شبكة و منتديات العرب المسافرون

- بوابة امريكا (https://www.arabtrvl.com/vb/f168.html)

- - مطار شيكاغو (https://www.arabtrvl.com/vb/t13120.html)

مطار شيكاغو

السلام عليكم '
ان شاءالله عندي رحله لشيكاغو ومااعرف شي بمطارها :15:
حاب اسال اللي له خبره ويعرف يعطيني معلومات
رحلتي بتكون على الخطوط القطريه لشيكاغو
بعد مااوصل لشيكاغو كيف اقدر اعرف مكان الحقائب
وصحيح ان اركب مترو عشان اروح لمكان الحقائب
بعدها عندي رحله بعد 3 ساعات كيف اقدر اعرف مكان الرحله احصل احد يوصلني للمكان من الموظفين وهالوقت 3ساعات بيمديني ولا تروح علي الطياره

مرحبا بك
وعليكم السلام

الخطوط الخطوط القطرية توصل في صالة رقم 5
وبالنسبه للحقائب على حسب حجزك هل هو الى اخر محطة وصول؟ والا بس لشيكاغو والتذكره الثانيه شاريها لحالها؟

بالنسبه للشنط تابع اللوح بعد ما تخلص الجوازات لوحة مكتوب عليها baggage claim هذي توديك لإستلام الشنط

وعلى حد علمي في مسار عند الجوازات للي عندهم رحلات connection بتلاقي عسكري/عسكريه قوللهم عندي رحله وابغى الحق عليها

3 ساعات جداً كافيه لأن لأن الرحلات الداخليه معاك إلى قبلها ب ساعه ونص إلى ساعه تقريباً

وبالنسبه للرحلتك التكمله تلاقي مكتوب في التذكره في صالة.
او قولنا ايش اسم الخطوط وراح اشوفلك

والأمور جداً سهله لا تستصعبها ابداً الشعب الامريكي لطيف ومتعاون

اقتباس:

المشاركة الأصلية كتبت بواسطة ابو ناصر المسافر (المشاركة 180815)

التذاكر كل وحده شاريها لحال
الخطوط اسمها امريكان ايرلاينز
لاهنت والله بس اخوك واللغه ماهو مره كلمه كلمتين :28:

اقتباس:

المشاركة الأصلية كتبت بواسطة nasoore (المشاركة 180990)

التذاكر كل وحده شاريها لحال
الخطوط اسمها امريكان ايرلاينز
لاهنت والله بس اخوك واللغه ماهو مره كلمه كلمتين :28:

ماهي مشكله الامور جداً سهالات

الحلو ان امركان ايرلاينز في الصاله رقم 3 على طول أول صاله قدام رقم (5)
فأمورك في السليم

صدقني الأمور جداً سهله وشعب خدوم وحبوب ساعات وقت طويل

يعطيك العافيه هونت علي الامور جعل ربي يسعدك

اقتباس:

المشاركة الأصلية كتبت بواسطة nasoore (المشاركة 181133)

يعطيك العافيه هونت علي الامور جعل ربي يسعدك

الله يعافيك وهذا واجبنا.

ونتمنى لك رحله سعيده ولا تناسنا من التقرير

في قطر خبرهم عن لاست ديستينيشن

Sent from my iPad using Tapatalk

موفق أخي

كانت لي تجربة من فترة، استملت الشنط ثم طلعت بالمترو إلى ترمنال الطيران الأمريكي والأمور سهلة جدا وواضحة يمكن أي شخص يساعدك ،

رحلة موفقة أخي الكريم

ولاتحاتي مطار شيكاغو من أحلى وأكبر المطارات على مستوى أمريكا

أنا رحت له في رحلة داخلية من نيويورك لشيكاغو وكان على خطوط الأمريكان أيرلاينز وكانت العملية منظمة جدا وأول ماتطلع من الطيارة تتبع اللوحات وتمشي لمكان القادمون وعلى طول تنزل من السلم تلاقي سير الشنط على يمينك وما يضيع أبدا

بس أنت رحلتك دولية من قطر وبو ناصر والأخوان ماقصروا وشرحوا لك كل شي فما له داعي التكرار مني

رحلة موفقة يارب