|
مساعدة مخطط لامريكا السلام عليكم ،، الحمد. الله رجعنامن أمريكا قبل فتره وحاليا مخطط ارجع لها مره ثانيه والمده بتكون شهر تقريبا فودي بمخطط حلو ينتهي بالعوده من اورلاندو او ميامي والمكوث فيهم 10 ايام |
اول شي الحمدالله على السلامة اي المدن والولايات اللي زرتها اخر مرة ومتى ناوي ترجع Sent from my iPad using Tapatalk |
و عليكم السلام ما يقصرون معك المشرفين و الخبراء ياليت تكتب لنا تقرير بسيط عن رحلتكم الماضية |
ياليت تحط لنا تجربتك كيف كانت بما انه كمان معاك اطفال نفس وضعي تقريبا لاني متخوف مع الاطفال مو زي الواحد لحاله |
الله يسلمكم... بالنسبه للمدن زرت نيويورك اورلاندو وميامي وودي هلمره ازور فيغاس ولوس انجلوس بلاضافه الى ميامي وارلاندو Vip tems الحمد الله الرحله كنت ممتعه مع الاطفال صج شوي تعب بس تستاهل واذا عندك اي استفسار انا خاضر |
مرحباً بك أخي Mafio98 بما أنك زرت أورلاندو وميامي أقترح تغير هالمره بجانب لوس انجلس وفيغاس زور سان فرانسيسكو و سان دييغو والطريق من سان فرانسيسكو إلى لوس أنجلس يعد من افضل الطرق في العالم من جمال المناظر وبعدها تقدر تروح للشمال سياتل و بورتلاند. اقصد أنك تغطي الجهه الغربيه بكاملها وإذا كنت مصر على ميامي وارولاندو فأضفها وأقترح تزور الكي ويست key west تبعد 3 ساعات عن ميامي وايضاً تامبا/كلير ووتر مجرد رأي وأي مساعده في تفاصيل التخطيط أحنا حاضرين |
بصراحه سوق ميامي واورلاندو مايتطوف فوجودهم ضروري بالرحله الرحله كامله تقريبا من 35-40 يوم 10 ايام مخصصه لميامي وارلاندو باقي لي شهر اذا في مقترح للجانب الغربي ياليت تذكره لي اخوي ابوناصر |
رد اقتباس:
مرحباً بك أخوي أقترح والرأي لك تكون رحلتك في الجانب الغربي بالسياره لوس انجلس-سان دييغو-لاس فيغاس-سان فرانسيسكو-لوس انجلس حطيت العوده من سان فرانسيسكو لـ لوس انجلس عشان تكون من جهة البحر وتستمع بالمناظر بس تأكد انك تسلك الطريق المواجه للبحر highway 1 وأقترح أنك تخلي يوم أو يومين بين سان فرانسيسكو ولوس أنجلس وتوقف في Monterey وايضاً Carmel-by-the-Sea كما انصحك أنك تتطلع على التقرير أدناه بيفيدك في بعض محطات الوقوف http://www.arabtrvl.com/vb/t10849.html بس سلك إتجاه آخر اي استفسار أحنا حاضرين |
أي زيارة لأمريكا لاتشمل كاليفورنيا أعتبرها ناقصة بالذات سان فرانسيسكو ولوس أنجليس لأن بعض من يسافر أورلاندو بسبب عالم ديزني والأصل في لوس أنجليس |
اقتباس:
ناس كثير ليسوا من عشاق ماليفورنيا. مع العلم عالم ديزني في اورلاندو اكبر من ارض ديزني في لوس انجلس بكثييير واكثر خيارات واورلاندو جوها معتدل خلال فترة الشتاء والربيع بعكس كاليفورنيا |
مشكور اخوي بوناصر علمقترح مع علبك امر ممكن تكتب لي الايام المقترحه بكل منطقه وشنو اماكن سياحيه فيها |
:26: |
أعتذر عن التأخير في الرد لأسباب خارجه عن الإرادة لوس أنجلس 7 أيام لاس فيغاس 3 ايام سان فرانسيسكو 4 ايام سان دييغو 3 ايام وفي الطريق من سان فرانسيسكو إلى سان دييغو توقف في أحد المدن اللي تعجبك تخلي لها يومين يصير الاجمالي 19 يوم لجهه الغربية بالاضافة الى ال 10 ايام اللي راح تقضيها في ميامي وارولاندو |
مشكور اخوي بوناصر |
ماقصروا الاخوان الله يجزاهم كل خير لي رجعة باذن الله لادلي بدلوي :17: |
اقتباس:
ليش يروح لسان ويرجع مره ثانيه عشان سان دييقو خصوصاً الرجل معه اطفال و وبخصوص سان فرانسيسكو انصحك بالسكن في منطقة الفشر مان والابتعاد عن الداون تاون لخطورتها ليلاً لكثرة الهوم لس |
اقتباس:
والله معاك حق ما انتبهت لهذي النقطه. بس هدفي الوحيد يخلي سان فرانسيسكو الى جنوب كليفورينا عشان يكون في جهة البحر على طريق المحيط في هذه الحاله يكون لاس فيغاس - سان فرانسيسكو - لوس انجلس - سان دييغو شكرا على التنويه عبدالمجيد |
السلام عليكم... الحمدالله تم اعتماد جدول الرحله وهو 4 ايام نيويورك 5 لوس انجلوس 3 سان ديغوو 2 لاس فيغاس 10 اورلاندو 6 ميامي المطلوب لو سمحتوا افضل المناطق للسكن في لوس انجلوس / سانديغوو / لاس فيغاس واذا في فنادق زينه ياليت ذكرها |
| الساعة الآن 05:06 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO