|
دزني لاند كاليفورنيا السلام عليكم ورحمة الله وبركاته إن شاء الله بعد شهر رايح كاليفورنيا بكون أنا وزوجتي فقط استفساري هو بالنسبة لدزني لاند كاليفورنيا فيها أكثر من حديقة اللي هم دزني لاند Disneyland Park ودزني لاند أدفنشر Disney California Adventure Park شالفرق بينهم وهل يستاهل أدخل الثنتين ولا وحدة تكفي؟ طبعا عندي يوم كامل لدزني فقط فهل أخذ التذكرة حق بارك وحدة ولا آخذ الهوبر ؟ مشكورين |
اقتباس:
و عليكم السلام و رحمة الله و بركاته ... هلا أخوي بو فيصل ... بالنسبة للفرق بين الأثنتين هو الألعاب ... في الحقيقة أنا زرت ديوني في لوس أنجلوس و دزني في أورلاندو ... أورلاندو أفضل بكثير و بشهادة الكثيرين و أما بالنسبة لدخول الأثنتين في يوم واحد عن طريق تذكرة هوبر أعتقد ممكن بس مشكلتها الزحام ممكن يضيع يومك نتنظر الدور و في الأخير تلاقيك ما لعبت إلا ألعاب بسيطة ... لاحظ في بعض الألعاب يكون عليها أنتظار أكثر من ساعة و انت واقف في الدور ... تقول بأخذ الفاست باس .. أحياناً العادي أسرع :27: |
اقتباس:
بس دام إني واصل لازم نودي المدام طيب نصيحتك بالنسبة لدزني ويونيفرسال إن احجز التذكرة العادية من النت ولوصلت أسألهم إذا في زحمة أو لا بعدها اقرر هل أضيف الفاست باس ؟ |
اقتباس:
بالتأكيد ما تكتمل زيارة أمريكا بدون زيارة ديزني و يونيفيرسال .... أنا أشوف أحجز التذكرة العادية ... و أدخل عادي ... بالنسبة إلى ديزني الفاست باس يباع منفصل داخل الملاهي ..و فيه طريقة ممكن تجربونها و هي الــ single ride يعني إذا أنتو أثنين و تبون تركبون مع بعض تنتظرون ..و إذا بتركبون كل واحد لحاله .. بدخلونكم مع ناس ثانين كلا واحد لحاله و أحتمالية كبيرة تركبون مع بعض نفس اللعبة في السنقل رايد جربوها عيالي و مشت معاهم كذا مره ... و لا تنسى أنه فيه بعض الألعاب أذا دخلتها و بدأت كأنك لحالك لا تقدر تسولف لا تكلم أحد تقول يا الله بس نوصل الأرض سالمين :e433::e124: |
طيب لو بختار وحدة منهم شتنصحوني عشان تكونون في الصورة بالنسبة لخطتي للوس أنجلوس انا بجلس فيها أول ما أوصل 4 ليالي ( خمس أيام) أول يوم بوصل الظهر بيكون راحة يعني ووجبة عشاء تمشي خفيف يعني اليوم الثاني بروح دزني اليوم الثالث بيكون سانتا مونيكا وبفرلي هيلز وهوليوود ومتحف الشمع مع الأماكن اللي حولهم مشهورة اليوم الرابع بيكون يونفيرسال ستوديوز اليوم الخامس بنطلق إلى سان فرانسيسكو وفي نهاية السفرة برجع ثلاث ليالي( 4 ايام في لوس أنجلوس) أول يوم بطلع من سان دييغو إلى دزرت هيلز اوت لت وبعدين بتعشى في انهايم وبرجع لوس أنجلوس اليوم الثاني والثالث بيكونون للراحة والتمشي وإذا في مكان عجبني أرحع له اليوم الأخير هو يوم المغادرة وإذا ممكن احد يفيدني في أفضل الألعاب في دزني وفي يونيفرسال عشان اروح لهم في البداية؟ |
اقتباس:
بالنسبة لديزني ... بصراحة ينطبق عليها المثل اللى يقول " إذا تبي تحيره خيره" طبعاً مستحيل تكون وحده أحسن من الثانية ... لأنه لو حصل هالشئ كان لقيت الكل يروح للمكان الزين و يسحب على الثانية .. و هالحيرة أنا وقعت فيها و علشان شاحل الموضوع أخذت تذكرة الهوبر ... و طلعت مبكر من البيت و دخلنا علشان نغطي الأنتين بنفس اليوم ... و هذا اللى حصل تقسمنا و الكل أستفاد ... و الألعاب .. ممكن اللعبة اللى أنا أشوفها زينه عندك تطلع بايخة ... فيه لعبة في ديزني أورلاندو أسمها شريك ... الزحام عليها بالساعات ... دخلتها و الله ما تسوى الأنتظار و لا 5 دقايق .. بايخة و مملة ... بس على العموم أنت أحرص على ألعاب الأكشن و القطارات السريعة ... |
اقتباس:
|
اقتباس:
موزعة بينهم .... هذا رابط الألعاب اللى في كل وحده منهم .... (california-adventure (37 Attractions https://disneyland.disney.go.com/att...nia-adventure/ (disneyland (53 Attractions https://disneyland.disney.go.com/att...ns/disneyland/ |
بس للأمانة ... يونيفيرسال .... أجمل بكثير من ديزني لاند كاليفورنيا |
اقتباس:
بعد البحث حددت الألعاب اللي راح أركبها بإذن الله وقررت أخذت الماكس باس بحيث أشتري الفاست باس عن طريق الابلكيشن + الصور اللي يصوروني كلها أقدر احملها ( زيادة 10 دولار على سعر التذكرة ) من بعد البحث الغالبية يتكلمون إنك إذا بتاخذ الهوبر روح مبكر من الصباح يعني خلك موجود قبل يفتحون بساعة وادخل دزني أدفنشر وخلص الألعاب اللي تبيها بعدين روح دزني لاند وكمل باقي اليوم هناك يعني لايجي الظهر الا وانت طالع من ادفنشر وكمل باقي اليوم في دزني لاند الماكس باس راح يفيد كثير إذا بتاخذ الهوبر عشان ماتوقف في السرى تنتظر كل لعبة غير كذا يوفر عليك تعب المطامر انك تجمع الفاست باس سعر التذكر لو بتاخذ الهوبر يفرق 200 ريال للشخص |
| الساعة الآن 11:53 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO