|
الترانزيت وشحن العفش مساء الخير عندنا ترانزيت في نيويورك 24 ساعه واحنا جايين من الرياض الى اورلاندو ! السؤال هل يسمحون لنا بادخال العفش للرحله الداخليه وحتى وهي بعد 24 ساعه او لازم اخذه معي الفندق وارجعه ؟؟ علماً ان عليها تاق الى اورلاندو كآخر محطه |
السلام عليكم و رحمة الله و بركاته ... هلا بك أخوي أبو سلمان .... أول شئ خلني أسألك كم سؤال علشان تتكون الأجابة دقيقة ..و لا تتوهق .. السرال الأول: أنت رحلتك الواصلة غلى نيويورك على أي خطوط؟؟ السؤال الثاني: رحلة المواصلة إلى أورلاندو على أي خطوط داخلية؟؟ السؤال الثالث: كيف الشنط عليها تاق إلى أورلاندو كأخر محطة !! هل حجزك واحد من الرياض إلى أورلاندو؟؟ مبدأيا... أذا حجزك مع الخطوط السعودية .. من الرياض إلى نيويورك و رحلتك الداخلية من نيويورك إلى أورلاندو مع طيران دلتا أو جت بلو .. أتوقع تقدر تخلي العفش يشحن مباشرة إلى أورلاندو و ذلك حسب أتفاقية الطيران بين الخطوط السعودية و طيران دلتا أو جت بلو ... و هم بالمطار يحولون الشنط مباشرة إلى شركة المواصليين عليها إلى أورلاندو ...و لكن لازم تتأكد من وقت الكونبشكن لأنه أنت تقول 24 ساعة تأكد من هنا أفضل ... النقطة الثانية ... الخطوط السعودية تهبط في مطار JFK في الصالة 1 و أقلاع طيران دلتا من الصالة رقم 2 فإذا كان و لا بد من أستلام الشنط بعد الوصول .. قبل ما تطلع من الصالة فيه بتلاقي مكتب لطيران دلتا عن طريقهم تقدر تسلم الشنط و تسدد رسوم الشحن و يصدرون لك البوردنق ... " سيق لي تجربة الطريقة أكثر من مره"... أما طيران جت بلو .ز فالصالة 5 مخصصة لهم ,, و أتوقع ممكن تلاقي لهم مكتب في صالة 1 و فيه خدمة ممتازة بعد في مطار JFK " سبق لي تجربتها" و اللى هي أنك تقدر تخزن الشنط في المطار لدى شركة تتولى هالشئ و برسوم جسب حجم الشنطة تقريباً من 4 - 16 دولار لليوم و مكتبهم في صالة 1 قبل الخروج من البوابة و لكن تأكد من موعد رحلتك و مواعيد دوامهم علشان تضمن أنك تستلم شنطك قبل رحلة المواصلة ... بس من وجهة نظري نسليم الشنط لشركة الطيران المواصلين عليها أحسن و تأخذ البوردنق و تسدد الرسوم و تروح المطار و أنت مرتاح ... بالتوفيق ..و أتمنى لكم رحلة سعيدة ... |
حياك الله اخي الغالي ابومعتز اجابة الاسئله - حجز من الرياض الى اورلاندو على السعوديه من الرياض نيويورك السعوديه ومن نيويورك اورلاندو على الدلتا والحجز كامل بتكت واحد رياض اورلاندو من السعوديه !!! والحقيقه مو اول مره اروح بس اول مره يكون التوقف كثير !! عموماً انت ماتقصرت وعز الله انك اعطيتني معلومات مفيده بس الشي اللي محيرني انت ذكرت فيه رسوم ادفعها وما ادري وش تقصد ولازاعتقد انه فيه رسوم تدفع |
اقتباس:
معليش أتضحت لي الصورة الآن .. طالما حجزك بتذكرة وحدة مع الخطوط السعودية فطيران دلتا مسئولين عن العفش .. كنت أفتكر خجزك منفصل للرحلتين فتوقعت أنه لازم تدفع رسوم شحن الشنط من نيويورك إلى أورلاندو .. بس أنت وضعك في السليم و عفشك ما راح تستلمه في نيويورك ... في الغالب بيحطون على الشنط تاق مكتوب عليه Long Connection و يحولونها الى صالة طيران دلتا .... بالتوفيق ..و رحلة سعيدة . نحن بالخدمة أي وقت طال عمرك |
اقتباس:
|
للاسف توني شيكت العفش قبل قليل ورفضوا قالوا بما ان الترانزيت اكثر من 24 ساعه السستم مايقبل لازم استلمها وادخلها وقت الرحله الثانيه بس يقولون حجزك على الدلتا مسموح لكل راكب قطعتين مجاناً لذا ومافيه خلاف اللهم تعب عليك شيلها وترجيعها ،،،عموماً حبيت افيد من يمر بنفس تجربتي وكل عام وانتم بخير وعيدكم مبارك ودعواتكم |
اقتباس:
طالما صار لازم تستلمون الشنط عند الوصول .... أتبع الطريقة الثانية اللى قلت لك ... الخطوط السعودية تهبط في مطار JFK في الصالة 1 و أقلاع طيران دلتا من الصالة رقم 2 .. قبل ما تطلع من الصالة 1 فيه بتلاقي مكتب لطيران دلتا عن طريقهم تقدر تسلم الشنط و يصدرون لك البوردنق ... و تجي على موعد طيارتك ألى أورلاندو و تفتك من هم شحن الشنط و أصدار البوردق و الأهم من هذا كله أنك أفتديت من نقل الشنط من و إلى الفندق في نيويورك بالسلامة ... |
اقتباس:
|
اقتباس:
و الحمد لله الأمور سهالات ان شاء الله ... أستمتع بالتايم سكوير و ان شاء الله تستمتعون بالرحلة و عقبالنا ..(أنا رحلتي الى نيويورك بعد أسبوعين ان شاء الله) |
الحمد لله سهالات اخذت تكسي كبير من المطار ب52 دولار الى منهاتن واليوم رحنا اورلاندو والحمد لله كل شي ممتاز |
| الساعة الآن 03:01 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO