|
ساعدوني في جدول رحله الى كاليفورنيا السـلام عليكم, انا ان شاء الله مسافر على لوس انجلوس - سان دييغو - لاس فيغاس. التاريخ بيكون في شهر ديسبمر يوم 16 مدة الرحله بتكـون اسبوعين باذن الله. سؤالي لاهنتم كيف بتكون الاجواء في المدن التي تم ذكرها؟ هل يحتاج جاكيت ثقيل؟ وممكن ان البرد يكون عائق في التمشيه؟ مع العلم بنكون انا وزوجتي وابني عمره سنتين. وايضاً تم تقسيم الايام كالتالي، لوس انجلوس 10 ايام سـان دييغو يومين ولاس فيغاس يومين. ياليت تعطوني جدول مناسب لتقسم الايام هذي، لان تم حجز الفنادق بناءُ على الايام ذي. وسؤال اخيـر.. نفـكر نروح على جبال Big Bear Lake هل بتكون فيه ثلوج في ديسمبر وانشطه ثلجيه؟ وشـاكر لكم مقدماً جزيل الشكر. |
هلا يا غالي الاجواء باردة فيها كلها تحتاج جاكيت وملابس مناسبة للصغير الله يحفظه لكم بس ما توصل لمرحلة الثلوج يعني تتراوح درجات الحرارة ما بين 10 الى 18 درجة في ديسمبر لكنه جو منعش وغير عائق ابدا لتمشياتكم موسم big bear lake من ديسمبر الى مارس لذا الكثير من النشاطات شغال مثل التزلج و الزبلاين والهايكنق + حديقة حيوان عشان ترتب جدولك تحتاج تقرأ اكثر لان النشاطات اللي تعبجك غير اللي تعجبني أهم مزارات لوس انجلوس الهامة بنظري : يونيفرسال ستوديو + city walk ديزني لاند شارع النجوم في هوليوود + المسرح الصيني مرصد جريفث وهو مطل مجاني على المدينة وعلى لوحة هوليوود الشهيرة روديو درايف وفيه اغلى محل بالعالم وباقي الماركات ستوديو وارنر برذرز وفيه مواقع تصوير فريندز + الين شو + ووووووو مركز تسوق the grove + farmers market شارع سن سيت بلفارد + علامة beverly hills + المنازل الفارهة شاطئ سانتا مونيكا + شاطئ فينيسيا طبعاً فيه مدام توسو + صدق أو لا تصدق + الاكواريوم اذا تحبوا تزوروها أهم مزارات سان دييقو : سي وورلد حديقة الحيوان المفتوحة المدينة القديمة الميناء البحري أهم مزارات لاس فيقاس : المشي على شارع ستريب كل جانب يمكن يأخذ يوم بخيث يتم الدخول للكازينوهات و المطاعم والكافيهات داخل كل منتجع ارشح تركزوا على منتجع باريس على شارع ستريب وتسكنوا فيه وممكن تطلعوا لبرج ايفل من داخل المنتجع وفيه مطعم الشيف قوردون لو حبيتوا تجربوه على الجانب الاخر من الشارع نحضر عرض النافورة الراقصة مساء موفقين |
ماشاء الله عليك ابو غسان موجز ممتاز جدا اوفيت بما قلت |
اقتباس:
كفيت ووفـيت سؤال اخيـر أن شاء الله, عندك فكرة عن تطبيق Turo لإيجار السيارات؟ انا افكر اخذ منه لان الاسعار جداً مناسبه للسيارات luxury وهل هو آمن ايضاً؟ |
اقتباس:
نعم التطبيق آمن والكثير تعامل معه و اسعاره ممتازة |
انا رحت لوس انجلوس + فيغاس بديسمبر الجو حلو يعني جاكيت خفيف كفايه كان لبسنه جدا عادي مو خفيف كلش ولا ثقيل وانصحك بمطعم Joan's on third للافطار واذا كنت ناوي تحضر show في لاس فيغاس نصيحه رتب ايامك على تواريخ العروض لانه انا غلطت وحجزت فندق بس ماحصلت عروض كانو كله day off واذا كنت تبي شوي سوق اوت لت لاس فيغاس رووعه رخيص ومتنوع ومن ارخص الاوت ليتات اللي رحتهم بامريكا |
| الساعة الآن 11:47 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO