|
محتاجه مشورتكم ومساعدتكم لتخطيط رحلتي لامريكا☺️☺️☺️ السلام عليكم ورحمه الله وبركاته اسعد الله صباحكم جميعا انوي السفر باذن الله لاول مره لامريكا انا وزوجي وطفلتي خمس سنوات في بدايه شهر ابريل القادم بعد شهرين باذن الله واود زياره نيويورك سموكي ماونتن نياجرا اورلاندو جزاكم الله خير الجزاء ساعدوني في وضع خط سير لهذه الاماكن وطريقه الوصول لها علما ان المده 23 يوما انتضر مشورتكم وفقكم الله وسدد خطاكم |
اقتباس:
2 نياقرا فولز (بالسيارة تقريبا 7 ساعات او بالطيارة ساعة وربع تقريبا على دلتا - يونايتد - بلوجت) انا رحت على دلتا تقريبا كانت ب 95 دولار 3 سموكي ماونتن خذي طيارة (4 ساعات تقريبا) من مطار بافلو الى Mc Ghee Tyson Airport يبعد عن سموكي 40 دقيقة و الباقي عندك في اورلاندو و اقترح تخصصون 3 ايام لميامي منها اذا حابين يعني خلو خطكم الوصول نيويورك و العودة اورلاندو و بالتوفيق |
الله يسعد قلبك مشرفتنا العزيزه طيب هل اورلاندو تستحق الزياره هل هي مثل ديزني باريس لم تعجبني هل الغي سموكي ماونتن لانها بعيده وهل خط السير يسير وغير متعب والاكثريه مدحوا لي غرب امريكا لوس انجلوس ....لاس فيقاس .... وغيرها التي في الغرب فما رايكم ؟؟؟ انا في حيره من امري الله يفرجلكم |
وعليكم السلام ورحمة الله وبركاتة أختنا ومشرفتنا منيره ما قصرت في الاخير ترجع لميولكم ورغباتكم ديزني اورلاندو غير ديزني باريس, لوس انجلس, ...الخ ديزني أورلاندو هي ديزني وليست أرض ديزني زي المدن/الدول الأخرى أكبر مساحه و أكثر ألعاب , واحدث العاب وفعاليات ودائما أنصح اللي بزور أمريكا يقسمها نصفين في رحلتين نصف شرقي ونصف غربي ... عشان تغطي كل شي الوقت اللي أنتوا ريحين فيه جداً رائع وقت الربيع تقريباً والجو بيكون حلو في هذاك الوقت فأقترح تخلون هالمره الجزء الشرقي من الشمال للجنوب سموكي ماونتن حلوه بس مافيها شي يذكر عدا الهدوء والاستكنان وبعض الاشياء الخفيفه مثل zip lining |
الله يجزاك بالجنه ابو ناصر طيب عطني مخطط حلو ولاعليك امر يشمل القسمين وطريقه التنقل الله يعافيك ويجزاك خير الجزاء |
اذا حابة تجمعين القسمين نزلي اول ب نيويورك ثم هيرشي ثم نياقرا بعدها طيارة الى سان فرانسيسكو ثم استلام سيارة لطول رحلة الغرب من اخر يوم بفرانسيسكو الى لوس انجلوس الى سان دييغو واخير لاس فيغاس Sent from my iPhone using Tapatalk |
طيب مخططك استاذه منيره هل بيكون شاق علينا�� اسفه لازعاجكم ولكن لاني محتاجه مشورتكم لانها اول زياره لامريكا وانا المسؤوله بترتيبها كامله ام اكتفي بشرقها فقط وهل تكون الاربعه والعشرون يوما كثيره عليها�� |
مثل ما ذكرت أختنا منيره مخططها وأرى أنك تكتفي بالجزء الشرقي في الوقت الحالي فقط عشان ما يكون فيه تعب عليكم لأن بعض الأحيان من الطيران طويل من الشرق إلى الغرب مثلاً من نيويورك إلى سان فرانسيسكو 5 ساعات ونص بالطياره مثل ما ذكرت تخليها الجزء الشرقي في الوقت الحالي نيويورك- واشنطن-اورلاندو-ميامي- كي ويست نيويورك 4-5 ايام واشنطن 3 ايام أورلاندو 8 ايام ميامي 3 ايام كي ويست يومين تقدرين تضيفين يومين لـ تامبا, كلير ووتر و Saint Pete Beach كلها قريبه |
اوك طيب يكون مثلا مخطط السير الرياض نيويورك اورلاندو الرياض وكيف التنقل راح يكون بين هالمناطق شاكره لكم ومقدره |
اقتباس:
انا يوم زرت الغرب خليت شيكاغو محطة وصولي لامريكا لاني ما اتخيل اقطع اكثر من 7ساعات من اروبا لامريكا بتنا ليلة للراحة وواصلنا غرب فأنتي اجلسي في نيويورك 4-5 ايام وواصلي بالطيارة الى الغرب |
الله يجزاكم خير خلاص حجزنا الرياض ⬅️لوسانجلوس لوس انجلوس ⬅️الرياض بتاريخ ٧ ابريل الى ٣٠ ابريل باذن الله ابي الله يسهل اموركم خط سير مقترح وفنادق بسعر معقول والله يفرج هم من ساعدني ويسعده اضعاف مضاعفه |
ماشاء الله مبروك وان شاء الله تقضين رحلة سعيدة ايش المدن اللي رسيتي عليها؟ على شان نقدر نساعدك وعليكم بالبحث في موقعين للسكن airbnb و homeaway |
اقتباس:
اهم شي عندكم فيزا ولا بتقدمون تقريبا تقريبا 3 اسابيع حلوين استقروا بجنوب لوس انجلوس و انتقلو بالسيارة الى سان دييغو ثم الى لاس فيغاس ثم الى سان فرانسيسكو ثم الى شمال لوس انجلوس الجنوب 6 ليالي سان دييغو 4 ليالي لاس فيغاس ليلتين سان فرانسيسكو 4 ليالي و الباقي في شمال لوس انجلوس |
الله يبارك فيكم استاذ ابو ناصر واستاذه منيره الفيزا طلعناها من زمان ولله الحمد المناطق الي ناويتها شمال لوس انجلوس وجنوبها وسان فرانسيسكو لاس فيقاس وسان دييقو اختي منيره :: ليش تكون اول محطه الجنوب مو الشمال ولا وش رايك والمخطط الي اعطيتيني بيكون سهل ولا فيه تعب لانوه يقال انها زحمه جدا لوس انجلوس وبالنسبه للسكن انصدمت من الاسعار لم تكن بالحسبان ياليت لو تذكرون لي فنادق او شقق فندقيه مناسبه وللعلم راح يكون معانا سياره باذن الله شاكره لكم ومقدره جهودكم |
اقتباس:
من واقع تجربه قبل شهر لوس انجلوس ليست بالزحمه المهوله من الناس ولكن لها اوقات ذروه مثل الصباح من 7 الى 9 والمساء من 5 الى 6 بخصوص لاسفيغاس خلو لها اقل شي 4 ايام بخصوص السكن هناك الكثير من الفنادق اسعارها حلوه بس كم عددكم ومتى تواريخكم لوس انجلوس حددي اي المدن بتجلسون فيها لانها تفرق بالاسعار |
اقتباس:
عشان كذا رشحت لك استخدام homeaway و airbnb في امريكا والأخت منيرة قسمتها حسب مشاوريكم داخل وخارج المدينة |
الله يجزاك خير اخوي ابو ناصر والله ماادري ايش الافضل ناس تقول بفرلي هلز و سانتا مونيكا وهوليود فايش افضلهم للسكن وقريب من الاماكن السياحيه واخوي ايش عناوين السكن الي جربت عن طريق هالموقعين ووين نحن زوجين وطفله خمس سنين |
خليك في سانتا مونيكا حول شارع ثيرد استريت انا اتعامل مع بوكنق بخصوص سانتا مونيكا طالما معكم سياره فبيفرلي هيلز وهلوليود بتصير عشر الى ربع ساعه انا اخترت لك سانتا لانها حركه الى وقت متأخر |
الموقعين جيده بس حوسه ولازم مراسلة المالك وشغلانه واغلب من يستاجر من عندهم اللى عوايل كبيره تدور فلل او شقق خليكم على فنادق افضل |
الله يسعدك ياابو طلال طيب ايش تقترح لي فندق زين وسعره معقول لان بحثت وكلها غاليه صراحه خاصه اذا جمعتها مع ضريبه المدينه والمواقف |
ابشري |
الله يبشرك بالخير والجنه |
اقتباس:
راح توفرين نص ساعة هذي اذا قلنا ان الطريق سالك لكن مع الزحمة راح توفرين ساعة |
طيب الل يعافيك بعد سان دييغو ايش راح يكون |
كتبت لج خط السير راجعي الردود السابقة |
| الساعة الآن 09:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO