف ولفيف اوديسا مدينة ساحلية معظم النشاطات فيه بحرية جوها حار يوجد تطبيق للتنقل اسمه Bolt مثل اوبر عندنا |
| الساعة الآن 12:20 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO