كوريا الجنوبيه للسعوديين ماتحتاج فيزا
الفيزا عند الوصول بالمطار

حسب قوقل ماب يوجد قطار يوديكم من مطار inchon الى مطار gimpo
والمده حوالي 40 دقيقه

والأفضل بالمطار تسئلون عن كيفيه اخذ القطار

لكن اتوقع دام معكم تذاكر رحله سيؤل - طوكيو
وكوريا بالنسبه لكم محطه ترانزيت ماراح يحتاج تستخرجون الفيزا , بس اذا وصلتو هناك شيكو معاهم
او ارسلو ايميل للخطوط واسئلوهم عن الإجراءات

حاولو انكم تقصون البوردنق
حق رحله سيؤول - طوكيو من مطار الرياض عشان تكونون مأكدين الرحله
فما يبقى معكم الا شحن الشناط هناك


واذا قالو لكم مانقدر نعطيكم البوردنق ولازم تاخذونه من كوريا
ف الكاونترات الخاصه بشحن العفش وقص البوردنق تغلق عاده قبل الأقلاع ب 50 دقيقه
يعني الكاونتر حق رحلتكم في مطار gimpo بيقفل الساعه 3.30


لو نحسبها في وقت ان شاء الله

الوصول 12.30
احسبو لكم 30 دقيقه الى ماتطلعون من الطياره وتاخذون العفش ( كأقصى تقدير )
يكون باقي معكم ساعتين ونصف
احسبو 30 دقيقه الين تحصلون القطار داخل المطار وتشترون التذاكر ( كأقصى تقدير )
ف تركبون القطار بالكثير الساعه 1.30
والمسافه 40 دقيقه لمطار gimpo بدون تبديل
على الحسبه الي فوق وصولكم لمطار gimpo يكون ع الساعه 2:15
يعني قبل اغلاق كاونتر العفش بساعه وعشر دقايق


ف ان شاء الله ببيمديكم
لاتشيلون هم