|
محتاريين بين الشرق والغرب السلام عليكم ورحمة الله وبركاته مرحبا للجمييع بإذن الله ناويين السفر بالصيف الجاي الى امريكا ولكن ... محتارين بين ( فلوريدا و كلفورنيا ) * فلوريدا وبالتحديد ( اورلاندو & وميامي ) اكيد افضل للعوائل اللي معها اطفال ولكن متخوفين من الجو في شهر جولاي واوقست الكل يقول رطووبه وحررر .. هل هو فعلاً لايُطاق ؟؟ او زي جّونا بالسعوديه ؟؟ *( كلفورنيا بالتحديد ( لوس انجلوس & سان ديقو & لاس فيقاس ) اكيد الافضل والاجمل وانا أفضلها شخصياً .. ولكن بعد المسافه بالطياره وخاصةً اللي معه اطفال !!! ( أخاف اتورط :24:) وايضاً كلفورنيا غاليه من ناحية السكن وغيره .. هل تفرق كثيير بينها وبين فلوريدا من ناحية الغلا ؟؟ وإيش اللي يفرق بالضبط ؟ والله بجد محتاااااااره .. ارجو من ذوي الخبره مساعدتي حتى نبدأ نحجز تذاكر وسكن .. ألف شكر لكم مقدماً |
و عليكم السلام الله يحييك بيننا قريب من جونا بالسعودية رطوبة و حر شديد حوالي 35 درجة بالضبط زي جو جدة اما لوس انجلوس و حواليها اقل رطوية و حرارة حوالي 25 درجة و المزارات اكثر و احلى برأيي السكن فيه اكثر من خيار مناسب لكن يتطلب الحجز المبكر لأن الصيف عادة الاسعار تزيد و الحجز صعب خبراء و مشرفي البوابة ما يقصرون |
مالي خبره في امريكا ولكن قرأت عنها الكثير قبل فتره كنت بروح لها خليك على خيارك الثاني افضل من وجهة نظري اقتباس:
وان شاء الله خبراء امريكا بيفيدونك اكثر واحجزي الفنادق والطيران الداخلي من الحين الصيف قرب والايام تركض والاسعار في ارتفاع الله يوفقكم ورحله ممتعه ان شاء الله |
حياك الله يا ليالي ماحددتي بأي شهر ولكن من الافضل اختيار الغرب الامريكي واذا خايفة من المسافة خذي طيران اوروبي تنزلون اي محطة ترانزيت بأوروبا وبعدها تواصلون الى نيويورك دام معكم اطفال :40: الافضل انكم تاخذون محطة بالشرق للاستراحة و نيويورك خيار جد ممتاز ممكن تنزلونها ثلاث اربع ايام وتواصلون الى الغرب على سبيل المثال لو اخذتوا البرتش ايرويز لندن الى نيويورك 7 ساعات لندن الى لوس انجلوس 11 ساعة و اذا عزمتوا على الغرب: خلو المخطط يشمل لوس انجلوس - سان دييغو - لاس فيغاس - سان فرانسيسكو وبالتوفيق علما اني زرت فلوريدا بشهر اغسطس كنا نخلي الصباح للمولات المكيفة و من 3 العصر نروح الملاهي تكون الشمس بردت شوي |
مشكووووريين جميعاً وماقصرتوا ، ولانستغني عن خبرتكم ونصايحكم .. عزيزتي / المشرفه منيره انا ذكرت سابقاً وقت السفر اذا الله اراد بآخر شهر يوليو الى نصف اوقست .. المدة تقريباً 23 يوم .. لسى الى الآن ماحجزنا .. هل الفرق كبير بــ الاسعار بين كلفورنيا وفلوريدا ؟؟ من ناحية السكن والمطاعم وغيره ؟؟ |
طبعا السكن في فلوريدا أرخص بكثير والشقق متوفرة بكثرة Sent from my iPad using Tapatalk |
اقتباس:
بس مو اللي مبالغ فيها مثل الخليج..يعني العظمى تصل إلى 29 درجة مئوية ونسبة الرطوبه 50-60 بالنسبه للسكن في كاليفورنيا أغلى من فلوريدا خصوصا أورلاندو بنسبة تصل إلى 200% من واقع تجربة |
مشكورييين وماقصرتوا المشرفه منيره & أبو ناصر المسافر بإذن الله تم إختيار كالفورنيا ( لوس انجلوس ـ سان ديقو ـ لاس فيقاس ) والله يسهل .. مع اني اتمنى زيارة سان فرانسسكو ، بس نخاف انها بعيده ومتعبة مع الاطفال ، ومدة الرحلة (21 ) يوم يمكن ماتكفي لــزيادة مدينه أخرى غير اللي ذكرت .. إيش رأيكم أعزائي ؟؟ |
21 يوم ممتازة تغطين فيها ماذكرتي من المدن بالاضافة الى سان فرانسيسكو خل تقسيمك: 3 سان فرانسيسكو 11 لوس انجلوس 4 سان دييغو 3 لاس فيغاس |
| الساعة الآن 12:05 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO