|
فزعتكم جاوبي على اسئلتي السلام عليكم ورحمه الله وبركاته . بدايه اشكر الجميع على جهودهم في هذا المنتدى و وبالاخص اشكر مشرف بوابه اليابان على جهوده مايقصر الله يجعلها في ميزان حسناته عندي كم استفسار عن اليابان الله يعطيكم العافيه ابي اجابات لها لاني مشتته وين نسافر وقريت هنا عن اليابان وارتحت لها بس خايفه احس التنقل فيها صعب واحس يبغالها خبره اول مره اخاف من دوله لاني قريت عنها بس ماحس فهمت مره كم تكفي اليابان من يوم ؟ ابدا بالعاصمه اول شي او في مدينه ثانيه ؟ ودي تعطوني تقرير يكون مفصل بعدد اليالي لكل مدينه وجدول سياحي لكل مدينه . احنا شخصين اللي بنسافر ونحب الالعاب والحركه والمشي والاسواق الشعبيه هل بلاقي طلبي باليابان ؟ كم يوم وتخلص فيزا اليابان ؟ وسايل النقل في اليابان من قطار وباصات هل سهله استعمالها نفس الدول الاخرى لاني قريت عنها واحس مافهمت لها لان النقل بين المدن بيكون بالقطار صح ؟ هل ضروري شراء بطاقه JR Pass ام لا ؟ هل توفر علينا ولا نفس التكلفه لو شرينا كل بطاقه من وقتها ؟ هل بطاقه JR Pass فقط للقطار ولا تستعمل للباصات ؟ كيف اسعار اليابان من ناحيه الصرفيه اليوميه تقريبا شامله مواصلات واكل للشخص (( حساب تقريبي ) ؟ |
السلام عليكم ورحمه الله وبركاته . وعليكم السلام ورحمة الله وبركاته بدايه اشكر الجميع على جهودهم في هذا المنتدى و وبالاخص اشكر مشرف بوابه اليابان على جهوده مايقصر الله يجعلها في ميزان حسناته عندي كم استفسار عن اليابان الله يعطيكم العافيه ابي اجابات لها لاني مشتته وين نسافر وقريت هنا عن اليابان وارتحت لها بس خايفه احس التنقل فيها صعب واحس يبغالها خبره اول مره اخاف من دوله لاني قريت عنها بس ماحس فهمت مره الله يعافيج أختـي وإن شاء الله مافي خوف من المواصلات في اليابان بعد الإجابات على الأسئلة كم تكفي اليابان من يوم ؟ أقل شي 10 أيام ( حق الي ما عنده وقت ) اسبوعين ( مناسب حق إلي يتمللون من السفر ) 3 اسابيع إلى شهر ( حق إلي يحبون اليابان والسفر والتنقلات ) ابدا بالعاصمه اول شي او في مدينه ثانيه ؟ حسب الطيران والمتوفر إذا في طيران يوصل أوساكا ويكون الترانزيت مناسب الأفضل الوصول مطار Kansai في أوساكا والمغادرة يكون من مطار Haneda في طوكيو ودي تعطوني تقرير يكون مفصل بعدد اليالي لكل مدينه وجدول سياحي لكل مدينه . هذا تقريري مسويه حق إلي يزورون أول مرة وفي جدول بالمرفقات بنهاية التقرير + في أماكن مقترحة التقرير ((هنا)) احنا شخصين اللي بنسافر ونحب الالعاب والحركه والمشي والاسواق الشعبيه هل بلاقي طلبي باليابان ؟ طبعا اليابان فيها مدن ملاهي وأماكن ترفيهية كثيرة وكذلك الأسواق الشعبية تكون عند المعابد في طوكيو مدينتين لـ ديزني وهم Disney Sea و Disney Land وفي أوساكا Universal Studios أما السوق الشعبي أشهر مكان في طوكيو هو Asakusa كم يوم وتخلص فيزا اليابان ؟ 3 شهور وتقدرون تطلبون فترة أطول وتكون رسومها أكثر وسايل النقل في اليابان من قطار وباصات هل سهله استعمالها نفس الدول الاخرى لاني قريت عنها واحس مافهمت لها لان النقل بين المدن بيكون بالقطار صح ؟ صحيح أختـي التنقل بين المدن يكون بالقطار ما عدا بعض الأماكن الريفية تحتاج إلى التنقل بالحافلة التنقل في القطار سهل وداخل المحطة تسئلونهم عن اسم المحطة وهم يقولون لكم شلون تروحون وموعد القطار ورقم الرصيف هل ضروري شراء بطاقه JR Pass ام لا ؟ هل توفر علينا ولا نفس التكلفه لو شرينا كل بطاقه من وقتها ؟ يعتمد حسب مشواركم في إذا كنتوا راح تستخدمون قطار الطلقة أكثر من مرة فممكن تحتاجونه لمدة اسبوع فقط (قطار الطلقة للتنقل بين المدن البعيدة) وغالبا ما راح تحتاجونها إذا سفرتكم فقط بين طوكيو وأوساكا وكيوتو والأفضل شراء بطاقة الشحن Suica هل بطاقه JR Pass فقط للقطار ولا تستعمل للباصات ؟ أكثر شي للقطارات أما الباصات قليلة لأن أغلب الباصات تكون شركة خاصة بالمدينة كيف اسعار اليابان من ناحيه الصرفيه اليوميه تقريبا شامله مواصلات واكل للشخص (( حساب تقريبي ) ؟ الوجبة الواحدة المتوسط 2000 ين (في أقل وفي أكثر حسب المطعم) أما المواصلات الداخلية رخيصة خصوصا الميترو تقريبا لليوم الواحد 800 ين وطبعا بطاقات الميترو حق يومين توفرون أكثر يعني تقريبا 1000 ين لليوم الواحد كافية وزيادة ومع تذاكر دخول الأماكن السياحية (ما عدا المدن الترفيهية) |
الله يعطيك العافيه صراحه ردك ريحنا طيب حبيت اسال عن الاجواء في اغسطس او سبتمبر كيف تكون هل مناسبه للسفر لليابان ام بارده |
wala0022 الله يعافيج أختـي بالنسبة لي ما أفضل السفر في الصيف لليابان لأن الطقس يكون حار ورطوبة إلا إذا كان الغاية من الرحلة الذهاب للأماكن الباردة مثل هوكايدو أو لتسلق جبل فوجي في الصيف أحيانا يكون في بعض الأمطار ولكن بشكل عام حر |
اقتباس:
انا باذن الله متوجه لها لي اغسطس صحيح الجو حار ( بس ماتفرق مافي زي حر الرياض ههه) |
اقتباس:
|
اقتباس:
|
wala0022 أختـي الأشهر إلي يكون فيها الجو معتدل 3 و 4 و 5 و 10 و11 يعني الربيع والخريف |
شهر 10 و 11 يكون خريف ولا ربيع ؟ وهل فيه طبيعه ومناظر ؟ ولاسعار تكون نفس الصيف ولا اقل ؟ لان والله احترنا نخلي السفر بعد شهر او 3 اسابيع على مانخلص اجراءت الفيزا او ناجله زي ماقلت لشهر 10 اللي هو اكتوبر |
wala0022 شهر 10 و11 يكون خريف كل موسم له جماله الخاص من ناحية الطبيعة يعني الشتاء بياض الثلج الربيع الزهور وأشجار الساكورا الصيف اللون الأخضر الخريف ألوان أوراق الأشجار ما جربت أروح الصيف ولكن أسعار الفنادق الي حجزتها للخريف معقولة يعتبر أغلى موسم الربيع خصوصا فترة أشجار الساكورا أختـي نصيحتي تروحون تقريبا بنص شهر 10 أو آخر شهر 10 حسب الأماكن إلي بتروحون لها وأوقات المناظر الطبيعية وحجزوا الفنادق من إلحين بإلغاء مجاني لأن الفنادق الممتازة وبأسعار حلوة تخلص بسرعة وهذا تقرير عن أفضل 10 أماكن لمناظر الخريف وأوقاتها https://youtu.be/GymDc0mavfE |
قررنا نسافر في شهر اغسطس بسبب اجازة العمل الله يعطيك العافية ابي مخطط لمدة عشرين يوم كم مدينة ازور؟ وكل مدينة كم اجلس فيها ؟ عند الوصول الى طوكيو اروح لاي مطار لان طوكيو لها مطارين |
بالنسبة للمطار في طوكيو الأقرب Haneda ولكن ممكن يكون توقيت طيران Narita أفضل فعلى حسب شنو تفضلون بالنسبة لجدول الرحلات بعطيكم أكثر من اختيار وشوفوا إلي يناسبكم (اقتراح 1) طوكيو 3 (مثلا تكون في ديزني) ناغويا 4 هيروشيما 3 أوساكا 5 (نارا - كيوتو - كوبي - هيميجي .. مناطق ممكن زيارتهم) طوكيو 5 (اقتراح 2) طوكيو 1 (طيران داخلي إلى سابورو 3) هيروشيما 3 (طيران من سابورو إلى هيروشيما) أوساكا 5 (نارا - كيوتو - كوبي - هيميجي .. مناطق ممكن زيارتهم) ناغويا 4 طوكيو 5 (اقتراح 3) طوكيو 1 (بحيرة كاواغوتشي في فوجي 3) ناغويا 4 هيروشيما 3 أوساكا 5 (نارا - كيوتو - كوبي - هيميجي .. مناطق ممكن زيارتهم) طوكيو 5 * طبعا الخيارات كثيرة ممكن تسكنون في كوبي أو كيوتو وتقللون من أوساكا أو بدال منطقة ثانية وهكذا يعني الأسهل تحددون أماكن الإقامة وبعدها أحدد لكم توزيع الأيام وترتيبهم حسب الطريق المناطق المناسبة للإقامة ومناسبة للمدة (طوكيو - أوساكا - ناغويا - هيروشيما - كوبي - أوكاياما - كيوتو - سابورو - هاكون أو كاواغوتشي عند فوجي) وهذا تقرير يفيدكم (هنا) |
يعطيك العافيه ملاحظه ان طوكيو اخر محطه هل السبب ان اوساكا مافيها مطار ؟ ان كتبت ان التنقل بين المدن يكون بالطيران الداخلي هل الطيران الداخلي افضل من القطار ؟ وهل سعر القطار ارخص من الطيران الداخلي ؟ لاني صراحه ماعرف قيمه القطار من مدينه للثانيه والصراحه احترت نختار اي برنامج وحسيت الاقتراح الاول هو افضل شي |
يعطيك العافيه الله يعافيج أختـي ملاحظه ان طوكيو اخر محطه هل السبب ان اوساكا مافيها مطار ؟ بلى فيها مطار ولكن مو كل الطيران عندنا يوصل إلى أوساكا فـ افترضت إن الوصول والمغادرة من طوكيو ان كتبت ان التنقل بين المدن يكون بالطيران الداخلي هل الطيران الداخلي افضل من القطار ؟ وهل سعر القطار ارخص من الطيران الداخلي ؟ لاني صراحه ماعرف قيمه القطار من مدينه للثانيه القطار هي الوسيلة الأفضل ولكن الطيران الداخلي ذكرته لأن المسافة بعيدة بين المنطقة إلي ذكرتها (سابور) مثلا تكلفة القطار من طوكيو إلى أوساكا تقريبا 14500 ين ياباني والصراحه احترت نختار اي برنامج وحسيت الاقتراح الاول هو افضل شي بعد اختيار البرنامج الخطوة الثانية تحجزين الفنادق بإلغاء مجاني لأن الفنادق إلي مساحتها ممتازة بسرعة تخلص |
اقتباس:
الحين لو تنقلت من طوكيو الى ناغويا قطار تقريبا بيكون زي ماقلت 14500 ين يعني بالسعودي 485ريال يعني تقريبا بسعر طيران داخلي للشخص الطيران 385 ريال مافي فرق كبير انا مادري الصدق ايهم اريح القطار ام الطيار خصوصا ان معنا شنط هذي ابي خبرتك ورايك فيها ماستغني عنها ثانيا بالنسبه ل اوساكا انت حاط لي مناطق فيها هل هذي المناطق داخل اوساكا ولا اطلع من اوساكا و ازور مثلا نارا وكيوتو ثالثا اول 3 ايام بطوكيو ان كاتب مثلا ديزني كيف اروح ديزني ب القطار او الباصات ؟ رابعا بما ان التنقل بالقطار تقريبا مكلف هل تنحصني ببطاقه JR Pass لتوفير التنقل بين المدن في حال اخترنا التنقل بالقطار وهل صحيح تكلفتها 266 دولار وبالين 29856 ين ؟ هل المبلغ ممكن نصرف اكثر منه في حال التنقل طبعا للشخص ؟ خامسا الف شكر لك على سعه صدرك وحبك للخير وافاده الناس الله يجزاك الف خير |
إن شاء الله أختـي راح اجاوب على الاسئلة غدا إن شاء الله |
خذ راحتك الله بعذيك العافيه |
اولا الله يعطيك العافيه تعبتك معي واقلقتك لكن والله جدا ملخبطه ولاني فاهمه ولاشي احس اول سفريه اكون مو عارفه شي الله يعافيج أختـي .. إن شاء الله تتيسر الأمور وتكون رحلة سهلة الحين لو تنقلت من طوكيو الى ناغويا قطار تقريبا بيكون زي ماقلت 14500 ين يعني بالسعودي 485ريال يعني تقريبا بسعر طيران داخلي للشخص الطيران 385 ريال مافي فرق كبير انا مادري الصدق ايهم اريح القطار ام الطيار خصوصا ان معنا شنط هذي ابي خبرتك ورايك فيها ماستغني عنها من محطة Tokyo إلى Nagoya بـ 11090 ين أما 14500 ين من Tokyo إلى Osaka ولكن تفضيل القطار عن الطيارة بسبب قصر المسافة لأن فرضاً إذا بتروحون من طوكيو إلى ناغويا بالطيارة لازم تروحون من الفندق إلى المطار بالقطار وبعد ما توصلون مطار ناغويا تاخذون قطار من المطار إلى الفندق فما استفدتوا من الطيران !! بل العكس ضفتوا إجراءات الطيران زيادة الطيران الداخلي مفيد حق الأماكن البعيدة مثلا تبعد 7 أو 9 ساعات بالقطار ويكون الطيران فقط ساعة أو ساعتين ثانيا بالنسبه ل اوساكا انت حاط لي مناطق فيها هل هذي المناطق داخل اوساكا ولا اطلع من اوساكا و ازور مثلا نارا وكيوتو نارا وكيوتو مناطق خارج أوساكا ولكنها قريبة وسهل الوصول لها والعودة بنفس اليوم ورحلة القطار ما تكلف وايد نارا تشتهر بوجود الغزلان البرية تمشي في الحدائق وعند المعابد أما كيوتو فهي العاصمة القديمة لليابان فتعتبر منطقة تاريخية وكذلك طبيعتها حلوة ثالثا اول 3 ايام بطوكيو ان كاتب مثلا ديزني كيف اروح ديزني ب القطار او الباصات ؟ عن طريق القطار من المطار https://media2.tokyodisneyresort.jp/...ain_map_en.jpg بموقعهم موضحين الطريق حسب موقعكم ((هنا)) رابعا بما ان التنقل بالقطار تقريبا مكلف هل تنحصني ببطاقه JR Pass لتوفير التنقل بين المدن في حال اخترنا التنقل بالقطار وهل صحيح تكلفتها 266 دولار وبالين 29856 ين ؟ هل المبلغ ممكن نصرف اكثر منه في حال التنقل طبعا للشخص ؟ في حالة تنقلاتكم بالمقترح إلي ذكرته اي الأفضل تشترون الـ JR Pass تطلبونه من النت ويرسلونه لعنوانكم وفي اليابان بالمطار تبدلون الظرف ببطاقة الـ JR Pass الأسعار والطلب يكون من هذا الموقع ((هنا)) التنقل من مدينة لأخرى بالقطار وتطلبون تذاكر بحجز مقعد من المكتب الموجود بالمحطات الرئيسية بعد ما تورونهم الـ JR Pass مثلا في طوكيو محطة Tokyo وفي أوساكا محطة Osaka وهكذا خامسا الف شكر لك على سعه صدرك وحبك للخير وافاده الناس الله يجزاك الف خير وياج أختـي وحياج الله |
الله يجزاك خير ماقصرت تأخرت بالرد لان حصل لي ظرف البطاقه من النت طلبها كم تأخذ من يوم وتوصل لان سفرنا تقريبا بعد اسبوع ؟ وتقترح نأخذ حقت 7 ايام ولا 14 يوم ولا 21 يوم ؟ مده سفرنا تقريبا 20 او 25 يوم واحنا شخصين نشتري لكل واحد بطاقه او نفس البطاقه ؟ في موضوع لك كتاب فيه الافضل الوصول على اوسكاكا اول والعودة من طوكيو تقترح علينا نخلي خط الرحله كذا ؟ ولانبقى على اللي عطتنياه انت ؟ واذا بنغير الله يعافيك ابي المسار الجديد وفي سؤال اخير اذا وصلت للمطار ومثلا اول مدينه طوكيو كيف اروح للفندق نأخذ قطار ولا تاكسي ولا كيف ؟ واذا قطار لازم اكون اعرف اسم المنطقه اللي بنزل فيها ولا ايش صدق هذا اكثر سؤال حيرني |
|
طيران للحين على طوكيو طيب لو حابه ازود 5 ايام على الايام هذي ازودها وين ودنا السفره تكون 25 يوم تقترح نزيدها على نفس الجدول او في مدينه رابعه مثلا تقترحها علينا بحكم خبرتك تكون جميلة وعلى نفس خط الرحلة رايك ومشورتك مهمه لنا الله يسعدك الله يجزاك خير تعبتك معي وربي |
ودي أقولكم تروحون Huis Ten Bosch ولكن أجمل وقت لها بالربيع إذا بتضيفون 5 أيام الاختيارات كثيرة - سابورو (تحتاج طيران داخلي) - شيراكاوا (قرية) - بحيرة كاواغوتشي عند جبل فوجي - كيوتو - كوبي اقتراح (1) طوكيو 3 (مثلا تكون في ديزني) ناغويا 4 شيراكاوا (ليلتين) هيروشيما 3 أوساكا 6 (نارا - كيوتو - كوبي - هيميجي .. مناطق ممكن زيارتهم) طوكيو 7 اقتراح (2) طوكيو 3 (مثلا تكون في ديزني) ناغويا 4 كيوتو 3 هيروشيما 3 أوساكا 5 (نارا - كوبي - هيميجي .. مناطق ممكن زيارتهم) طوكيو 7 اقتراح (3) طوكيو 3 (مثلا تكون في ديزني) بحيرة كاواغوتشي عند جبل فوجي 2 ناغويا 4 كيوتو 3 هيروشيما 3 أوساكا 6 (نارا - كيوتو - كوبي - هيميجي .. مناطق ممكن زيارتهم) طوكيو 7 ملاحظة: حاولوا تضيفون فندق على الطراز الياباني راح تكون تجربة حلوة على الأقل حق ليلتين بالمنطقة إلي تحصلون فيها بمكان وبسعر مناسب |
طبعا بين التنقلات هذي بعضها تكون طويلة لأن المناطق بعيدة ممكن تاخذون راح بينهم بأحد مناطق أو تشيلون منطقة وتحطون غيرها سفرتي الماضية كانت كالتالي: طوكيو كيوتو شيراكاوا اوكاياما أوساكا طوكيو سفرتي القادمة إن شاء الله طوكيو فوكوشيما نيكو أوساكا جزيرة أوكيناوا (طيران داخلي) كوبي ناغويا طوكيو ^^^^ ممكن تختصرونها إلى : طوكيو أوساكا هيروشيما كوبي أو كيوتو ناغويا طوكيو |
الله يجزاك خير تقريبا اخترنا الاقتراح الثاني طوكيو 3 (مثلا تكون في ديزني) ناغويا 4 كيوتو 3 هيروشيما 3 أوساكا 5 (نارا - كوبي - هيميجي .. مناطق ممكن زيارتهم) طوكيو 7 مع ان ودي بحيرة كاواغوتشي عند جبل فوجي بس للامانه خايفه من التنقلات وفكرت قلت دامني طالعه من اوساكا لفوجي ماقدر امر هالبحيره ؟؟؟ لان ودنا بمكان يكون فيه طبيعه لو نجلس فيه 3 ايام اتوقع كيوتو فيها صح ؟ وعندي سؤال تذاكر القطار GR اقدر اشتريها من المطار صح ؟ سفرنا يوم الاثنين الفجر قرب السفر وخايفه عطنا نصايحك ؟ واذا عندك مثلا جدول سياحي مثلا او مواضيع فيها اماكن للتمشيه لطوكيو وناغويا وباقي المدن لاني ماني عارفه وين اروح ووين اتمشى وعندي اقتراح مدري يصلح ولا لا شفت منطقه قريبه من ناغويا اسمها كارويزاوا لقيت فيها شلالات فنادق تقليديه منتجع هوشينويا شرايك ينفع نروح لها ولو بنروح كيف نخلي لها ليلتين ونقلل ناغويا او كيف بيكون المسار ؟ او الغي المبيت فيها واطلع من الصبح لها وارجع ناغويا الليل |
صراحه عجبتني بعد هوكايدو واحترت مره لانها تحتاج طيران داخلي ومنطقه شيراكاوا عجبتني بعد ابغى نصيحتك ابغى انا مدينه وحضاره وابغى لو كم يوم طبيعه بتعبك معي ودي بخطه سير لان حجز الفنادق اقدر اعدل عليه |
تقريبا اخترنا الاقتراح الثاني طوكيو 3 (مثلا تكون في ديزني) ناغويا 4 كيوتو 3 هيروشيما 3 أوساكا 5 (نارا - كوبي - هيميجي .. مناطق ممكن زيارتهم) طوكيو 7 مع ان ودي بحيرة كاواغوتشي عند جبل فوجي بس للامانه خايفه من التنقلات وفكرت قلت دامني طالعه من اوساكا لفوجي ماقدر امر هالبحيره ؟؟؟ لان ودنا بمكان يكون فيه طبيعه لو نجلس فيه 3 ايام اتوقع كيوتو فيها صح ؟ كيوتو فيها عدة أماكن ولكن كل مكان بجهة 1- جهة الغرب: منطقة Arashiyama فيها فنادق على النهر وفيها غابات البامبو وفيها سوق تقليدي وتأجير قوارب تقليدية على النهر 2- جهة الشرق: منطقة بحيرة Otsu فيها حدائق ومتنزهات 3- جهة الشمال: عند بركة Takaraga Pond يعتبر متنزه ومنتجع صغير وفي قوارب البجعات في البركة 4- مركز المدينة: داخل المدينة لزيارة المعابد والمحلات والسوق وغيرها أما بحيرة كاواغوتشي في فوجي للإسترخاء أكثر وفي حوالينها حدائق ومدينة ترفيهية وإذا بتروحون لها من أوساكا تقدرون ولكن الطريق يصير اطول من لما يكون من طوكيو لأنكم راح تمرون على طوكيو وبعدها تروحون البحيرة وعندي سؤال تذاكر القطار JR اقدر اشتريها من المطار صح ؟ إذا قصدج أختـي JR Pass يكون طلبها عن طريق الانترنت قبل السفر يوصلونها إلى بلدكم أما التذاكر العادية فهي متوفره بكل المحطات سفرنا يوم الاثنين الفجر قرب السفر وخايفه عطنا نصايحك ؟ نصيحتي تثبتون على خطة واضحة لأن كثرة تغيير الخطط في اللحظات الاخيره تتوهكم وتزيد التوتر وحجز الفنادق بأقرب وقت أما الرحلات اليومية ممكن تتغير بلحظتها ولكن أهم شي تحديد مسار الخطة وتثبيت المدن وأهم شي تحددون أقرب محطة قطار لكل فندق علشان تعرفون توصلون للفنادق واذا عندك مثلا جدول سياحي مثلا او مواضيع فيها اماكن للتمشيه لطوكيو وناغويا وباقي المدن لاني ماني عارفه وين اروح ووين اتمشى في موضوعين حاط فيهم اماكن وجداول ((هنا)) و ((هنا)) وعندي اقتراح مدري يصلح ولا لا شفت منطقه قريبه من ناغويا اسمها كارويزاوا لقيت فيها شلالات فنادق تقليديه منتجع هوشينويا شرايك ينفع نروح لها ولو بنروح كيف نخلي لها ليلتين ونقلل ناغويا او كيف بيكون المسار ؟ او الغي المبيت فيها واطلع من الصبح لها وارجع ناغويا الليل الشلالات اسهل لكم تزورونها من طوكيو وتقدرون ترجعون بطوكيو بنفس اليوم شلالات Shiraito Falls أقرب محطة: Shin-Fuji + باص سياحي بمحطة Shin-Fuji تسئلونهم عن الباص وراح تلقون مكتب صغير عند مواقف الباصات تشترون منه تذكرة الباص قبل الركوب |
صراحه عجبتني بعد هوكايدو واحترت مره لانها تحتاج طيران داخلي ومنطقه شيراكاوا عجبتني بعد ابغى نصيحتك ابغى انا مدينه وحضاره وابغى لو كم يوم طبيعه بتعبك معي ودي بخطه سير لان حجز الفنادق اقدر اعدل عليه أختـي إذا ودكم بـ شيراكاوا وسابورو في هوكايدو تقدرون تتبعون خطتي: طوكيو كيوتو شيراكاوا اوكاياما أوساكا طوكيو بالنسبة حق سابورو كنت مخلي أغراضي في الفندق في طوكيو وأخذت طيران داخلي ونمت ليلة في سابورو وثاني يوم رجعت طوكيو وكملت رحلتي (لأن الطيران الداخلي الاقتصادي من غير حقائب فقط حقيبة داخل الطيارة) |
الله يجزاك الجنه حاليا انا باليابان والامور تقدر تقول طيبه لكن المترو شوي يلخبط مادري كيف اركب اي خط لوجهتي بس الشعب ودود ويساعد اخوي ايش مدن الالعاب الموجوده بطوكيو او خطتي سيري اللي اقترحتها لي غير دزني لاند طبعا |
wala0022 أختـي بالنسبة للأماكن الترفيهية في طوكيو - J-World في مجمع Sun ShineCity - برج طوكيو Tokyo Tower فيه ألعاب ون بيس - في Odaiba فيها عدة أماكن مثل متحف الشمع ومتحف الخدع البصرية وليقو ديسكافري - مدينة ألعاب هيلو كيتي اسمها Sanrio Puroland الميترو سهل واحد يروح بجهة والثاني العكس ويكتبون اسم المحطة القادمة والقطار بأي جهة بس أهم شي تعرفون اسم المحطة إلي بتروحون لها والأفضل تستخدمون Google Map |
بالفعل اخوي قوقل ماب سهل علي كثييييير الله يجزاك خير اليوم طالعين على ناغويا وبنجلس فيها 4 ايام وين تنصحنا نروح ونتمشى خصوصا ان وصلنا لها الصبح شفت تقرير الجميل الرائع هذا https://www.arabtrvl.com/vb/t20338-4.html وقلت اول مانوصل بنروح الحديقة واليوم الثاني الالعاب باقي الايتم ابغى نصيحتك وهل في مدن اقدر ازورها جنب ناغويا وارجع ؟! |
wala0022 أختـي انصحكم بزيارة الأكواريوم Nagoya Port Aquarium وكذلك يوجد متحف القطارات SCMAGLEV and Railway Park ومتحف تويوتا التكنولوجي |
شكرا لكم استفدت من موضوعك |
| الساعة الآن 11:32 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO