|
أفضل منطقه للسكن في طوكيو يسعد مساكم جميعا ،،، عندي سؤال واذا ممكن المساعده ،،، ممكن تذكرون لي افضل منطقه للسكن في طوكيو غير سيبويا ؟ لأنه سيبويا حجزت فندق أكسل ،، الآن حابه منطقه ثانيه وتكون منطقه حيويه نفس سيبويا ؟ منطقه شينجوا بعيده شوي عند دزني لاند ،،ماراح ينفع لنا . ومنطقه اوديبا منطقه هاديه ،،،ماراح ينفع لنا . أيش رأيكم بمنطقه غينزا ؟ ايش رأيكم بمنطقه ميناتو ؟ حابه منطقه حيويه وفندق بجانب محطه علشان اذ حابين نروح لدزني لاند ؟ شكرا لكم جميعا ..:e306: |
شيبويا او شيجوكو كونها وسط طوكيو ويفضل قرب محطة قطار ا |
اقتباس:
عذرا والله أسماء الأماكن اليابانيه :29: من وين جبت انا( شينجوا ) أنا أقصد منطقه اللي ذكرتها شينجوكو .. هذي منطقه بعيده ..عن دنزني لاند ،،، أنا حابه منطقه تكون حيويه وتكون قريبه بالمترو الى دزني لاند ،،،يعني مثل ميناتو أو غينزا ،،،بس حابه اعرف هل هما منطقتين حيويه وايش اسم الشارع السنتر في المنطقتين ؟ لأختيار السكن المناسب ، شكرا لكم :e32a: |
اختي ديزني لاند تقع في منطقه يورايسو وبعيده كثيرا عن المناطق الحيويه والاماكن السياحيه تحتاج مسافه نصف ساعه بالقطار ومافيه حولها منطقه حيويه فقط ديزني لاند لحالها هناك وديزني لاند يكفيها يوم واحد فقط من الصباح للمساء الي ذكره اخونا رعد هو الصحيح وافضل منطقه للسكن هي شيبويا + شينجوكو خاصه شيبويا منطقه حيويه وقريبه من اكثر الاماكن السياحيه والمجمعات منطقه جينزا من اغلى مناطق واحياء طوكيو وكل الي فيها محلات وواجهات لماركات عالميه مثل شانيل وديور الخ ولاتستحق السكن حتى ان زيارتها تستحق بالكثير ساعتين فقط لانها عباره عن محلات تجاريه في حفظ الله |
اقتباس:
شكر ا لك اخ ناصر .. شيبويا انا حجزت فيها خلاص لمدة اسبوع ،،،بس حابه نغير لمنطقه ثانيه غيرها ،،، في الخريطه منطقه شينجوكو بعيده ماينفع نسكن هناك واحنا مخططين على دزني يومين ممكن نروح ونرجع علشان كذا بالخريطه موضح انها بعيده وانا عارفه هذا الشي ...بس افضل منطقه ممكن تقصر المسافه هي القريبه من ميناتو وغينزا واوديبا ،،،مشكلة اوديبا انها هدوء واحنا نبغى حركه مثل منطقه شيبويا فهمت علي ؟ الله يعطيك العافيه المناطق اللي قريبه من البحر المقابله لاوديبا فيها حركه او لا ؟ في اليابان راح نجلس شهر وطوكيو اسبوعين تقريبا :18: لاتقولون كثير وبنمل لا لا لا ،،،هذي اليابان واول مره نروح لها نبغى نشبع منها ،،وبعدين راح نروح اماكن كثيره موزعه بين الايام ،،، شكرا لكم جميعا |
بالعكس أوديبا جدا مناسبه للسكن وارشحها لك دامكم حجزتو في شيبويا فالمنطقه الثانيه الي انصح فيها هي أوديبا وفيها اكثر من 14 مكان سياحي ومجمعات تجاريه ومطله على خليج طوكيو وجسر قوس قزح من قالك انها منطقه هاديه بالعكس منطقه حيويه ورايقه الواحد ينوع شيبويا فيها زحمه وازعاج لكن اوديبا زحمه لكن مع شويه روقان بالتووفيق |
السلام عليكم أختـي بالنسبة لي أفضل السكن بالقرب من محطة Akasakamitsuke لأن في المحطة يلتقي أكبر عدد من خطوط الميترو وفيها الكثير من المطاعم ومنطقة حيوية وأيضا يقع فيها فندق Akasaka Excel Hotel Tokyu الذي يوفر خدمة حجز باص للذهاب إلى المطار ومن محطة Akasakamitsuke إلى ديزني تاخذ الرحلة 40 دقيقة ومثل ما قال أخوي ناصر منطقة أودايبا جميلة وتصلح للسكن خصوصاً إن سكنتي قبلها أو بعدها بفندق ثاني في طوكيو وفيها مجمعات وأنشطة وأماكن كثيرة ولكن أكيد مو نفس زحمة شيبويا ومحطة Ginza للمرور فيها وليست للسكن من وجهة نظري وما تفرق بالمسافة وايد بين Akasakamitsuke و Ginza عشر (10) دقايق بالتوفيق أختـي |
اقتباس:
بعدها اشوف واقرر .. |
اقتباس:
طيب ممكن تذكر لي فندق بوسط السنتر في اكاساكا يعني تحته الاسواق والمطاعم او تكون قريبه منه مشي يعني .. وايش رأيكم بالمنطقه المطله على الخليج المقابله لاوديبا تقريبا ؟ اعتقد انها تابعه لميناتو ؟ |
اقتباس:
مخطط الرحله / 1- الوصول الى أوساكا والمده 11 يوم ... منها نطلع لمدة يوم الى نارا ،،،، ومنها نطلع يوم الي كيوتو ،،،، 2- ثم الذهاب الي طوكيو والمده اسبوعين ،،، منها نطلع يومين ومبيت في منطقة جبل فوجي وتم بحمدالله حجز فندق رائع على نظام البيوت اليابانيه ... طبعا طوكيو مناطقها كبيره راح نشوف وين نتمشى فيها ،،،، اخوي اانت عندك خبره باليابان ،،،ممكن تذكر لنا أماكن أو محلات أو اي شي لابد من زيارته ....في طوكيو وأوساكا ،، اذا عندك نصيحه ممكن تنفعنا في سفرنا أكون شاكره لك كثير ،،، شكرا لكم جميعا :e032: |
إن شاء الله أختـي راح أجاوب على كل الاستفسارات بس ممكن أعرف تاريخ الرحلة وشكراً |
مساء الخير اقتباس:
يعطيك العافيه...أخ برنس ماتقصر ،، سفرنا في 4 جولاي ،،،،والرجعه في 1 أوغست ... ممكن اذا تذكر لنا مخطط اماكن نقدر نروح لها في يوم واحد ،،تكون قريبه من بعض ،،، احنا رايحين نروق يعني يكفي مكانين في يوم واحد .. المشكله انه نعرف اماكن لكن مانعرف اذا قريبه من بعض او لا ،،،طبعا مو كلهم نعرف ... شكرا لك أخوي:e306: |
بالنسبة للفنادق في طوكيو حسب مواصفات المنطقة المطلوبة أعتقد Tokyo Dome Hotel مطابق للمواصفات المكان يشبه منتجع فيه مطاعم ومجمع وألعاب ترفيهية وحديقة وكافيهات ومحلات أو ممكن السكن بأحد الفنادق موجودة بجانب محطة Tokyo الرئيسية فهي تشبه المطارات في السوق والمحلات وقريبة من حديقة الإمبراطور أما الفنادق في منطقة Akasakamitsuke هنالك فندق Akasaka Excel Hotel Tokyu في محلات ومطاعم وموجود مطعم تركي حلال بنفس المكان وأيضاً في الشارع المقابل له يوجد الكثير من المطاعم منها الإيطالية واليابانية أو فندق Hotel New Otani بالقرب من المكان ولكن أبعد شوي عن المحلات والمطاعم |
Osaka 1 Hep Five + Yodobashi Umeda + Umeda Sky Building Floating Garden Observatory 2 Osaka Aquarium Kaiyukan + Osaka Bay Cruise Santa Maria + Tempozan Market Place 3 Universal Studios Japan 4 Ebisubashi-suji Shopping Street + Tennoji Zoo + Shitennoji Temple 5 Tsurumi Ryokuchi Park + Osaka Castle 6 Osaka Science Museum + National Museum of Art أختـي هذا جدول سريع لـ 6 أيام داخل أوساكا ولمزيد من تفاصيل الأماكن ((هنا)) وطبعا تقدرين تغيرين مكان من يوم وتحطينه بيوم ثاني لأن التنقلات بالميترو سريعة |
بالنسبة لـ Osaka تقدرون تزورون Kobe وترجعون بنفس اليوم وكذلك Himeji فيها من أكبر القلاع في اليابان وفيها حديقة |
Tokyo 1 Disneyland 2 DisneySea 3 Ghibli Museum 4 Tokyo Dome City + Koishikawa Korakuen Garden 5 Tokyo Tower + The Prince Park Tower Tokyo 6 Tokyo Skytree + Tokyo Solamachi + Sumida Aquarium + Sensoji (Asakusa Kannon Temple) 7 Shinjuku Gyoen National Garden + Shinjuku 8 Akihabara + Ueno Zoo + Ueno Park + Tokyo National Museum 9 Sunshine City وطبعا محطات Shibuya وShinjuku وGinza وTokyo ممكن إضافتهم مع أي يوم مناسب وOdaiba زيارتها ليوم كامل أو السكن فيها أو زيارتها على يومين حسب الرغبة ومنطقة Yokohama قريبة وتابعة لـTokyo ممكن زيارتها والعودة بنفس اليوم هذا جدول لـ9 أيام بالإضافة إلى أماكن إضافية ممكن زيارتها |
اقتباس:
الله يسعدكم اعضاء المنتدي دايم متعاونين ....:e032: |
اقتباس:
وسؤالي الثاني ...متي تبدأ الحركه بالصباح يعني بداية دواماتهم ؟ ومتى تغلق المحلات بالليل ؟ شكرا لك |
ممكن اخ برنس بس حبيت أسألك عن فندق نيو أوتاني أوساكا ؟ايش رأيك فيه لانه في بوكينج عليه مدح .. فندقي المفضل .. خصوصا الغرف المطلة على القلعة شي جميل وأكثر من رائع .. فندق راقي بسعر معقول مقارنة بخدماته .. قريب من القلعة والنهر وقريب من محطة Osakajokoen التابعة لقطارات JR وقريب من محطة Osaka Business Park التابعة لخطوط الميترو .. وفي مجمع صغير قريب من المحطة فيه مطاعم وكافيهات وماكدونالدز احداثياته (34.691879, 135.530986) ويعتبر الفندق بمنطقة هادية .. ولكن في الساحة المقابلة للقلعة أحيانا يكون في فعاليات فيكون في نشاط وسؤالي الثاني ...متي تبدأ الحركه بالصباح يعني بداية دواماتهم ؟ ومتى تغلق المحلات بالليل ؟ هذا بحد ذاته لغز محيرني مرة بوقت يكون زحمة وبنفس الوقت يوم ثاني مافي زحمة ومرة أشوف طلاب بملابس المدرسة بالمدن الترفيهية ومرة بآخر الليل ومرة طالعين الظهر مادري شنو قصتهم ونظامهم :20: بالنسبة للمحلات فهي تغلق ما بين الساعة 8 إلى 11 بالليل حسب المحل ومكانه أما المطاعم فتفتح إلى ساعات متأخرة من الليل وبعضها 24 ساعة أما القلاع والمتاحف والحدائق غالبا تصكر 5 أو 6 بالليل فالأفضل زيارتها في النهار منذ الصباح شكرا لك العفو أختـي |
اقتباس:
أجاباتك رائعه :e306: |
معلومات جيده.. الله يسعدك |
معلومات قيمه مشكور وما قصرت |
اقتباس:
يعطيك العافيه أخر سؤال اذا ممكن بالنسبه لفندق فيستا غراند أوساكا ،،،ايش رأيك فيه ؟ موقعه ممتاز في نامبا وشارع دوتنبري المشهور ،، هل موقعه آمن أو لا ؟ المنطقه امان او لا ؟ وهل الفندق كويس؟ شكرا لك أخوي :e303: |
الله يعافيج أختـي الفندق نفسه حسب التقييم ممتاز أو جيد جداً أما المكان فهو يصلح للزيارة أكثر ولا يصلح للسكن من وجهة نظري وخصوصاً للعائلات لأن المنطقة تكثر فيها النوادي الليلية قريبة من الفندق الشارع الذي في الجهة المقابلة هو الذي تكثر فيه المطاعم (34.668719, 135.501771) وأنصح بالسكن عند محطة أوساكا منطقة حيوية وآمنة وبقربها مجمع إلكترونيات شهير Yodobashi ومحطة Osaka نفسها كبيرة كأنها مطار وحلوة للتسوق |
شكرا لك أخوي ويعطيك العافيه :e303::e303: |
اقتباس:
شكرا لك أخوي برنس ويعطيك العافيه :e303::e303::e303: |
بارك الله فيك |
صباح الخير ...كيف الحال جميعا ،،، كل عام وانتم بخير ومبارك عليكم الشهر ..وتقبل الله منا ومنكم صالح الأعمال ... يعطيكم العافيه ممكن تعطوني رابط قطار الطلقه ؟ وهل الأفضل الحجز من الموقع أم من المطار عند الوصول ؟ لأني سمعت انه هناك بطاقات خاصه بالسياح ويحجزونها من بلدهم .؟...ممكن توضيح الأمر ؟ لأني راح استخدم قطار الطلقه من اوساكا الى طوكيو /// وشكرا لكم |
صباح النور أختـي نصف الإجابة ذكرتها في هذا الموضوع (هنا) بالسؤال رقم 4 يتم حجز تذكرة قطار الطلقة في نفس اليوم من مكتب في محطة القطار يوجد 3 أنواع من التذاكر - تذكرة بدون حجز مقعد - تذكرة مع حجز مقعد بالدرجة العادية - تذكرة مع حجز مقعد بالدرجة الأولى / الخضراء بالطبع أفضل خيار الثاني بالنسبة لي وقيمة التذكرة تقريبا 14,250 ين من محطة Tokyo إلى محطة Shin-Osaka أو العكس القطارات والمقاعد موجودة بكثرة لا تخشون نفاذها فقط كل ما عليكم فعله الذهاب إلى المحطة وشراء التذكرة وبعد أقل من 15 دقيقة يكون أقرب موعد للرحلة طبعا تختارون وقت القطار المناسب لكم |
ماذا عن السكن في قينزا؟ هل هي منطقه حيوية اثناء الليل مثل شينجكو؟ وجدت فندق في قنزا بنفس سعر فندق في شينجكو تقريبا لكن مساحة الغرفة في قينزا كانت اكبر من شينجكو |
اقتباس:
قينزا منطقه اسواق ومحلات فقط حتى يكفي لزيارتها مده ساعتين الى 3 ساعات فقط أنصحك بشينجكو افضل او شيبويا |
هلابك اللآفندر .. أجل بتغيرون من أميركا لليابان:14: قبل أيام بحثت بقوقل عن أفضل منطقة للسكن بطوكيو وبالصدفة طلع لي موضوعك هذا و تفاجأت بك مره:30: أنا مثلك تأجلت رحلة أميركا لكم شهر وبنخليها كوريا واليابان على السريع وودي بأميركا:2: |
اقتباس:
هههههههههه اي والله تأجلت سفرة أمريكا بصراحه هالفتره مو مرتاحه اني اروح لأمريكا سبحان الله أستخرت لكن مارتحت ...أن شاء الله في الايام الجايه يكتب لنا سفره لها ... وقررنا على اليابان حلم ونحققه ان شاءالله ونغير عن أوروبا شوي :1::e438::e438::e438: ونشوف هالجميلين ...هههههههه.... وبعدين ايش هالصدفه كلنا محولين من امريكا لليابان ،،،هههههههه يالله خيره لنا ان شاءالله... والحمدلله الله يحفظكم ان شاءالله :e304: |
اقتباس:
|
هلابك اللآفندر .. تمام الله يسلمك .. كيفك أنتي ؟ ومبروك رمضان بعد الزحمة .. أنا ودي بأميركا لكن اللي معي أجلوها لكم شهر لظروف وظايفهم .. و إن شاءلله بنسافر لليابان وكوريا رحلة سريعة خفيفة .. ويحفظك يارب ،، |
اقتباس:
الحمدلله انا بخير ،،،،وكل عام وانتم بخير ومبارك عليك الشهر يسهل سفرتكم ان شاءالله ،، ممكن خيره لكم واليابان جميله ان شاءالله تستمتعون فيها ،، الله يسعدكم :e304: |
| الساعة الآن 10:40 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO