|
رحلة بالكارفان مساء الخير رواد امريكا ان شاءالله بطلع امريكا في ديسمبر وودي اسوي رود تريب في الكارفان احد مجرب من قبل او يعرف مواقع تهم الكارفانات والخ من هالامور ..؟ اللي يعرف لايبخل علي بمعلومه بسيطة وشكرا لكم |
ودي اروح معاج بس بيكون بررررد :1: |
مساء النور والسرور فكره جداً جداً جميله وسبق جربتها من عدة سنوات وكانت من افضل الرحلات لأمريكا لكن للأسف شهر ديسمبر ابداُ ما يساعد لسوء الأحوال الجوية وبرودة الطقس في امريكا لأن لو تتابعي افضل خطوط رحلات road tripe تلاقيها كلها في مناطق ما تناسب في الشتا بذلك ابداً ما انصح فيه في ديسمبر على سبيل المثال وليس الحصر أفضل Road trip في امريكا وقد صنف لعدة سنوات من ضمن افضل Road trip في العالم هو Highway 101 من ولاية واشنطن حتى يتحول لـ highway 1 في ولاية كاليفورنا ويمتد من فانكوفر في كندا مروراً بسياتل حتى أقصى جنوب أمريكا في مدينة سان دييغو من افضل مواقع الكرفانات موقع US RV rental وفيه موقع زي AIRBNB فكرته تستأجر سيارات وكرفانات من اصحابها مباشرة . الزملاء سبق وجربوه واثنو عليه .. لو حابه راح اجيبه لك واي استفسار آخر احنا حاضرين |
اقتباس:
اهو بر بس لبسي عدل والأمور بالسليم ان شاءالله Sent from my iPhone using Tapatalk |
اقتباس:
هلا والله ابو ناصر ماشاءالله اي عارفه برّد وحصلت موقع بعد بس لما شفت المكان قلت الله يستر من البرد اللي بيحوشنا [emoji23] ماشاءالله خط حلوو والله ياليت تفيدنا فيه حتى لو ما جربته هالسنه نشوف وقت حلو ونجربه تسلم يابوناصر Sent from my iPhone using Tapatalk |
بالتوفيق اخت ابرار وان شاء الله رحلة سعيدة انا انشاء الله بروح في ديسبر وربك يسهلها |
مرحبا مليون :5: اخ ابو ناصر انا تابعتك في السناب في كم رحلة وخاصة امريكا مشكور على المعلومات القيمة والمفصلة لكل شي تحياتي لك |
الله يسهل دروبكم ابرار وماشاءالله ابوناصر باين خبرة بالموضوع جزاه الله خير |
اقتباس:
هذا road trip جربته عام 2007 من بورتلاند الى لوس أنجلس في الصيف الطريق من غير توقف بالكرفان يأخذ 16 ساعده تقريبا. جلسنا في هذاطريق 9 ايام حقيقة رحله لا تنسى لان من الشمال الى الجنوب تكون في جهة البحر والاجمل ان فيه كل كم ساعه park للكرفانات مجهز بالكامل من شحن كهرب، تعبئه مياه...الخ بجانب انه يكون موقف الكرفان اللي توقف زي مخيم لك فيه مظله ومكان شواء وجلسات مع رسوم دخول لكل كرفان متوسط 80-90 دولار غير المواقف المجانيه ع البحر من غير خدمات ماعدا الجلسات وفيه خرائط للبارك وتطبيقات مثل RV parks app وفيه أيضاً rout في الشمال على مونتانا في الصيف جميل جدا ودرجة الحرارة بتكون العظمى 23 والصغرى 15 مونتانا فيها اكثر بحيرات في العالم وأنقى بحيرات في العالم بس مظلومة سياحياً وأي استفسار أنا حاضر وأتشرف |
اقتباس:
أتشرف فيك وبمتابعتك وان آش الله أكون عند حسن ظنك وظن الجميع والقادم احلى ان شاء الله |
اقتباس:
بعض الاسئلة : - البارك حجز مسبق لازم ولا عادي امر عليهم ادفع وادخل ؟ - الكرفان اذا حجمه متوسط او اشوي اصغر من المتوسط اقدر ادخل فيه الستي ولا لازم اصفط مكان بعيد وخاص بالكارفانات ؟ - الامان شلونه وقت المبيت في المخيم ؟ والله شوقتني على مونتانا بس انت تقول بالصيف 23 عيل بالشتا شلووون :) واذا عندي اسأله بعد راح اسأل تحملني يا اخوي :) |
اقتباس:
غالبيتها من غير حجز ودفع الرسوم عند البوابه بس البارك اللي معروفه بمناظرها الجميلة دايم مزدحمة خصوصا اذا كان عندهم اجازة صيف. والتطبيق يعلم اذا حجز مقدم مطلوب او لا - الكرفان اذا حجمه متوسط او اشوي اصغر من المتوسط اقدر ادخل فيه الستي ولا لازم اصفط مكان بعيد وخاص بالكارفانات ؟ الكرفان مسموح به لدخول المدينة ماعدا الكارفان الكبير اللي يتطلب رخصة قياده عمومي اللي كبير وأحيانا يربطون فيه سيارات - الامان شلونه وقت المبيت في المخيم ؟ الأمان جداً عالي خصوصا ان أهل الكرافانات ينخاف منهم. لان دايم عندهم سلاح :17: مونتانا الان درجه الحراره الان صفر في بعض مدنها ... وفِي ديسمبر توصل -20 الله يستر بكون فيها في ديسمبر بالعكس اسألي قد ما فيك عشان رحلتك تكون اسهل واحنا حاضرين باي شي |
اقتباس:
اي والله الله يستر :( ابو ناصر تنصح في ديسمبر ولا أأجلها ؟ او اسويها في جزء فلوريدا ؟ |
ما يقصر دايم ابو ناصر اجمل الرحلات بامريكا هي رحلات البر بس تحتاج مجموعة على قلب واحد حلوة لو كانت رحلة من نيويورك الى لوس انجلوس بسيارة فان مثلا مو شرط كارفان لان سواقته متعبة ويبغالها واحد رايق تمشون بالنهار واذا قرب الليل تريحون باقرب مدينة او ممكن تكون على الولايات الغربية بس من كاليفورنيا الى مونتانا رحلة مثل هذي تحتاج شهر على الاقل |
اقتباس:
اقصد الحراميه شي يخافون من حقين الكارافانات اذا الإجازة من طويله انصح تأجيلها لان حرام كارفان في فلوريدا لانها مو كبيره مره زي مثلاً من نيويورك الى فلوريدا بالسيارة او سياتل الى لوس أنجلس وحلاته في الصيف او الربيع مثل شهر مايو و يونيو |
اقتباس:
اقتباس:
الاجازه مدتها شهر ان شاءالله واعتقد الفان مقارب للكرفان بس اصغر !! عدل ولا انا غلطانه ؟ هم حلو فكرتك بوغسان Sent from my iPhone using Tapatalk |
اقتباس:
الأفضل في ديسمبر جنوب كاليفورينا (سان دييغو, لوس انجلوس، سانتا باربرا) وايضاً تروحين اريزونا فيها كم بارك وطنيه جميله الخيار الثاني فلوريدا كامله (اورلاندو، تامبا، كلير ووتر، كي ويست، ميامي ) وأي استفسار احنا حاضرين |
عاشت بنت الكويت كرفان وحركات :17: |
اقتباس:
ههههههه عاش من قال Sent from my iPhone using Tapatalk |
اقتباس:
الفان اصغر و اريح لكم وكمان ارخص بالسعر لكن السكن يكون في موتيلات او هوتيلات حددي عددكم ونرسم لكم خطة بمساعدة ابو ناصر |
اقتباس:
|
شرايكم بالخط هذا اروح بحيرة Tahoe lake تنصحون في ديسمبر ولا لا ؟ وبروح لها من سان فرانسيسكو لأني بقعد فيها اسبوع ؟ عقب بروح هاواي ومن هاواي فيغاس ومن فيغاس بمر على هذيل نفس اللي راح لهم مقدام Monument valley Antelope canyon Horseshoe bend Bryce Canyon وعقب هذيل بتجه الى فلوريدا .. شرايكم بالتخطيط ؟ Sent from my iPhone using Tapatalk |
اقتباس:
مرحباً أختنا كويتيه متنقله Tahoe Lake بتكون ثلج في ديسمبر والبحيره تتجمد والجبال اللي حلوها تكون تزلج فإذا أنتوا من حبين هذي الاجواء فتوكلوا على الله Monument valley Antelope canyon Horseshoe bend Bryce Canyon بالنسبه للي فوق أشبها في الرياض :27: حاره جافه صيفاً بارده جداً شتاءً بناء على جدولك يبغالك أكثر من شنطه صيفي وشتوي هاواي جوها بيكون معتدل مايل للبروده سان فرانسيسكو بيكون جوها بارد جداً مع هوا قوي الجدول جميل نفس ما >كرت لك لكن المشكله في الأجواء فقط لا غير أما فلوريدا فجوها معتدل |
اقتباس:
يزاك الله خير بو ناصر والله ودي بالثلوج وودي وبالمعتدل وان شاءالله الملابس امرها هين سؤال ثاني [emoji3] بحيرة تاهو تستاهل المبيت ولا زياره يوم وامشي ؟ Sent from my iPhone using Tapatalk |
اقتباس:
أقترح بحيرة تاهو اقترح المبيت فيها للتزلج واستخدام الجت سكي الثلجي لأنه راح تكون تجربة جميله وجديده |
سان فرانسيسكو كثير عليها اسبوع و ٣ ايام تكفيها من وجهة نظري اقترح عليكم ٣ ايام سان فرانسيسكو ثم يومين ليك تاهو ثم يومين سانتا كروز طبعا ليك تاهو ممكن تزورونها اذا كنتوا تحبون التغيير والاجواء البارده والثلوج سانتا كروز مدينة صغيره وعلى البحر ومنها تزورون بلدة Monterey و محمية Point Lobos State Natural Reserve بس ما ادري كيف الجو بيكون فيها يمكن يكون برد وهوا والله اعلم بالنسبة لفيغاس والاماكن اللي تريدون زيارتها منها يعتمد على عدد الايام اللي بتقعدونها في فيغاس لان فيغاس بروحها تحتاج الى ٣ ايام اذا كانت هذي اول زياره لكم وادي الصخور بيكون الجو فيه بارد جدا واقترح عدم زيارتها وممكن تزورن بريس كانيون وتنامون فيها ليله وللعلم بتكون بارده وثلوج اما حدوة الحصان هورس بيند فما يستاهل الزيارة |
اقتباس:
مشكووووور مقدااام سان فرانسيسكو عندي شغل فيها من جذي اسبوع بس بقللها ان شاءالله وفيغاس زايرتها من قبل بس بعد بزورها احبها [emoji7] اقتراحات جميلة منكم جميعا شكرا لكم وان شاءالله راح اخذ في نصايحكم وازور اللي ذكرتهم شكرا مره ثانيه [emoji253] Sent from my iPhone using Tapatalk |
الله يعطيك العافية |
| الساعة الآن 02:11 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO