|
بدأ العد التنازلي لرحلة اورلاندو اخواني لقد بدأ العد التنازلي للرحلة الذهبيه الى اورلاندو برفقة عائلتي مع طفلين 8 و5 سنوات ولمدة 18 يوم بالتحديد وبدا معها التخطيط الامثل للرحلة اخواني لا استغني عن خبراتكم ومشوراتكم للرد على استفساراتي : 1- السيارة افضل سعر لقيته من موقع رينتال كار هل اتوكل واحجز والا اخذ من موقع الشركة افضل وهل احتاج احجز كرسي اطفال والا ماله داعي 2- بال 18 يوم اش اسوي ووين اروح معروفه الباراكات المشهورة فيه شي يفضل زيارته غيرها. 3- بالنسبة للانترنت هل اشترك من السعوديه والا اخد من هناك شريحة أفضل. 4- بالنسبة لعربة الاطفال هل احتاجها للطفلين وهل الافضل اشتريها من هناك. 5- المطاعم وما ادراك ما المطاعم اش افضل المطاعم المتوفره هناك والتي تناسبنا كعرب وافضل تكون بوفيه مفتوح 6 - السوال المهم تذاكر المنتزهات من فين اشتريها وشاكر لكم حبايبي اتحملونيhttp://www.travelzad.com/vb/images/smilies/%29.gif) |
هلا اخوي بخصوص السياره افضل لك من موقع الشركه نفسها واهم شي تطلب تامين شامل والكراسي للاطفال مهمه بخصوص الاماكن عندك الكثير مثل الهليكوبتر ورحلة القارب السريع والمنطاد وزيارة المدن القريبه من اورلاندو والتسوق بالنسبه للعربه والله حسب اولادك لو اشقياء افضل عربه لكل واحد مستقله واذا شايل هم شيلها وحطها معك بالمطار اشتر من هناك الانترنت اشتر من المطار او من اورلاندو شريحه مفتوحه تطلع ارخص من شركاتنا التذاكر افضل شي من الموقع وايضا ممكن من نفس الفندق لو يبيع وفيه محل فيزت اورلاندو بشارع انترنشونال درايف بخصوص الاكل فيه الكثير بس ماعتقد بوفيه مفتوح بتلاقي كثير بس فيه الانترنشونال مطاعم هنديه وكذالك شارع د فليب تركيه وهنديه وعربيه من واقع تجربه راح ازودك باسمأئها تقبل تحياتي |
اقتباس:
بالنسبة للسياره اسعارها من مواقع الشركات ناشيونال والمو غاليه بحدود 3000 ريال اما المواقع الوسيطة اغلى شي حصلته 2300 من رينتال كار و economy car rental مادري اش تقصد بالتأمين الشامل اصلا يكون مع العرض تامين شامل للاجانب مثلنا احنا مثل Collision Damage Waiver و SLI الاشياء الثانيه مثل المساعده على الطريق الحوادث الشخصية تشتريها زيادة بالنسبة لكراسي الاطفال اما مهمة ولا كان ببالي اخذها اجلسهم ورا وربطهم بحزام الامان اش المخالفه اذ انكفشت:3: |
اقصد التامين يكون ضد طرف ثالث لاسمح الله وخذ انت كل اللي يبعدك عن هالاشكاليات ثانيا بعد امر الله ماراح يصير لك شي بس الاحتياط واجب وماتفرق معك 700 ريال كراسي الاطفال مهمه للي صغير ومخالفتها قسيمه انت في غنى عنها |
رنتال كار لو صار شي لك كحادث لاسمح الله تدخل معهم باتصالات ومراسلات ولكن عن طريق الشركه التعامل اسرع وافضل حتى لو بغيت تبديل السياره لو حصل لها شي |
اقتباس:
شكرا لك اخي الكريم هل تقصد بتأمين طرف ثالث هو SLI لانه بموقع ناشيونال والمو مافيه تامين طرف ثالث وتختلف باختلاف الشركات بالنسبة لكراسي الاطفال اش القسيمة وكم |
حصلت الموقع المرفق يتكلم عن كراسي الاطفال State Child Passenger Safety Laws من 5 سنوات واقل يحتاج كرسي |
اذا فوق خمس ماشي مو محتاج |
انا توقت اطفالك اصغر ماركزت بالعمر واعذرني انا من الجوال ارد عليك |
اقتباس:
Oهههههههه عادي اخوي واحد من عيالي وقت السفره باقيله شهرين ويكمل 5 سنوات توني انتبهت:27: مادري في الحاله هذه يحتاج كرسي والا لا المشكله اجسامهم نحيفه وشكلهم يبين انه اصغر من اعمارهم يالله اللبشة ذي تتيسر ان شاء الله |
فوق خمس سنوات مايحتاج اهم شي العمر |
يعني اخذ كرسي لللي باقيه شهرين عن 5 سنوات والثاني مايحتاج شكرا لك ابو طلال |
وين الردود:4: |
الافضل تطلب مع السياره لما تستاجرها |
المشكلة تواصلت مع المو واخبرني الموظف بانه لاداعي لكرسي الاطفال فقط اذا كان الطفل اقل من 3 سنوات بصراحة حيرني |
خلاص اجل لاتاخذ كرسي طالما الموضف وضح لك الصوره فهو ادرى بعمله |
هذا ردهم حتى يستفيد منه بقية الاعضاء Children between the age of 4 to 5 years of age, can use a booster seat, but it is not required. However, safety belts must be used if a booster seat is not available. |
العام رحت اورلاندو وعمر ولدي ٦ سنوات ورفضت شركة التاجير تسليمي السياره الا مه بوستر سيت له مع ان طوله مناسب يربط الاحزام فاضريت ااجاره |
اقتباس:
بصراحة اول مره اسمع ان شركة التاجير ترفض اعطاء السيارة اش اسم الشركة وش دراهم انه معك اطفال بصراحة خوفتني لانه سعره غالي عندهم |
sixt car rental وانا استلمتهااول ماطلعت من المطار ومعاي عيالي لما سالتني الموظفه عن الكراسي معاكم بلغتها ان لا فعتذرة ان ماتقدر تسلمنا الا بوجود الكراسي حتى لما بلغتها اني بشتري من برا رفضت |
| الساعة الآن 07:15 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO