|
ياليت جدول لدولة هولندا وبلجيكا السلام عليكم وأسعد الله أوقاتكم بكل خير وسعادة عندي رحلة إلى دولتين هولندا وبلجيكا مدة ١2 يوم في شهر فبراير 15 واول مرة ازورها ياليت من الإخوان الأعزاء جدول مرتب لنا من المدن وسكن واماكن سياحية العدد 3 شباب اهم شي الطبيعة مطاعم كوفيات السكن فلل او شقق حلوة وشكرآ لكم:e304: اخوكم بن قوت |
جانا شتاء وراح الشتاء :17 يابن قوت شهر فبراير عز الشتاء يعني مافي طبيعه زي ماتبي حتى اوراق الشجر مافيه هههههه حلاة الشتاء في المدن الاوربية ولا يمنع يكون فيه زيارات لبعض الارياف لمشاهدة الثلوج والاستمتاع بها هولندا امستردام 4 ايام ومنها تزور المدن والقرى القريبة زي لايدن وروتردام ولاهاي كلها قريبه من امستردام حق نص ساعه الى ساعه إلا ربع فولندام وماركن بعد لاتفوت مع ان النهار قصير بس خليها 5 ايام في امستردام افضل وكذلك زيارة قرية كندرديك اذا تبي تشوف الطواحين او قرية شانس زانسي فيها بعد طواحين والمنازل التاريخيه يومين دوسلدورف ومنها تزور كولن بالجيكا لا تستحق 3 ايام بروكسل تزور كل المعالم في يوم اذا شاد حيلك ومنها تزور بروج واستفد زور بلد ثالث زي لوكسنبورج قريبه ولها حدود مع بالجيكا كمل باقي ايامك السكن في امستردام افضل شيء يكون الدام سكوير او قريب منها دائما المدن حاول تكسن في السنتر |
هلا وغلا بفارس ربي يسعدك السفرة اعرف انها في الشتاء وسوف تكون مقيدة بحكم البرد والثلوج هل تقترح ازود دولة ثالثة بزيارة بالسيارة او حتى المكوث فيها ليلة او ليلتين |
باريس بلجيكا قطار وبعدين هولندا.. الطيران السعودي لباريس مميز حسب ماشفت بلجيكا حقها ثلاث ايام هولندا يمكن ٥ اذا امستردام لوحدها وعندك فرنسا ٣ ايام ونسيتي في موضوع أمريكا تراك :32: ماشاءالله تبارك الله تقرير من الأخير |
هلا وغلا اخ فهد هههههه المعذرة منك والله جتني 5 سفرات وراء بعض ولافية وقت عندي :21: لك حق تزل ولك حق نرضيك يسعدك ربي:e304: |
اقتباس:
|
ذكرت لك لوكسمبورغ دوله صغيره لها حدود مع بالجيكا بس وين وصولك على اي مطار انا اشوف أمستردام هو الانسب |
رحلة موفقة يابو نواف ... فبراير شهر جميل وبتعجبك أمستردام كثير لأنها تختلف عن عواصم باقي الدول الأوروبية . أما البرد تراه معقول جدا . الناس جالسين في الجلسات الخارجية في المطاعم والمقاهي . هذي صورة مباشرة من كييف من أمام Ocean Plaza https://www.arabtrvl.com/up/uploads/...5130206081.jpg |
اقتباس:
تسلم يا غالي خليناها امستردام الوصول والمغادرة |
الله يطمنك اخ سالم تعرف البرد والثلج يعيق عليك التمشي والاستمتاع بالاماكن المفتوحة |
يا اخوان يا نشاما يا خبراء هولندا وبلجيكا السفرة 14 فبراير والعودة 23 فبراير تكفون برنا مج كامل واحسن الاماكن او خبراتكم تكفي |
انا لسا راجعة من هولندا وبلجيكا الشهر الماضي بلجيكا خيبت ظني، يمكن بسبب كورونا مرررة هدوء حتى في السنتر، قضيت 3 ايام فيها ومليت عكس تماماً امستردام ممتعة، زحمة وفوضى رغم ان كان فيها حجر جزئي في هولندا زرت امستردام ومنها زرت القرى القريبة وباقي الايام كلها قضيتها في الارياف، اكواخ في جيثورن |
هلا وغلا اخت كوثر ياليت تتكرمين وتعطيني اهم الأماكن والقرى الجميلة التي زرتيها والمطاعم والكوفيات وغيرها شكرا لكي تم الإرسال من SM-N960F باستخدام Tapatalk |
الله يسهل امرك انا انتظر تقريرك عيل هههه هالوجهتين كل ما بروح لهم يصير شي الله يسهل عليك وعلينا |
اقتباس:
ضيف معاهم أي مكان قريب منها وأستمتع . أنصحك بالفندق هذا جداً XO بلو سكوير ، مجرب ومنطقة يكثر فيها المسلمين ، في نفس الوقت قريب منه ( خلفة) مطعم وكوفي تركيا من الاخير مشويات وقهوة و معسل وووو بس في ركن غير المدخنين . الترام يمر أمامه ويأخذ للدام سكوير في 20 دقيقة ...... يعني قريب بعيد وتقريبا اذا ما تغيير في مستوى فندقك الاول في كالفورنيا بالنسبة للفعاليات في امستردام والله ما أدري ايش اقول بس نصها اممممممم ، تقدر تقول محدودة وليست بكثرة جداً اللي ممكن تناسبك . الجو خيالي وومطعم وكوفي وزيارة معارض ، أتذكر في الصيف في جولات ب الدراجات ، الان ما أدري ترجع لنا بالسلامة وفي أنتظار تقريرك على أحر من الجمر |
مشكور اخي الغالي فهد تم الإرسال من SM-N960F باستخدام Tapatalk |
اقتباس:
|
اقتباس:
أهلا بيك مع انها زيارتي الثانية لهولندا لكن انبسطت فيها جدددا الحمدلله قرية الطواحين (زانس شانس) رائعة، تروح لها من امستردام بالقطار او سيارة يكثر فيها محلات الأحذية الخشبية الجبن والشوكليت ولاتفوت متعة شرب الهوت شوكليت في الجو البارد القرى الثانية، فولندام وماركن زرتهم في زيارتي السابقة بس جيثورن الغنية عن التعريف، ممكن تزروها في نص يوم من امستردام عن نفسي جلست فيها اربع ليالي، بلا كلل ولا ملل :24: (استجمام وتصفية للذهن) سكنت في كوخين.. واحد منهم مع عائلة والثاني مستقل وماشاء الله كل واحد يقول الزود عندي :32: في امستردام كنت ناوية اروح ملاهي واليبي لكن للاسف يقفل طوال فترة الشتاء لازم تاكل بطاطس مقلية من المحل الشهير في امستردام manneken + ماحصلت ولا مكان عنده dutch pancake الا وخيب ظني طعمه جرب الستروب وافل من van wonderen skylounge amsterdam الكافي الوحيد الل حصلته عنده قهوة لذيذة ومضبوطة باقي المطاعم حالياً ما عندي أسماءهم، لو حصلتهم برجع اكتبهم |
يسعدك ربي كوثر ياليت الكوخ الي سكنتو فيه احنا أربعة أشخاص تم الإرسال من SM-N960F باستخدام Tapatalk |
ماقصروا فهد وكوثر على المعلومات ان شاءالله سفرة ممتعه وتقرير سياحي ممتع باذن الله |
اقتباس:
Gieters Geluk من بوكنق كوخ كبير مستقل، بدورين .. غرفتين نوم وحمامين ومطبخ كبيير مجهز بالكااامل مع جلسة صغيرة وجلسة خارجية مجهزة للشواء او شبة نار موجود داخل مجمع سكني لعائلة الكوخ اقدر أقول انه بيررفكت، ممكن الشي اللي ينقصه انه مو مباشر على القناة المائية القناة المائية خلفه مباشرة الكوخ الثاني المشترك مع عائلة مابينفع لكم لانه لشخصين بس |
مشكورة اخت كوثر |
حجزنا سيارة بي ام 6500 ريال قيمة إيجار السيارة لمدة 10 ايام + تأمين شامل هل هذا جيد اولا تم الإرسال من SM-N960F باستخدام Tapatalk |
| الساعة الآن 03:18 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO