|
سياحة عائلية في صيف كالفورنيا ولا س فيقاس يوليو واغسطس 2019 السلام عليكم ... اليوم حبيت اخبركم اني رجعت الحمدلله من امريكا .... بحط لكم وين رحت وشو سويت سافرت طبعا مع اولادي وزوجي ... ترييب الرحلة كلها ترتيبي (يعني الحجوازات والطيران والحدايق ووالبرنامج)) طبعا ما انكر اني استفدت كثير من المواضيع في بوابة امريكا وبعد من كذا حساب في تويتر متخصصين في سفرات امريكا طبعا اول شي سويت اذا شفتوا المواضيع السابقة لي تجديد الفيز لزوجي وبنتي... لانها منتهية ثاني شي الحجز اللي اجلته وغيرته كذا مره ((لاني حجزت قبل ما تخلص فيزة بنتي بالسفاره..لانه قدمت اول شي لزوجي وبعدين ودينا لبنتي الجواز (وغلطنا انه ما ارفقنا صور الفيزا ورجعوها لنا وتاخرنا بعد اسبوع وكان لازم اجل السفر .. 1- سافرت عن طريق طيران KLM اول مره بحياتي اسافر علي طيران غير الاماراتي طبعا .. تجربه ممتازه (بحط تقييمي للطيران موضوع بروحه لانهم يستحقون)) 2- الرحلة كانت طبعا ترانزيت .. طبعا قلنا خلينا نجرب بدل ما نروح رحله طويله دايركت مع الاولاد .. سافرنا 20 /7/2019 من دبي ...لامستردام ..وبعرها من امستردام لسان فرانسيسكو 2- استاجرت سيارة عن طريق موقع Rentalcars.com 3- طبعا انا ما رحت مكان في سان فرانسيسكو لاني كنت حاجزه في ديزني في Anaheim المسافه بين لوس انجلس و سان فرانسيسكو 6 ساعات طبعا سواقه 4-حجزت في فندق اسمه Howard Johnson by Wyndham Anaheim Hotel and Water Play ground طبعا مبين من اسمه ليه اخترته اول شي موقع قريب من مدخل حديقة الدزني لاند يا دوب تمشي وتعبر الشارع للحديقه وثاني شي لانه في العاب مائية قلت الاطفال تتسلى فيه ((تقييمي للفندق جيد ولكن اللي بيحجز فيه يتاكد اي مبنى بيسكن افضل انكم تبتعدون عن المبني رقم 4 لانه عند الحديقة المائية بالضبط والطابق العلوي منه الاضائة قوية لانه السقف مغطى بزجاج ههه تحس نفسك قاعد في الخلا علي قولتهم .. لكن الغرفة كبيرة والموظفين محترمين وامان والموقع مميز للفندق حجزت عن طريق بوكنق https://www.tripadvisor.com/Hotel_Re...alifornia.html 5- اول يوم وصول ارتحنا ثاني يوم علي طول رحنا الحديقة ما حجزت اون لاين ولا غيره فطرنا في مخبز اكلهم حلو ونظيف بعد قريب من ماكدولنز علي الشارع في طريق الدزني لاند هذا كله مشي ما يحتاج السياره احنا من وصلنا صفينا السياره وصرنا نمشي .. 6- رحنا بعد اشترينا للاولاد اغراض من وال مارت Walmart قريب جدا من موقع المنطقة والفندق وهذي المنطقة شفت كذا فندق فيه العاب مائية بالفندق غير هالفندق يعني اشجعكم عليه .. وغلطانا مافيه فطور طبعا مع الحجز 7- طبعا انا اخترت نروح الحديقتين نفس اليوم رحنا الادفنتشر الصبج والثاني المسا طبعا بينهم رجعنا الفندق علشان نرتاح ونغير لانه الحدايق كبيره ((ما انصح تخذون حديقتين نفس اليوم الافضل علي يومين علشان تاخذون راحتكم خاصه وان الحدايق وحده تفتح للعشر المسا والثانيه ل 12 يعني على راحتكم ... Disneyland and Disneyland adventure https://disneyland.disney.go.com/tickets/ 8- طبعا ما اقولكم رحت وانصدمت بجو كالفورنيا لانه جد صيف وحر (انصلخنا علي قولتهم يعني اللي بيروح من الامارات السعودية يعني يجهز بالصيفي والكريمات الوقاية لانه صرنا الوان من شمسهم 9- انا كنت اروح تقريبا كل مدينه 4 ايام 3 ليالي .. كنت احس انه كافيه هذا حسب تقييمي الشخصي.. 10- اليوم الثالث رحنا نتجول في لوس انجلس ... .. رحنا الشارع اللي كله نجوم شارع المشاهير (Fam Street تلاقون فيه متحف الشمع ومتحف العجائب (شخصيا ما انصح حد يتمشي فيه كله وسخ وانتو بكرامه وناس تمشي بالشارع ومافي شي يذكر الا اللي ذكرتهم وفي مول ماركات .. يعني تعرفون عندهم وايد هوم لس للاسف وفي بعد بياعات بالشارع والشارع ضيق وحر .. 11- رحنا للجبل اللي شعار هوليود طبعا بس للتنوية احنا كله نستخدم الخريطة GPS ونمشي عليه يعني ما تضيع 12- رحنا للاسواق اوت لت لاكس بس ما اخذنا شي اول مره برجع بخبركم لانه رجعنا لها ثاني مره .. بيريفلي هيلز 13- اليوم الرابع كان الخروج من الفندق رحنا تمشينا سانت مونيكا .علي البحر .. ولونق بيتش بس نشوف الوضع لانه كان وجهتنا الثانيه ل ((سان دييغو )) 14- بكمل لكم باجر .. الموضوع مطول ... |
ماشاء الله ام العنود رحلة موفقة مشكلة الفنادق بجنب ولد دزني الازعاح خاصة اخر الليل الالعاب النارية وغيرها اتفق معك في شارع المشاهير مافية شي غير ذا النجوم متابعين معاك باقي التقرير |
مرحبا أم عنود .. وحمد لله على السلامة .. وجميل التغيير في الطيران .. رغم انه الدايركت أريح وأفضل .. لكن في التغيير تغييير .. وسردك جميل .. ياليت في صور شوية .. نشوف معاكم ..:e444: |
الحمدلله على السلامة يا ام عنود هالسنة بوابة امريكا عامره بالتقارير سجليني من المتابعين |
تقرير جميل واصلي |
الحمد لله على السلامة أم العنود سواقة من سان فرانسسكو الى لوس انجلوس 6 ساعات كثيرة كان ممكن تنزلوا مباشرة على مطار لوس انجلوس بالفعل شارع المشاهير ما عليه شي رغم أني سكنت فيه لكن ما أنصح أبداً لكثرة الهوملس حوله و ارتفاع الاسعار بانتظار تفاصيل اكثر |
كيف انزل صور احنا متعودين علي التلفونات صار لنا مده .. اللي يعرف الطريقه يخبرني |
|
اذا شفتوا الصور خبروني علشان انزل غيرهم .. |
|
|
|
اقتباس:
|
االسلام عليكم هذي المره الثالثه اللي اكتب ويروح الكلام للرحلة الثانيه طلعنا من لوس انجلس ل سان دييغو الطريق ممتع جدا وخذ تقريبا ساعتين . حجزت فندق عن طريق بوكنق بحط لكم اسمه واللنك Ramada by wyndham San Diego north hotel & conferencecenter الفندق يعني .. مافي شي يذكر لعايلة.. بسيط جدا (طبعا خذوا بالكم اني اول مره اروح لها وما نعرف شو الاماكن الحلوه فيسان دييغو ولانها مدينه قريبه من المكسيك وسوالف المهاجرين والمشاكل عندهم كنت احاول الاقي شي في امان مراقبه وبعيد عن الهوم لس وغيره ... الحمدلله الفندق كان مسور وفيه كاميرات حوالي الفندق كله مطاعم والسوبرماكت كبير Walmart [IMG]file:///C:/Users/AD1000~1/AppData/Local/Temp/1/msohtmlclip1/01/clip_image002.jpg[/IMG] حوالي الفندق كله مطاعم صينية .. ومحلات سيارات ..ومشتريات ..لقينا في نفس المنطقة مطعمين عربي/او تقول حلال الاول مطعم سمسم [IMG]file:///C:/Users/AD1000~1/AppData/Local/Temp/1/msohtmlclip1/01/clip_image004.jpg[/IMG] المطعم الثاني مطعم علاء الدين .. [IMG]file:///C:/Users/AD1000~1/AppData/Local/Temp/1/msohtmlclip1/01/clip_image006.jpg[/IMG] انانقلت لكم الصور من موقع المطاعم نفسها علشان تقدرون تدخلون وتشوفون طبعا المطاعماللي قريبه من الفندق ولما اقول قريب في امريكا يعني لازم سياره قريب 5 دقايق عشردقايق قريب وبعد هم يوصلون علي ما اظن ولكن احنا رحنا لهم . الحين بقول لكم الاماكن اللي رحت لها عندهم في سان دييغو
بحط لكم لنك فيه كل الشواطيئ بسان دييغو .. طبعا بتلاقون بسان دييغو مواقف اسمها park and rideيعني وقف السيارة واركب السيكل نحن نسميه او العجل .. يعني وفي اماكن ياجرون لك انا انصح اللي يحب يروح البحر خاصه من جماعتنا يروح الصبح ولاتنسون السجاده المظله الاكل واهم شي (السن بلوك واقي الشمس علشان ما نتحرقون.. ولاتنسون تاخذو اغراض الحمام .. طبعا احنا حممنا الاولاد علي فكره الشور عندهم خارجي... الحمدلله الاولاد بس تحمموا ولبسناهم خارج الحمامات اعزكم الله لانه ما احب ادخل حماماتهم الا اذا مضطره او بمكان اكون متاكده انه نظيف وبعد معاي عدة النظافة(الماي.. الكلينكس المبلول .. وديتول المطهر ) احنا رحنا ال mission beach فيه طبعا مطاعم حواليه ومحلات وحلو للتمشي مع الاطفال والجو كان مناسب قعدنا تقريبا من9 الصبح للساعة 11 لما بدا الجو يسخن هربنا ..
|
الاسواق طبعا .. انا كان باقي لي يوم .... في سان دييغو .. كان لازم اروح الاسواق ... رحنا ال fashion vally , و Las Americas Premium Outlets‬ و San Diego Factory Outlet Center طبعا انا بقول شي احنا أجلنا التسوق لاخر ايام لانه كانا نتنقل ونروح من مكان للثاني فقلنا نخليه للاخير.. ومع ذلك بعد كان لابد نروح ونتسوق عادات وتقاليد انا بقول شي بالنسبة لسان دييغو .. ما رحنا كل الاماكن لانه كنا نتنقل كثير وكان بالنسبة لي مهم اروح الاماكن اللي ما راحنا لها قبل انا بحط لكم رابط ممكن تدخلون عليه ... وتشوفون ... طبعا تقييمي اشوف انه سان دييغو كبيرة وممكن تقعدون فيها اكثر 10 ايام او اسبوع علي الاقل علشان تغطون كل الاماكن.. ولا تنسون اذا تطولون بامريكا.. تحسبون المصاريف والاماكن .. خاصه اذا تتنقلون من مكان لمكان https://www.tripadvisor.com/Tourism-...Vacations.html والسياره خذوها اكبر الحجم علشان توسع الاغراض خاصه اذا مثل حالتي في كل مدينه السوق واشتري منها.. يعني احنا عانينا من السياره صغرت مع الوقت ههههههههههه زين بس اتذكر شي بعد بحط لكم... وبقولكم .. باقي الرحله من سان دييغو ل لاس فيقاس... لاس فيقاس ل لوس انجلس ... من لوس انجلس ل سان فرانسيسكو ..وللحديث بقية .... استقبل تعليقاتكم بكل شكر .. |
السيارة تصغر مع الوقت هههههه سواقة الفانات ما هي سهلة ترى مخططكم جميل سان دييغو مدينة مكسيكية بقوة و كاليفورنيا عموماً المكسيكان فيها كثير وهم شعب طيب وبسيط بس حنا أخذنا عنه فكرة خطأ بانتظارك |
الحمدلله على سلامتكم و يعطيج العافيه نقاط جميله اختصرتي فيها الرحله مع المعلومات والنصايح بس الصور تقدرين تحملينهم من الجوال للتقرير مباشره عن طريق برنامج التابلتك سهل جداا وهذا شرح للطريقه https://www.arabtrvl.com/vb/t7369.html ومنوره المنتدى تابعي |
| الساعة الآن 12:08 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO