|
اعلان هااااام السلام عليكم ورحمة الله وبركاته صباح/مساء الخير على الجميع انا الان موجود في بوليفيا (لاباز) راح اقولكم قصة دخولي لبوليفيا وصلت لمطار سانتا كروز في رحلة ترانزيت قادما من ريو دي جانيرو البرازيليه ومتوجه الى لاباز المهم وصلت الصباح وشفت تعامل سيء وصلت عند الموظفه قالت تحتاج فيزا وانت مامعك قلتلها انا استطيع الحصول عليها لديكم من المطار حسب تصنيف دولتي لديكم ناظرت جوازي قالت استريح ياجماعه والله سحبت شرشف وتلحفت وميلت راسها ونامت وانا جالس انتظر ممكن لمدة ساعه اكلم بقية الموظفين كلهم يقولوا هي المسؤوله جلست وامري لله بعدها جات ومعها ٤ موظفين وكل واحد يسئل المشكله قبل لايبدأ الكلام بيني وبينهم اعطيتهم كل حجوزاتي الطيران والفنادق ولكن مافيه فائده بعدها سئلتني كيف تصرف على نفسك هنا قلتلها معاي مبلغ كذا بوليفي ودولار امريكي وريال برازيلي وعندي بطاقات فيزا وماستركارد 6 لكن برضه مافيه فائده جالس لحالي بالصاله عندهم تأخرت على الرحله الثانيه ولازم اقص البوردنق المهم جاء موظف وكلمته قالي اوك راح كلمها قالت ابغى يعطيني كشف حساب من البنوك اللي حساباته عليها قالي قلت ماعندي انا سائح اشيل اوراق ليش معاي ماني مستثمر سبحان الله جاء في بالي قلتله عندي صوره لخطاب تعريف من عملي كلمها قالت اوك واعطاني رقم جواله تخيلوا وارسلتها له واتس هههههههه ومشيت الامور الحمدلله وعند دفع مبلغ الفيزا رفض كاش قال لازم بطاقه واعطيته وانتهينا الحمدلله اللي ابغى اوصله ياشباب اللي رايح يأخذ معه كشف حساب وخطاب تعريف احتياط وبالتوفيق للجميع يارب وسامحونا على الاطاله |
هلا مساء الخير يا غالي والحمد لله على السلامة دول امريكا الجنوبية عموماً لابد من أخذ الاحتياطات اللازمة ان ما كان معك فيزا بحيث تأخذ معك كل شي على ورق مثل برنت حجز العودة + برنت حجز فندق + برنت كشف حساب أو كاش + صورة شخصية + صورة الجواز ينطبق أيضاً على دول مثل كمبوديا + لاوس وكذلك بعض الدول الافريقية مثل جيبوتي + تنزانيا + الصومال + تشاد وغيرها من الدول اللي ما وصلها التطور أتذكر البرازيل رجعوا سعودي مع أن معاه فيزا بسبب خلاف مع الموظف لذا لابد الواحد يكون حريص جداً في التعامل مع موظفي الجوازات لأن بامكانه يلغي فيزتك أو يرفض منحك فيزا عند الوصول شكراً على طرح تجربتك يا غالي رحلة سعيدة ولا تنسانا من تقرير عن الرحلة :e032: |
عليكم السلام الحمد لله على السلامه اكرة مزاجية بعض الموظفين خصوصاً اذا جاتك حرمه ما تمشي شي :32::32: مثل هذه الدول قليل من يسافر لها من عندنا حتى ان بعضهم لا يعرف دولنا ولم يسمع بها لذلك اللي يسافر لتلك الدول البعيدة مثل دول امريكا الجنوبيه ياخذ معه كل شي ويحسب حساب كل شي وحتى ان بعض الدول تشترط عليك تطعيمات عن امراض معينة وتحضر ورقه تثبت ذلك حتى لو معك فيزا او كنت معفي منها الورقه ضرورية ولا يختم لك بدونها |
اخوي اخر فرصه اخوي الردادي والله كلامكم سليم لابد تأخذ احتياطك وعلى فكره معاي كرت التطعيم ضد الحمى الصفراء وماطلبوه 😂 الموضوع مزاجيه حتى عند دخول البرازيل الموظفه اخذت جوازي وراحت مكتب داخلي ورجعت وختمت ابشروا بإذن الله انزل تقرير بعد العوده بإذن الله |
الحمد لله على السلامه ... انا قبل اسبوع بمطار ساوبالو اخد الجواز وراح لغرفه 3 دقايق ورجع وختم.... ولاكن صراحه بوليفيا مافيها شى يشجعك عليه ... حتى بارغاوى دى سول جنبى عند اقوزاو الشلالات ومارحت وهى ادخل واطلع وماحولك احد ..... ما احد يبغى قلق... بالتوفيق ..... |
الله يسهل امورك وترد لنا بتقرير مفصل شكراا للتنبيه وذكر تجربتك |
وحيد السفر / حياك الله اخوي فعلا البرازيل كذا التعامل دخلت عن طريق ريو دي جانيرو والمره الثانيه ساوباولو يروح الموظف بالجواز لمكتب داخلي ويرجع يختم وتمشي امورهم سهالات اما بالنسبه انه بوليفيا مافيها شي يذكر سامحني اخطأت يالغالي في معرفة تفاصيل وجمال هاذي الدوله عندك لاباز اعلى عاصمة في العالم فوق السحاب وفيها من اخطر طرق العالم طريق الموت مسافته 64 كيلو وممكن تقطعه بالدراجه وطلعت هاذي الرحله وكانت ممتعه جدا عندك قرية أويوني فيها مقبرة القطارات بين بوليفيا وتشيلي والقصة الشهيرة بين الدولتين وفيها اكبر صحراء ملح في العالم وتمت زيارتها عندك مدينة سانتا كروز الخضراء واجوائها الرائعه والاماكن السياحية حولها اختي توبليرون / حياك الله شرفني مرورك اختي وابشروا بإذن الله راح يكون تقرير رائع قريبا |
الحمد لله عدت ع خير رغم النكد وتعكير المزاج مشكلة اللي يروح لمثل الدول ولاعنده اي فكره عنها شوقتنا لرحلتك ونبي تقرير مفصل وصور نستمتع في مشاهدتها مثل هذة الدول نحتاج نقارير نستفيد منها الف شكر يالجنرال لذكر تجربتك وبشغف نتظر تقريرك :e032: |
فارس من خيال/ حياك الله اخوي الحمدلله عدت على خير بالنسبه للانظمه عارفها تمام ومجهز كل اموري وفيه 2 من الاصدقاء وهم من اشهر الرحاله السعوديين قلتلهم على طلب كشف الحساب قالوا انه طلب غريب وماطلب منهم نهائيا ابشروا بإذن قريبا تقرير مفصل :e306: |
الحمدلله على السلامة شكرا على التنبه |
| الساعة الآن 10:26 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO