|
كونراد مكة السلام عليكم بغيت استفسر عن فندق كونراد مكة سمعت انه جديد و حديث و يتبع هيلتون بس حسب بحثي شكله صاير خلف فندق التوحيد فهل هو بعيد كثير و كم تقدر المسافة معاي شخص راح يستخدم كرسي متحرك الاسئلة التفصيلية :30: -------------------------- هل فيه عبور للشارع عشان اوصل ساحات الحرم ولا نفس ابراج البيت من اطلع على طول في الساحات بدون عبور شوارع واذا فيه شارع هل الوضع مهيئ للمشي بالكرسي المتحرك لكبار السن مش عارفة من الصور حسيت في عتب و ادراج قبل الساحات المقابلة لكونراد ماعرف اذا الصور اللي شفتها صحيحة او في ممرات للكراسي المتحركة و مناطق مهيئة و اقتراحاتكم البديلة انا صراحة صار لي 10 سنين تقريبا ماسكين موفيمنبك بس احسه صار قديم شوي فمحتارة اغير او لا |
عليكم السلام الفندق يفصله عن الحرم شارع ابراهيم الخليل وهو شارع مزدحم وفيه شي من العشوائية فيه صعوبة اذا فيه احد يستخدم كرسي متحرك لقطع الشارع اتوقع ان فيه فنادق افضل منه من ناحية الموقع مثل الهلتون وبولمان اتمنى لك التوفيق |
خليج على الموفنبيك او الفنادق في الابراج والأفضل بعد احجزي التوحيد او الفيرمونت اذا تبين شي راقي بس الفيرمونت يعيبه الانتظار للمصاعد ومثل ماقال اخوي الردادي الشارع خلف التوحيد زحمة والرصيف نص الشارع عالي يعني للكرسي ما يصلح |
هلا اخت منيرة اللي بيسكن فندق كونراد لازم يقطع شارع ابراهيم الخليل عشان يوصل للحرم والشارع مزدحم باصات وتكاسي .. اللي معه كبير في السن بكرسي متحرك افضل له يسكن في فنادق وقف الملك عبدالعزيز او دار التوحيد بحيث تطلع على ساحات الحرم مباشرة . الله يتقبل منكم . |
اقتباس:
الهلتون اعتقد فيه اثنين فندق و سويتس وايهم الافضل وهل الاثنين في نفس مجمع الهلتون القديم ؟ مجمع الهلتون احسه قديم و مداخله و مخارجه سيئة و تغلب عليه العشوائية بولمان هو زمزم القديم صح ؟ هل هو مجدد ؟ شاكرة لك |
اقتباس:
الفيرمونت هو الساعة صح ؟ كيف مدخله نفس مدخل مجمع الابراج (اللي فيه الموفيمبك و روتانا ) ؟ ياليت شرح عنه لوسمحتي |
اقتباس:
و تطلب دور مجدد و تنضرب بعد في النهاية دايما الغرفة ماتكون بالمستوى المطلوب منا و منك ان شاءالله |
اغلب فنادق ابراج الملك عبدالعزيز حلوة وافضلها رافلز وفيرمونت كفخامه واطلاله .. لكن الصراحه انا ما جربتها لانها غاليه .. انا سكنت اكثر من مره في سويس اوتيل لان اسعاره معقولة والفندق جيد بشكل عام . ادخلي بوكنج وشوفي تعليقات النزلاء الحديثة للفنادق وقرري وش يناسبك . |
اقتباس:
توكلت على الله و حجزت في فيرمونت بس حبيت اتأكد مدخله نفس مدخل مول وقف الملك عبدالعزيز صح ؟ يعني من المول اخذ المصعد لي طابق الفندق و بعدها مصعد اخر للغرف |
الحمدلله رجعت من العمره وسكنت بالفيرمونت صراحة كل العيوب اللي سمعتها من المنتدى و خارجه ماشفتها الحمدلله اللهم زحمة الحرم لأن فاتحين الزيارة لجميع الجنسيات بس الحمدالله الله عاننا ---------------------------------------------------------------------------------- على فكرة فاتحين البيك في مطار جدة بس ماعندهم بروستد هذي اول تجربة لي بس للاسف خذت سندويش صراحة ما شفت شي مميز الا اذا البروستد غير |
| الساعة الآن 11:47 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO