|
مخطط رحلتي العائلية الاولى الى اورلاندو !! أرائكم السلام عليكم ورحمة الله وبركاته اخيرا قررت اني اسافر مع عائلتي الى اورلاندو بالتحديد لمدة 18 يوم من 13 -31 مايو تزيد او تنقص عائلتي مكونة من شخصين وطفلين 8 و 5 سنوات الطيران مخطط من جدة-نيويورك -اورلاندو والعكس او جدة-دبي-اورلاند والعكس انا اخترت اولاندو بالتحديد علشان الترفيه والاسترخاء مانبغى هجولة واول سفرة لعائلتي خارج المملكة 1- هل الفتره اللي بسافر فيها مناسبة علما انه وقت اختبارات في السعودية 2- ماهو افضل اختيار للطيران ودي اخذ السعودية بس متخوف من الترانزيت في نيويورك وبهذلت نقل الشنط 3- افضل مكان للسكن واهم شي يكون فيه غسالة ملابس تعرفوا انتم الاطفال كيف ويفضل يكون منتجع وفيه انشطة 4- هل عدد الايام ممتاز للاستمتاع بالسفر وممكن كم يوم اتنقل للاماكن القريبه من اورلاندو مانستغني من نصايحكم |
اقتباس:
مرحباً بك أخي 1 الفترة اللي راح تسافر فيها جداً مناسبه لعدة اسباب: - الجو راح يكون جداً رائع معتدل إلى دافي - ليست فترة إجازات لدول الخليج - ليست إجازة الصيف لدى الأمريكان 2- الخطوط السعوديه وقت وصولها على حد علمي الصباح وهو توقيت رائع ولا يكون فيه زحمه وعلى حسب اذا حجزت تذكرة وحده متصلة إلى اورلاندو استلامك الشنط ماراح يكون استلام نهائي لأنك فقط تاخذها وتمر من عند الجمارك وبعدها فيه كاونتر ترميه فيه بدون اي اجراء (لأن عليها التاق ومعاك البوردنق) فيه خيارات اخرى مثلن: جدة-دبي-اورلاندو جدة-لندن-- اورلاندو وفي هذا الحاليتن تستلم شنطك في المحطة الأخيرة أورلاندو 3- بالنسبه للسكن في كل الأحوال أنت راح تحتاج سياره (في نقطه راح اشرها لك في يخص السياره) فالمناطق ما تفرق معاك لكن فيه فلل كثير بمسبح مثلاً منطقة كسيمي, championsgate orlando.. تقدر تاخذ لك فلل بسعر جداً رخيص لا يتاجاوز ال 150-200 دولار كحد أعلى. ليش أقترح عليك فيلا بمسبح لأن من كثر المشي في حدائق ديزني وغيرها بتتعب. فتحتاج يوم استكنان وشوي في البيت بين كل يومين (من واقع تجربه). وتقدر تطلع على منتج floridays resort orlando اذا اسعاره مناسبه 4- الأيام تقريبا عند 17 يوم وانا اشوفها كثيره جدا على أورلاندو 9-10 ايام تكفيها بزياده اقدر تزور مدينة ميامي, وكي ويست, مدينة تامبا (ملاهي بوش قاردنز six flags), مدينة كلير ووتر بالنسبه للسياره وانت تحجز أنصح بالحجز مباشرة عن طريق الشركة دون الوسيط وذلك عشان يكون التأمين شامل بدون إضافه مثال على الشركات المباشرة national car rental و Dollar لما تدخل موقعه فوق في الزاوية على اليسار مكتوب where do you live جداً صغيره محطوط United state غيرها إلى السعودية او موقع إقامتك لأن في هذي الحالي يصير التأمين مضاف مجاني بعكس لما تكون أمريكي او مقيم في أمريكا. يعني بينزل عليك المبلغ 30-35%. أتمنى أكون أفدتك بعض الشي وأي استفسار أنا حاضر |
اقتباس:
اشكرك جزيل الشكر أخي الكريم انت ذكرت نقطه أنك فقط تاخذها وتمر من عند الجمارك وبعدها فيه كاونتر ترميه فيه بدون اي اجراء (لأن عليها التاق ومعاك البوردنق) اللي افهمه انك تستلم شنطك وتعدي الجمارك ويكون هناك كاونتر خاص بالترانزيت لانه الرحلة الى اورلاندة من تيرمنال 5 جت بلو والا اخذ الشنط الى تيرمنال 5 فلورايدز ممتاز بس لو فيه بديل له يكون افضل انا تخطيطي اني اروح مدن قريبه زي تامبا وغيرها ..... ميامي ما اضفتها بالخطه لانه معاي اطفال ونيويورك زرتها قبل كذا ماتستاهل الجلسه فيها وغالية |
اقتباس:
العفو انت ماخذ التذاكر كتذكره وحده؟ اذا نعم: يكون معك البوردنق حق الرحلتين و يكون فيه كاونتر اسمه drop the luggage غير الترانزيت الترانزيت اذا تبغى تسوي شك ان على رحلة جديده. إذا لا: تستلم شنطك وتاخذها لصاله 5 (كللهم لاصقين في بعض). كم ساعه بين الرحلتين ؟ انصحك تجرب مواقع تأجير الفلل في أمريكا مثل homeaway أو البحث في موقع بوكنق للفلل |
بالضبط نفس رحلتي قعدة باورلاندو 17 يوم وحسيت انها شوية على اورلاندو بالنسبه للسكن سكنت بفلوريديز ريزورت شقه 3 غرف كانت حلووه وداهيه وفيها كل ماتحتاج من اغراض وقريبه على كل الاماكن تقريبا وبالنسبه للسياره خذيت يوكن اكس ال من الشركة مباشره اذا تحتاج شي باورلاندوانا حاضر |
اقتباس:
برافو عليك ورحلة موفقه ولا تحرمنا من التقرير لكي يستفيد الآخرين من ابداعك |
ماراح ازيد على الاخوان لكن عندك شيراتون فيزتانا ممتاز للسكن العائلي |
اقتباس:
شكرا لكم جميعا على الردود انا ناوي بنفس الفندق احجز مادري كيف نظامهم وكيف الفطور معاكم هل تشوف 17 يوم مناسبة لأورلاندو ياليت تقرير موجز لرحلتك انا شايل هم التذاكر لانها راح تكلف اش تنصحني اخذ خطوط ومتى اقدر احصل تذاكر مخفظه وهل شهر مايو مناسب لزيارتها من فين استأجرت السياره |
اول شي ١٧ يوم جدا مناسبه انت رايح تسترخي مو رايح تركضوعلى عجله بالنسبة للفندق مرجريت الريوق لأننا نشتري أغراضنا كلها من الجمعيه ونسوي الريوق فالبيت اما الوجبات الاخرى لابأس بها التذاكر مباشره لاورلاندو مكلفة أنا خذيت التذاكر نيويورك اورلاندو ميامي فطلعت التذكرة اقل تكلفه علي ، بالنسبة للطيران خذيت الأردنيه طيران رائع من ناحيه الخدمات بس واجهتني معاهم مشكله وانجلت واهي ضياع حقيبتين ووصولهم بعد ٥ ايام وشهر مايو مناسب جدا لاورلاندو بالنسبة للتقرير بحاول اجمع الصور وإذا حصلت وقت انزل الصور |
ماقصروا الاخوان الله يجزاهم كل خير لي رجعة باذن الله لادلي بدلوي :17: |
| الساعة الآن 05:56 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO