|
اورلاندو ميامي 15 يوم في يناير هل هي مناسبة سلام يا شباب تبي اروح في يناير لمدة ١٥ يوم اورلاندو وميامي لكن ما ادري وش اضيف عليهم احس كثيرة عليهم هل اقدر ادر نيويورك وش فية اماكن زيارة في نيويروك في هالبرد وكيف خطة السفر وين اوصل وومن وين ارجع وافضل مكان استأجر السيارة منة واسلمها منه اختاج فزعتكم معي حيث انها اول سفرة لي الى أمريكا |
وعليكم السلام ورحمة الله وبركاته في شهر يناير نيويورك اجوائها باردة جدا وممكن تزورها اذا اردت وما عندكم مشكله بالبرد ولكن الأفضل من وجهة نظري هي زيارة اورلاندو وميامي وممكن تضيفون عليها تامبا ويمكن يكون مطار الوصول والمغادرة هو اورلاندو عن طريق طيران الامارات والسيارة ممكن تستاجرها من مطار اورلاندو وترجعها نفس المكان اورلاندو ممكن تسكن فيها 7 الى 8 أيام ومنها تزور دايتونا تامبا ممكن تخصص لها يومين وافضل مكان فيها شاطي كلير ووتر ميامي افضل مكان للسكن فيها في الشاطي الجنوبي وممكن تخصص لها 3 الى 4 أيام ----- واذا كان وصولكم ومغادرتكم نيويورك ممكن تسكن فيها 3 أيام ومن ثم طيران الى اورلاندو وتسكن فيها أسبوع ومن ثم بالسيارة الى ميامي وتسكن فيها 4 أيام وبعدها الرجوع الى نيويورك ليله واحدة او حتى ممكن تنزل فيها ترانزيت ثم العودة الى بلدك والسيارة تستاجرها من اورلاندو وتسلمها مطار ميامي |
اورلاندو جوها جدا مناسب في يناير واذا كنتو عائله يادوب تكفيكم 15 يوم لانه يونيفرسال + ديزني مجموع حدايقهم 6 غير البرامج الثانيه ممكن تضيف الكروز للبرنامج او تامبا او ميامي وبخصوص نيويورك وايد وايد باردة راح تكون انا زرتها بديسمبر الدرجة كانت -6 والمفروض شهر يناير تكون ابرد بعد حلوه تخلي لها يومين او ثلاثه بس مو اكثر وبخصوص السيارة انا ارجح لك الطيران الداخلي جدا ممتاز وسعره مناسب و 3 ساعات بين الولايتين بس الافضل تحجز من وقت قد ما تقدر |
رد: اورلاندو ميامي ١٥ يوم في يناير هل هي مناسبة فلوريدا وخصوصاً اورلاندو مليانه فعاليات لا اعتقد ان 15 يوم كثيرة للي يرتب الاماكن المراد زيارتها |
| الساعة الآن 04:40 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO