شبكة و منتديات العرب المسافرون - محتاجة رقم سائق عربي في بنسلفانيا

- بوابة امريكا (https://www.arabtrvl.com/vb/f168.html)

- - محتاجة رقم سائق عربي في بنسلفانيا (https://www.arabtrvl.com/vb/t39551.html)

محتاجة رقم سائق عربي في بنسلفانيا

السلام عليكم اعضاء منتدى المسافرون

انا بسافر بعد شهر لولاية بنسلفانيا لمدة شهرين للعلاج
وحابه تفيدوني برقم سائق عربي وامين لان انجليزيتي مش ولابد

واذا فيه شركات توفر سائقين عرب فيدوني فيهم

وحابه بعد تعطوني اقتراحات لمطاعم ومقاهي حلوه واكلها نظيف
وشكرا لكم

حبيبتي أمل..

أسأل الله العظيم رب العرب الكريم أن يشفيك ويجعل ما أصابك كفارة وطهورا ..

اسمحي لي حتى الآن مازرت بنسلفانيا وإلا كنت أفدتك بس إذا الله كتب وسافرت أمريكا السنة بازورها لو ربي أراد..

بالنسبة للسيارة مع سائق فهذي مو كثير شركات توفرها وإذا وفرتها فغالية جدا جدا ..وأنا أشوف أن مالها داعي دام رحلتك علاجية احرصي يكون السكن قريب المستشفى قدر الإمكان ..
وخلي محرمك أو مرافقك يستأجر سيارة ويسوقها هو وطرقهم نفس السعودية يعني ماراح يستصعب عليه شي..

وإذا تعسرت معكم أو رفض مرافقك السواقة هناك فأوبر وليفت وغيرها سهل ورائع ومتوفر بكثرة في أمريكا وأسعاره مناسبة

وإن شاء الله ربي مايطولها عليكم وترجعي بصحة وسلامة لبلدك وكل محبيك :6:

الله يشفي مريضكم يارب
مثل ماقالت اختي قطرية السيارة والسائق بامريكا وايد راح يطلع غليكم غالي والتكلفة عالية جدا
الأفضل السكن بالقرب من المستشفى وتاجير سيارة اذا احتجتوا
وعلى فكرة الطرق والسواقه بامريكا جدا سهله

الله يشافي مريضكم
وترجعون بسلامته وحفظه

العنوان مافهمنا منه شي لو تعطينا العنوان نعدله

انا قعدت فيها شهرين .. كنا نستخدم اوبر ومرات كنا ناخذ سيارة ترا علي القوقل ماب مافي شي صعب ابدا واذا علشان المستشفيات نصيحة دور شقه عند لفندق واحسن مكان philly المهم تسكون جنب سكن طلاب الجامعات والجامعات امان وحلو في مطاعم وكل شي جنبكم ... واوبر موجود هناك بس تعملين طلب تجيك لك اقرب سياره ... لا تدورين حد عربي ولا شي .. اوبر ..باصات.. سيارة ايجار .. ولا تشيلي هم وهناك فيها مساجد ومطاعم عربية واكل عربي .. بس المهم تعرفين وين راح تسكنين