|
استفسار لخبراء نيويورك السلام عليكم ورحمة الله وبركاته يسعد مساءكم بكل خير بأذن الله عندنا رحله انا والعائله الى فلوريدا الصيف القادم ، وعندنا توقف تقريباً 24 ساعه في نيويورك انا تعمدت ذالك ،،، السؤال بأختصار اريد فندق او شقه في التايم سكوير ترشحونه لي ويكون سعره في حدود 300 دولار ،،،والسؤال الثاني اريد الذهاب الى تمثال الحريه واريد اعرف الطريقه واسعار التذاكر للذهاب وهل الوقت يكفي علماً ان وصولنا الى نيويورك تقريباً 12 الظهر |
اقتباس:
أخوي أبو سلمان .. بالنسبة للسعر 300 دولار بالتايم سكوير أتوقع إذا بتلاقي بيكون مو قريب مره أو مو بالمستوى المطلوب ... "أنت أعمل حسابك في الفنادق ممكن تحتاج غلى غرفتين" أنا سبق أن ررت نيويورك أكثر من مره مع العائلة و سكنت في فندق عندهم سويت غرفتين نوم و صالة في قلب التايم سكوير مستواه جيد تصنيفه 3 نجوم و سعره حوالي 450 دولار .. و لكن ممكن اللى يناسبني ما يناسبك .. و العكس ... الفندق أسمه " Radio City Apartment" على الشارع 49W قبل شهرين كنت أبحث عن سكن في التايم سكوير بنفس الفكرة و لقيت فندق قريب منه أسمه : Jewal facing Rockefeller center .. ما جربته ... بالنسبة لتمثال الحرية إذا بتروح له لازم يكون عندك وقت كافي و انت تقول عندكم توقف 24 ساعة ..فإذا وصولكم الساعة 12 الظهر ما أتوقع يمديك نفس اليوم لان أخر فيري اتطلع للجزيرة تكون الساعة 3 الظهر تقريباً فما يمديك إلا إذا عندك يوم ثاني كامل و تكون حاجز مسبقاً قبل يوم الزيارة ... لانه بالصيف يكون زحام ... "تبي الجد .. نيويورك ما يكفيها يوم .. أقل شئ 4 أيام " " شكلنا ينتواجه بالصيف هناك .. :e433: " و بالتوفيق رحلة سعيدة .... |
ماقصرت ابو معتز اجابات كافيه ووافيه أرسلت بواسطة iPhone بإستخدام Tapatalk |
يعطيك العافيه وبيض الله وجهك تصدق دخلت على بوكنق اشيك على الشقق ولقيت اني مسوي لها اعجاب لانها من ضمن الخيارات ههههه غير اني عندي خصم 10٪ عند بوكنق |
بداية هي كلها ليلة ليش تسكن بنيويورك لان اقل شي في منهاتن 350-400 دولار خذ فندق بالمطار تمثال الحرية اخر فيري تطلع 3:30 الدرب من المطار ممكن ياخذ 45 دقيقة و شوف شكثر بتنتظر العفش و الاجراءات يعني قول 40 دقيقة عفش و 40 دقيقة درب في احس الظروف واصل 1:30 او 2 مع الزحمة ان شاء الله بتقدر لو حاجز اونلاين بس تعب السفر ماراح يخليك خصوصا مع فرق التوقيت اقتراحي خذ فندق بالمطار ريحوا لكم 5 ساعات و اطلعو نيويورك احجزوا باص الليل اللي يفركم في التايم سكوير الى جسر بروكلين تمشوا و تعشوا و ارجعو بالليل اذا بالعودة من نيويورك يمكن تحصل وقت و خصوصا ان جسمك تعود على التوقيت الامريكي |
اخوي ابومعتز بالنسبه للفندق الثاني دخلت عليه وشفته انظف من الاول لكن يعيبه صغر الغرف وانا ماعندي مشكله كلها ليله واغلب الوقت في الخارج لكن السؤال هل موقعه ممتاز ؟ |
يعطيك العافيه منيره وكلامك صحيح لكن انا راغب اسكن في التايم وكلها ليله وبالنسبه للعوده ماعندنا توقف كثير في نيويورك كلها ثلاث ساعات بس |
اقتباس:
لأني كنت أبحث عن حجز في الفندق الأول رادبو سيتي و لا حصلت و شيكت الفندق الثاني و لقيته قريب من الأول و قريب مره من Rockefeller center يعني المشى للتايم سكوير ممكن 5 دقائق ... بس بصراحة غرفه صغيرة بس حجزته أحتياط ...و حالياً جاني تأكيد من الفندق الأول و بلغي الحجز فيه ... فندق رايدو سيتي مرتاح معاهم و مثل ما قلت اغلب الوقت بالخارج هو مكان للنوم ..... و بصراحة لو أنا مكانك أذا وقتي محدود ما راح أسكن في التايم سكوير بأخذ فندق قريب المطار مثل ما ذكرت الأخت منيرة .. و بيكون أريح و أحسن من زحمة منهاتن أثناء التوجه للمطار ثاني يوم ..... |
ليش لا والله ممكن اتبع نصيحتكم بس تدرون وش اللي ماخلاني اشيل هم العوده للمطار والزحمه؟؟اني رحلتي من نيويورك الى اورلاندو صباحيه يعني لازم اطلع من الفندق 5 ونص صباحا فقلت اكيد الشوارع فاضيه وما حتأخر في زحمة الطريق __ لكن كل الخيارات متاحه ولازال الوقت مبكرا ولانستغني عن خبراتكم ,,, الف شكر للجميع |
اقتباس:
على فكرة ما فكرت تطلع إلى أورلاندة بالسيارة ؟؟ جرب القيادة في أمريكا و الله إنها متعة لا تضاهى .. (من واقع تجربة) ... و أهم شئ أنك ما تتقيد في أي شئ وقت ما تحس أنك نعبت توقف و ترتاح أو تبات لك ليلة أو ليلتين بالطريق ... و في العودة سلم السيارة في مطار أورلاندو و أرجع نيويورك ... تستحق التجربة |
| الساعة الآن 02:26 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO