شبكة و منتديات العرب المسافرون - بعض الاسئلة عن طوكيو والوقت المناسب لها

- بوابة اليابان (https://www.arabtrvl.com/vb/f126.html)

بعض الاسئلة عن طوكيو والوقت المناسب لها

السلام عليكم ورحمه الله وبركاته

لي فتره طويله اخطط اسافر لليابان وبعد ما استقليت وتوظفت قررت اني اسافر في اقرب وانسب وقت ممكن
فقررت اسافر في ربيع 2020 و لكن ما عندي وقت محدد او تاريخ معين , مع العلم هذه اول مره لي اسافر واخطط لوحدي بدون الاهل او الاصدقاء

فكان التاريخ الذي وضعته لنفسي من 1-15 مارس و لكن بدأت بالتفكير هل هذا فعلا افضل وقت اسافر فيه
كيف ستكون الزحمه وهل فيه امكانيه الحق على الساكورا ووش وضع الاولمبياد 2020

فاذا تكرمتوا عندي بعض الاسئلة لاهل الخبرة

متى تبدا الساكورا تفتح ؟ "موب شرط تكون كامله و سمعت انه ممكن تتفتح بشكل كامل 27 مارس وانا ما اهتم مره بس ابغى اشوفها ولو ما تفتحت بالكامل"

هل التواريخ المذكوره "1-15 مارس" طوكيو راح تكون مزحومه ؟ "ما اقصد الزحام العادي اللي يصير بطوكيو طول السنة"

هل سفرتي بتتداخل مع السياح اللي جايين عشان الاولمبياد ؟ "مع العلم الاولمبياد راح يبدا في الصيف"

سؤالي الاخير , كيف راح يكون الجو هل يحتاج ملابس ثقيلة ؟

ارجوا الرد في اقرب وقت ممكن لقرب موعد الحجز
وشكرا جزيلا :)

وعليكم السلام ورحمة الله وبركاته
اعتذر على التأخير وجاري الرد على الأسئلة

متى تبدا الساكورا تفتح ؟ "موب شرط تكون كامله و سمعت انه ممكن تتفتح بشكل كامل 27 مارس وانا ما اهتم مره بس ابغى اشوفها ولو ما تفتحت بالكامل"

يعتمد التاريخ على حسب حالة الطقس والمنطقة
غالبا تتفتح بنهاية شهر 3 إلى منتصف شهر 4 في طوكيو

هل التواريخ المذكوره "1-15 مارس" طوكيو راح تكون مزحومه ؟ "ما اقصد الزحام العادي اللي يصير بطوكيو طول السنة"

الفترة تعتبر مناسبة ولكن أرشح إنها تكون من تاريخ 15 إلى نهاية شهر 3 لسببين
علشان تضمن - إن شاء الله - تلحق على الساكورا
والسبب الثاني إذا كنت مهتم بالأنمي فيكون معرض Anime Japan في نهاية شهر 3 ممكن يكون بتاريخ 25 أو 26 أو 27 تقريبا

هل سفرتي بتتداخل مع السياح اللي جايين عشان الاولمبياد ؟ "مع العلم الاولمبياد راح يبدا في الصيف"

لا ما راح تتداخل الاولمبياد .. تبدي ازدحامها قبل بدايتها بشهر بالكثير فقط

سؤالي الاخير , كيف راح يكون الجو هل يحتاج ملابس ثقيلة ؟

اصعب سؤال يتكرر علي :20:
لأن يختلف من شخص لآخر
الجو ربيعي وبالنهار إذا كانت السما صافية مافي برد
بس في الليل أحيانا يكون برد فالأفضل وإلي دايما أنا اسويه
ألبس صيفي ويكون معاي جاكيت إذا اشتد البرد

وأتمنى لك رحلة موفقة

بالنسبه للجو ادخل موقع الطقس وحدد طوكيو والشهر وتشوف المعدل

بالليل والنهار

مشكور يا مشرفنا ما قصرت و شكرا على نصيحتك بالتواريخ صراحه ما كنت اعرف ان المعرض بذي التواريخ ولا حتى فكرت فيه.

مشكور يبو لجين المشكله الارقام ما تكون دقيقه وواضحه يقولك 20 مثلا بس فعليا ما تعرف وش يحتاج 20 لبس ثقيل خفيف.

يعطيكم العافية :)