|
ساعدوني بتخطيط سفرتي لليابان السلام عليكم ورحمة الله وبركاته هذه الاسئله موجهه لذوي الخبره و ل الاخ برنس كيوتو -قرأت تقريرك عن اليابان واستفدت كثير من المعلومات الموجوده- اذا ممكن المساعده انا بسافر بحول الله في نصف شهر مارس بروح اسبوع كوريا -زرتها من قبل وحبيتها- و بعدها اسبوعين اليابان بحول الله في بالي المدن التاليه : أوساكا-طوكيو-كيوتو-نارا-فوجي (مش مرتبه) وأنوي زيارة جزيرة و أقيم في منتجع من باب التغيير ومحتاره بين هاكوني و إيزو , ايش رايكم؟ او حتى لو عندكم خيار اخر .. واذا في اسم منتجع معين حلو وهل تنصحون بزيارة مدن اخرى؟شي تحسونه مميز وفرصه الواحد يزوره؟ وبالنسبه للمدن الي ذكرتها ممكن اقتراح عدد ايام في كل مكان؟ علما اني بوصل اوساكا تاريخ 21 مارس و راح اغادر من طوكيو للرياض تاريخ 4 ابريل -خط السير الرياض-سيول-اوساكا-طوكيو-الرياض- تعمدت احجز كذا عشان ما يصير في روحه و رجعه كثير داخل المدن ف بالاضافه لعدد الايام ايش خط السير المقترح ابتداء ب اوساكا و انتهاء ب طوكيو , المدن المذكوره لو ممكن تيتم ترتيبها حسب الاسهل في الوجهه سؤال اخير هل في هذي الحاله ال jr pass بيفيدني؟ يُنصح ب شرائه ولا اشتري تذاكر اليوم الواحد من هناك .. ؟؟ ومشكورين |
وعليكم السلام اسبوعين في اليابان مناسبه خصوصا اذا راح تقتصر على المدن الي ذكرتها بخصوص الجزر الخاصه بالأستجمام فهي بعيده بعض الشي اذا كنت راح تزور جزيره جيجو في كوريا ف أتوقع تكفيك المده المقترحه كالتالي أوساكا 5 أيام طوكيو 9 أيام فيما يخص (كيوتو + نارا ) ف ماتستاهل السكن حسب رأيي يكفيك انك تخصص لها يوم كامل من الصباح ثم تعود اخر اليوم لفندقك في اوساكا كيوتو تبعد 40 دقيقه بالقطار , ونارا تبعد 50 دقيقه فوجي الذهاب له يكون من طوكيو عن طريق القطار او الباص وأفضل لك القطار وفيه تبديل وتستغرق الرحله ساعتين تقريبا فيما يخص فوجي السكن فيه لاتزيد عن يومين كافيه جدا ثم العوده لطوكيو واكمال المده المتبقيه لديك كذالك مدينه يوكوهاما وهي قريبه جدا من طوكيو 30 دقيقه بالقطار وتقع على الساحل JR Pass ما أتوقع راح تحتاجها لأنك راح تستخدم القطار أربع مرات فقط طبعا عليك الحسبه سعر ال JR Pass لمده 14 يوم هو 1500 ريال نجي لتكلفه الرحلات المتوقعه لك في اليابان من اوساكا الى كيوتو والى نارا حوالي 800 ين حوالي 30 ريال تقريبا للرحله الواحده يعني ( 120 ريال ذهاب وعوده) ومن طوكيو الى فوجي حوالي 140 ريال (ذهاب وعوده) اغلى تذكره هي قطار الطلقه من اوساكا الى طوكيو تكلفك 400 ريال يعني مجموع ماسوف تدفعه في التنقل عن طريق القطارات هو 660 ريال الفرق في التوفير حوالي 900 ريال لو بتاخذ بطاقه ال JR Pass أتمنى اكون افدتك بالتوووفيق |
جزاك الله خير على الرد اخوي بالنسبه لجيجو في كوريا انا رحتها السنه الماضيه ما ودي اكررها ف حابه اجرب جزيره في اليابان و منتظره اقتراحات الناس الي راحوا بالنسبه لل jr pass الي فهمته انه شامل ايضا التنقلات وسط المدن لبعض خطوط المترو صحيح؟ يعني بالحسبه هذي 660 ريال لو ما شريت الباس .. طيب مواصلات المترو اليوميه ل 14 يوم كم تقريبا بتكلفني؟ وهل فعلا ال jr pass بيغنيني عن شراء تنقلات المترو اليوميه ولا لا ؟ وشكرا على باقي التفاصيل والرد اقتباس:
|
ومعليش سؤال اخر سمعت ان تذاكر التنقلات اليوميه اكثر من نوع في نوع يشمل جميع الشركات ؟ ايش اريح و اوفر طريقه للتنقلات سواء اليوميه او بين المدن؟ |
ايش الفرق بين لل pasmo و ال suica احترت ب انواع البطاقات مادري ايش الانسب و الاوفر ممكن المساعده |
بطاقه ال JR هي الخاصه بالقطارات فقط ( بين المدن والي توصل لضواحي المدن ) مثل طوكيو اذا بتروحين لأطرافها لازم لك استخدام ال JR لان المترو مايغي هالمناطق تنقلات المترو داخل المدن لازم لها بطاقه اخرى مثل Suica او Pasmo والتنقلات بالمترو معروف انها ارخص شي في كل دول العالم في اليابان المشوار الواحد يعتمد على بعد المحطه بس غالبا ماتتجاوز ال 6 ريال للمشوار |
ممتاز الصوره وضحت ما قصرت |
بنسبه للجزر فيه جزيرة Miyajima جميله وتقع في هيروشيما وهي قريبه من اوساكا لكن يفضل أن تاخذو ليله هناك لصعوبه الذهاب والعوده بنفس اليوم وأيضا لزيارة هيروشيما |
ما قصروا الشباب في الإجابة وأي استفسار آخر أختـي أنا حاضر |
اجازة سعيدة ويعطيكم العافية على الافادة |
| الساعة الآن 12:25 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO