|
محتاجة مشورتكم لزيارة جدة . بما أن مدة اقامتنا في مكة ستكون 6 أيام و-6 ليالي . فكرنا ننتهز الفرصة و نقضي يوم في جدة على أن يكون الإنطلاق في حدود الساعة 10 صباحاً والعودة المساء بعد صلاة العشاء. إيه رأيكم هل الفكرة تستاهل العناء ؟ هل تتوفر باصات نقل عام نظيفة وآمنة أو تاكسي جماعي بالنفر يكون موقفها قريب من الحرم المكي ؟ أقرب محطة لوسط البلد عند الوصول لجدة ؟ أماكن الزيارة التي تنصحوني بها ؟ أكبر مول أو تجمع تجاري في جدة يمكن نتسوق منه ؟ تكفون ما تبخلون علي بالمساعدة :e304: |
هلا أم هيثم أشوفها فكرة حلوة لزيارة جدة فيه باصات للنقل الجماعي سابتكو اسألي عنها وين توقف في مكة تأخذك الى جدة موقف الكورنيش واطلبي التوصيل لهذه النقطة ( الكورنيش) قد يأخذ منكم الطريق ساعة واذا وصلتوا مشي الى مركز الكورنيش و راح تشوفوا المحلات اللي هنا كلها https://www.arabtrvl.com/vb/t8898.html سوق الكورنيش : الدور الخامس للعطور بأسعار الجملة سوق الفيصلية : الجزم الرياضية والنظارات تقريباً سوق المحمل : الدور الخامس للشاي المغربي عمارة الملكة : فيها كافيه دارة القهوة الشهير و محلات السبح ومكدونالدز عموماً المنطقة تاريخية ولو مشيتوا قدام شويه راح تشوفوا بيوت جدة القديمة بحيث تشوفوا بعد حلويات النقلي ( بيت نصيف ) اللي استقبلوا فيه الملك عبدالعزيز عند دخوله جدة و أمام البيت تشوفون بيوت جدة القديمة بالرواشين لو حبيتوا تروحوا لسوق حديث تاكسي من هناك بـ 20 ريال تقريباً الى السلام مول في المطار القديم أو حي النسيم وهو مول كبير و تتوفر فيه مطاعم و ماركات عالمية ارشح يكون برنامجكم كالتالي : لما توصلوا لمحطة الكورنيش في جدة تأخذوا تاكسي مباشرة الى السلام مول وعلى الساعة 4 عصراً ممكن ترجعوا للبلد عشان تمشوا فيه براحتكم بحيث تكون الشمس أهدأ شوي بالعصر ولو عندك استفسارات حاضرين |
اقتباس:
لو تكرمت ممكن توضح لي النقاط التالية : 1/ هل يوجد 2 مول السلام واحد في حي السليمانية، شارع الأمير ماجد، طريق الملك عبدالله و الثاني في حي النسيم ؟ إن كان جوابك بنعم فأيهما أقرب لمركز الكورنيش وهل فيه واحد أفضل من الثاني ؟ 2/ مدحوا لي رد سي مول . ما رأيك فيه . وهل هو أبعد من السلام مول عن الكورنيش ؟ 3/ موعد إنطلاق أخر حافلة من جدة في إتجاه مكة؟ مع العلم أن سفرنا تحدد يوم 1 ابريل بإذن الله 4/ هل مسموح لنا التصوير في جدة أم ممكن نواجه مشاكل ؟ طبعا أقصد الأماكن السياحية والتاريخية وليس الأمكن المكتظة بالعوائل . أعرف ثقلت عليك بس العشم كبير وأنت أبو الكرم كله . تحياتي لسعة صدرك |
اقتباس:
اسألي براحتك يا أم هيثم |
اهلا بيكي اختنا ام هيثم وعمره مقبوله بإذن الله فعلا زي ماذكر اخونا اخر فرصه بالزبط :72::72: التوجه صباحا من مكه بالباص15-20 ريال التذكره للشخص ( شركة سابتكوا ) الى محطة جده (امام البريد السعودي وسوق الكورنيش والمحمل ) طبعا في تكاسي وباصات صغيره من مكه امام فندق التوحيد بالنفر بس ينزلوكم عند باب مكة بجده وما انصحك فيها عشان ماتضيعي وتلخبطي والوقت قصير فخلينا مع باصات سابتكو .... منها مباشره بالتكسي الى السلام مول وهو مول جدا كبير وفيه كل شيء مثل الرد سي مول وافضل ... تقريبا 20-25 ريال التكسي بعد العصر العوده من السلام مول الى البلد ( جده التاريخية ) 20-25 ريال للمنطقة التاريخية بجده ( تطلبي من التكسي يوصيلك اسفل سوق المحمل ) وعند سوق المحمل ممكن تسألي عن مدخل جده التاريخيه الي راح تشوفيه مباشره وتتجولي فيها وتسألي عن بيت نصيف والافضل تشوفي موقعه بالنت المسافات ماهي بعيده ومع زحمة الناس ماتحسي بالمشي بعد المغرب ممكن التجول في سوق المحمل والكورنيش بعدالعشاء الذهاب مشي للمحطه نفسها العوده بباص النقل الجماعي (سابتكوا ) من نفس مكان الوصول.... مقابل البريد السعودي الى مكه تقريبا الرحلات للباص لمكه على مدار الساعة وتكون مع بداية كل ساعه https://www.arabtrvl.com/up/uploads/...7025474091.jpg خريطة توضح محطة باصات جدة سابتكوا رحله موفقه ان شاءالله ولا تفويتها لان الطقس بجده حاليا والى شهر ابريل بيكون جميل جدا ... واحنا تحت امرك يا ام هيثم :e444: |
أبو غسان ، باش مهندس غسان شكراً لكما بحجم السماء . والله كرمكم في الردود أخجلني . ما قصرتوا يا الغالين ...كفيتوا ووفيتوا يجعلها في موازين حسناتكم إن شاء الله. بإذن الله سأتبع ارشاداتكم خطوة.. خطوة . ويا رب ما نتعب في المفاصلة مع أصحاب التاكسي في جدة . مثل ما صار معانا في مكة العمرة الفارطة . تحياتي وتقديري واحترامي لكما اخواني الأفاضل و دمتم بخير :e032: أسأل الله أن يتمم لنا على خير و يسهل أمورنا . |
اختي تونسية اهلاً وسهلاً بكِ في جدة جدول ابو غسان ممتاز السلام مول كبير جداً وفيه مجموعة من الخيارات الممتازة للتسوق والطعام والمقاهي اذا كنتِ تبحثي عن محلات الماركات العالمية مثل بيربري وچيفنشي ماراح تحصليها بالسلام هنا لازم تزوري زي ماقالولك رد سي مول او مركز الخياط اما اذا حابة الماركات الاخرى مثل قاب وزارا فالسلام مول هو المكان المناسب اذا كنتِ من عشاق القهوى العربية او حابه تجربي افضل دلة قهوة زوري مقهى صُناع القهوة في السلام مول خيارات الحلويات عندهم عديدة مثل البسبوسة والكنافة والكيك والتشيز كيك وبخصوص المطاعم انا افضل مطعم ابل بيز لكن بالمول خيارات متعدده صيني هندي مصري يمني عالمي رحلة موفقة واي سؤال احنا بالخدمة:5: |
اقتباس:
|
اي سؤال عن جدة لا تترددي |
| الساعة الآن 04:30 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO